മലാവിയൻ വംശജയായ ഓസ്‌ട്രേലിയൻ നീന്തൽതാരവും, ഒളിമ്പിക് സ്വർണ്ണ മെഡൽ ജേതാവും ലോക ചാമ്പ്യനുമാണ് ബ്രോണ്ടെ ക്യാമ്പ്‌ബെൽ ഒ‌എഎം (ജനനം: 14 മെയ് 1994). അവരുടെ മൂത്ത സഹോദരി കേറ്റ് ക്യാമ്പ്ബെൽ ഒരു മത്സരാധിഷ്ഠിത നീന്തൽതാരവും ഹ്രസ്വ, ദീർഘ കോഴ്‌സുകളിൽ 100 മീറ്റർ വ്യക്തിഗത ഫ്രീസ്റ്റൈൽ ഇവന്റുകളിൽ ലോക റെക്കോർഡുകളും നേടിയിട്ടുണ്ട്. 1972-ലെ ഒളിമ്പിക്സിന് ശേഷം ഒരേ ഒളിമ്പിക് നീന്തൽ ടീമിലെ ആദ്യത്തെ ഓസ്‌ട്രേലിയൻ സഹോദരങ്ങളും ഒളിമ്പിക്സിൽ ഒരേ നീന്തൽ മത്സരത്തിൽ പങ്കെടുത്ത ആദ്യ ഓസ്‌ട്രേലിയൻ സഹോദരിമാരുമാണ് ബ്രോണ്ടും കേറ്റും.[2][3] 50, 100 മീറ്റർ ഫ്രീസ്റ്റൈൽ മത്സരങ്ങൾ ഉൾപ്പെടെ 2015-ലെ ലോക ചാമ്പ്യൻഷിപ്പിൽ ബ്രോണ്ടെ ക്യാമ്പ്‌ബെൽ മൂന്ന് സ്വർണ്ണ മെഡലുകൾ നേടിയിരുന്നു.

ബ്രോണ്ടെ ക്യാമ്പ്‌ബെൽ
Bronte Campbell.jpg
വ്യക്തിവിവരങ്ങൾ
National team ഓസ്ട്രേലിയ
ജനനം (1994-05-14) 14 മേയ് 1994  (28 വയസ്സ്)
Blantyre, Malawi
ഉയരം179 സെ.മീ (5 അടി 10 ഇഞ്ച്)[1]
ഭാരം58 കി.ഗ്രാം (128 lb)
Sport
കായികയിനംSwimming
StrokesFreestyle
ClubCommercial SC
CoachSimon Cusack

മുൻകാലജീവിതംതിരുത്തുക

എറിക് (അക്കൗണ്ടന്റ്), ജെന്നി (ഒരു നഴ്‌സ്) ക്യാമ്പ്‌ബെൽ എന്നിവർക്ക് ജനിച്ച അഞ്ച് മക്കളിൽ രണ്ടാമത്തേതാണ് ക്യാമ്പ്‌ബെൽ. അവർക്ക് ഒരു മൂത്ത സഹോദരി കേറ്റിനെ കൂടാതെ, ജെസീക്ക, അബിഗയിൽ എന്നീ രണ്ട് അനുജത്തികളും ഹമീഷ് എന്ന ഒരു ഇളയ സഹോദരനുമുണ്ട്. കഠിനമായ സെറിബ്രൽ പക്ഷാഘാതമുള്ള ഹമീഷിന് മുഴുവൻസമയ പരിചരണം ആവശ്യമാണ്.[4] ഹമീഷിന് ബ്രോണ്ടെയെക്കാൾ നാല് വയസ്സ് കുറവാണ്.[5] നീന്തൽക്കാരിയായിരുന്ന ജെന്നി, തന്റെ നാല് പെൺമക്കളെ നീന്താൻ പഠിപ്പിച്ചിരുന്നു.[6]

കരിയർതിരുത്തുക

അവരുടെ കുടുംബം 2001-ൽ മലാവിയിൽ നിന്ന് ഓസ്ട്രേലിയയിലേക്ക് താമസം മാറി. ക്യാമ്പ്‌ബെല്ലും കേറ്റും അതേ വർഷം ബ്രിസ്ബേനിലെ ഇന്ദൂറിപ്പിളി നീന്തൽ ക്ലബ്ബിൽ ചേർന്നു. അവരുടെ പരിശീലകനായ സൈമൺ കുസാക്ക് രണ്ട് സഹോദരിമാരെയും പരിശീലിപ്പിച്ചിരുന്നു.

