ബുസ്താൻ
പതിമൂന്നാം നൂറ്റാണ്ടിൽ ജീവിച്ചിരുന്ന വിഖ്യാത പേർഷ്യൻ കവിയായ സഅദി ശിറാസിയുടെ ഒരു കാവ്യസമാഹാരമാണ് ബുസ്താൻ (Persian: بوستان, pronounced "Būstān" ) . ഫലോദ്യാനം എന്നാണ് ബുസ്താൻ എന്ന പദത്തിനർഥം.
![](http://upload.wikimedia.org/wikipedia/commons/thumb/a/a5/Sadi1.jpg/220px-Sadi1.jpg)
സഅദിയുടെ അനുഭവസമൃദ്ധിയുടേയും, ജ്ഞാനോദയത്തിന്റേയും, ജീവിതവീക്ഷണത്തിന്റേയും ഫലങ്ങൾ ആണ് ഉള്ളടക്കം.ധാരാളം സംഭവവിവരണങ്ങളും,യാത്രാനുഭവങ്ങളും, വിശകലനങ്ങളുമടങ്ങുന്നതാണ് ബുസ്താൻ. മസ്നവി ശൈലി അഥവാ ഈരടികളായിട്ടാണ് ബുസ്താൻ രചിച്ചിരിക്കുന്നത്. കഥാ വിവരണത്തിലും, സാരോപദേശത്തിലും ഈസോപ്പ് കഥകളോട് സാമ്യത പുലർത്തുണ്ട് ബുസ്താൻ.
സഅദിയുടെ പ്രസിദ്ധീകരിക്കപ്പെട്ട ആദ്യ കൃതിയാണിത്.