2009-ൽ ഓസ്‌ട്രേലിയൻ യൂത്ത് ഒളിമ്പിക് ഫെസ്റ്റിവലിൽ 50 മീറ്റർ ഫ്രീസ്റ്റൈലിൽ ബ്രോണ്ടെ സ്വർണം നേടി. 2011-ൽ പെറുവിലെ ലിമയിൽ നടന്ന 2011-ലെ ഫിന വേൾഡ് ജൂനിയർ നീന്തൽ ചാമ്പ്യൻഷിപ്പിൽ ഇതേ മത്സരത്തിൽ സ്വർണം നേടി.

2012തിരുത്തുക

ലണ്ടനിൽ നടന്ന 2012-ലെ സമ്മർ ഒളിമ്പിക്സിൽ വനിതാ 50 മീറ്റർ ഫ്രീസ്റ്റൈലിൽ ക്യാമ്പ്ബെൽ മത്സരിച്ചു. ബ്രോണ്ടെയും സഹോദരി കേറ്റും ഒരേ ഹീറ്റ്സിൽ നീന്തുകയും യഥാക്രമം രണ്ടും മൂന്നും സ്ഥാനങ്ങൾ നേടുകയും സെമി ഫൈനലിന് യഥാക്രമം ഒമ്പതാം സ്ഥാനത്തും പത്താം സ്ഥാനത്തും യോഗ്യത നേടുകയും ചെയ്തു.[7]

2013തിരുത്തുക

2013-ലെ ഓസ്ട്രേലിയൻ നീന്തൽ ചാമ്പ്യൻഷിപ്പിൽ 50, 100 മീറ്റർ ഫ്രീസ്റ്റൈൽ ഇനങ്ങളിൽ അവർ വെള്ളി നേടി സഹോദരി കേറ്റിനെ പിന്നിലാക്കി 2013-ലെ ലോക അക്വാട്ടിക്സ് ചാമ്പ്യൻഷിപ്പിന് യോഗ്യത നേടി. ലോക ചാമ്പ്യൻഷിപ്പിൽ, 4 × 100 മീറ്റർ ഫ്രീസ്റ്റൈൽ റിലേയിൽ കേറ്റ്, എമ്മ മക്കിയോൺ, അലീഷ്യ കോട്ട്സ് എന്നിവരുമായി മത്സരിച്ച് അവർ വെള്ളി മെഡൽ നേടുകയും യുണൈറ്റഡ് സ്റ്റേറ്റ്സിന് പിന്നിൽ 0.12 സെക്കൻഡിൽ ഫിനിഷ് ചെയ്യുകയും ചെയ്തു.[8]

2014തിരുത്തുക

ദോഹയിൽ നടന്ന 2014-ലെ ഫിനാ വേൾഡ് നീന്തൽ ചാമ്പ്യൻഷിപ്പിൽ (25 മീറ്റർ) മത്സരിച്ച അവർ 50 മീറ്റർ ഫ്രീസ്റ്റൈൽ ഇനത്തിൽ (സമയം 23.62) റനോമി ക്രോമോവിഡ്ജോജോയ്ക്ക് പിന്നിലും മറ്റൊന്ന് 4 × 100 മീറ്റർ മെഡ്‌ലി റിലേയിൽ ഡാനിഷ് ടീമിന് പിന്നിലും രണ്ട് വെള്ളി മെഡലുകൾ നേടി. 100 മീറ്റർ ഫ്രീസ്റ്റൈൽ ഇനത്തിന്റെ ഫൈനലിൽ ഫെംകെ ഹീംസ്കെർക്ക്, റനോമി ക്രോമോവിഡ്ജോ, സാറാ സ്ജസ്ട്രോം എന്നിവർക്ക് പിന്നിൽ അവർ നാലാം സ്ഥാനത്തെത്തി (ടൈമിംഗ് 51.65),

2015തിരുത്തുക

 
2015-ൽ കസാനിൽ കേറ്റ് ക്യാമ്പ്‌ബെല്ലിനൊപ്പം

കസാനിൽ നടന്ന 2015-ലെ ലോക ചാമ്പ്യൻഷിപ്പിൽ മൂന്ന് സ്വർണവും ഒരു വെങ്കലവും നേടി 100 മീറ്റർ ഫ്രീസ്റ്റൈൽ ഇനത്തിൽ (52.52 ൽ) സാറാ സ്ജോസ്ട്രോമിനെയും കേറ്റ് ക്യാമ്പ്‌ബെല്ലിനെയും തോൽപ്പിച്ച് അവർ ഒന്നാമതെത്തി.[9]50 മീറ്റർ ഫ്രീസ്റ്റൈൽ ഇവന്റിൽ (24.12 ൽ), റനോമി ക്രോമോവിഡ്ജോയെയും സാറാ സ്ജസ്ട്രോമിനെയും തോൽപ്പിച്ചു.

4 × 100 മീറ്റർ ഫ്രീസ്റ്റൈൽ റിലേയിൽ ഡച്ച്, യുഎസ് ടീമുകളെ തോൽപ്പിച്ച് അവർ സ്വർണം നേടി.[10]ചൈനീസ്, സ്വീഡിഷ് ടീമുകൾക്ക് പിന്നിൽ 4 × 100 മീറ്റർ മെഡ്‌ലി റിലേയിൽ വെങ്കല മെഡൽ നേടി[11].

2016തിരുത്തുക

2016-ലെ സമ്മർ ഒളിമ്പിക്സിൽ 50 മീറ്ററിലും 100 മീറ്ററിലും ഫ്രീസ്റ്റൈലിലും 4 × 100 മീറ്റർ ഫ്രീസ്റ്റൈൽ റിലേയിലും ഓസ്ട്രേലിയയെ ക്യാമ്പ്ബെൽ പ്രതിനിധീകരിച്ചു (അതിൽ അവർ ഒന്നാമതെത്തി ഒരു പുതിയ ലോക റെക്കോർഡ് സ്ഥാപിച്ചു).[12]50, 100 മീറ്റർ ഫ്രീസ്റ്റൈലിൽ ലോക ചാമ്പ്യനായിരുന്നിട്ടും ഈ ഇനങ്ങളിൽ അവർ ഒരു മെഡൽ നേടിയില്ല.

സ്വകാര്യ ജീവിതംതിരുത്തുക

ക്വീൻസ്‌ലാന്റ് യൂണിവേഴ്‌സിറ്റി ഓഫ് ടെക്‌നോളജിയിലെ വിദ്യാർത്ഥിനിയാണ് ക്യാമ്പ്‌ബെൽ. അവിടെ ബിസിനസിൽ [13] പ്രധാനമായും പബ്ലിക് റിലേഷൻസ് പഠിക്കുന്നു.[14]

ബ്രിസ്ബെയ്നിലെ ഒരു പ്രാദേശിക ബാപ്റ്റിസ്റ്റ് പള്ളിയിൽ ക്യാമ്പ്ബെൽ പങ്കെടുക്കുന്നു.[15]2016 ഡിസംബർ വരെ ക്യാമ്പ്‌ബെൽ സഹോദരി കേറ്റിനൊപ്പം താമസിച്ചിരുന്നെങ്കിലും 2017 ലെ വിവരമനുസരിച്ച്, അവർ ഇപ്പോൾ ഒന്നിച്ചു താമസിക്കുന്നില്ല. ക്യാമ്പ്ബെൽ ഇപ്പോൾ കൂർപാറുവിലാണ് താമസിക്കുന്നത്.[16]കഴിവുള്ള ഒരു കവിയത്രി കൂടിയാണ് ക്യാമ്പ്‌ബെൽ. കവിതകൾ എഴുതുകയും ഒരു മത്സരത്തിന് മുമ്പ് പ്രചോദനം നൽകാൻ നീന്തൽ ടീമിലേക്ക് അവ വായിക്കുകയും ചെയ്യുന്നു.[17][18]

അവലംബംതിരുത്തുക

  1. "Bronte Campbell". fina.org. FINA. മൂലതാളിൽ നിന്നും 2016-04-23-ന് ആർക്കൈവ് ചെയ്തത്. ശേഖരിച്ചത് 1 September 2019.
  2. "Bronte Campbell".
  3. "Campbell Sisters to swim in London". മൂലതാളിൽ നിന്നും 4 November 2014-ന് ആർക്കൈവ് ചെയ്തത്. ശേഖരിച്ചത് 18 May 2012.
  4. "Sister act set to rock Glasgow pool". Fox Sports (ഭാഷ: ഇംഗ്ലീഷ്). 2014-07-20. ശേഖരിച്ചത് 2017-07-15.
  5. "Subscribe | heraldsun". www.heraldsun.com.au. ശേഖരിച്ചത് 2017-07-15.
  6. "Sport on Saturdays: Meet Cate Campbell, Olympic swimmer". Mamamia (ഭാഷ: ഇംഗ്ലീഷ്). 2013-10-05. ശേഖരിച്ചത് 2017-07-15.
  7. Women's 50m Freestyle: Heats Archived 22 August 2012 at the Wayback Machine., London2012.com
  8. "Final results of Women's 4 × 100 metre freestyle relay at the 2013 World Aquatics Championships" (pdf). Omega Timing. 28 July 2013. ശേഖരിച്ചത് 29 July 2013.
  9. Final results
  10. Final results
  11. "Final results". മൂലതാളിൽ നിന്നും 24 September 2015-ന് ആർക്കൈവ് ചെയ്തത്. ശേഖരിച്ചത് 18 May 2016.
  12. "2016 Australian Olympic Swimming Team selected". Australian Olympic Committee. 14 April 2016. മൂലതാളിൽ നിന്നും 11 October 2016-ന് ആർക്കൈവ് ചെയ്തത്. ശേഖരിച്ചത് 4 July 2016.
  13. "QUT News & Events Wrap". QUT. ശേഖരിച്ചത് 2017-08-07.
  14. "Double trouble: Swim sisters". 2015-05-15. ശേഖരിച്ചത് 2017-08-07.
  15. "Sibling rivals in the pool". ശേഖരിച്ചത് 2017-08-07.
  16. "Cate Campbell buying a Brisbane house - realestate.com.au". realestate.com.au (ഭാഷ: ഇംഗ്ലീഷ്). 2017-02-04. ശേഖരിച്ചത് 2017-08-07.
  17. "Aussie swimmers the Campbell sisters doing it for themselves". Women's Health. ശേഖരിച്ചത് 2018-04-17.
  18. "Bronte Campbell - the Poet Uncaged - Sportette". Sportette (ഭാഷ: ഇംഗ്ലീഷ്). 2016-07-17. ശേഖരിച്ചത് 2018-04-17.

ബാഹ്യ ലിങ്കുകൾതിരുത്തുക

റിക്കോഡുകൾ
മുൻഗാമി
Florent Manaudou, Jérémy Stravius, Mélanie Henique, Anna Santamans
Mixed 4 × 50 metres freestyle relay world record-holder
10 November 2013 – 14 December 2013
പിൻഗാമി
Sergey Fesikov, Vladimir Morozov, Rozaliya Nasretdinova, Veronika Popova
"https://ml.wikipedia.org/w/index.php?title=ബ്രോണ്ടെ_ക്യാമ്പ്‌ബെൽ&oldid=3655754" എന്ന താളിൽനിന്ന് ശേഖരിച്ചത്