ബാര ഇമാംബര

ഇന്ത്യയിലെ ലഖ്‌നൗവിലെ ഒരു ഇമാംബര സമുച്ചയമാണ് ബാര ഇമാംബര ( ഹിന്ദി : बड़ा इमामबाड़ा). 1784-ൽ അവധ് നവാബായിരുന്ന അസഫ്-ഉദ്-ദൗലയാണ് ഈ ഇമാംബര സമുച്ചയം നിർമ്മിച്ചത്. ബാര എന്നാൽ വലുത് എന്നാണർത്ഥം. ഷിയാ മുസ്ലീങ്ങൾ ആസാദാരിയുടെ ആവശ്യത്തിനായി നിർമ്മിച്ച ദേവാലയമാണ് ഇമാംബര. നിസാമത്ത് ഇമാംബര കഴിഞ്ഞാൽ ഏറ്റവും വലിയ രണ്ടാമത്തെ ഇമാംബരയാണിത്. </link>

ബാര ഇമാംബര
Information
Country	India
Coordinates	26°52′08.77″N 80°54′46.39″E

കെട്ടിട ഘടന

ബാര ഇമാംബരയുടെ ലാബിരിന്തിൻ്റെ മേൽക്കൂരയിൽ നിന്നുള്ള കാഴ്ച

വലിയ അസ്ഫി മസ്ജിദ്, ഭുൽ-ഭുലയ്യ (ലാബിരിന്ത്), ബൗളി, ഒഴുകുന്ന വെള്ളമുള്ള കുത്തനെയുള്ള കിണർ എന്നിവ കെട്ടിട സമുച്ചയത്തിൽ ഉൾപ്പെടുന്നു. രണ്ട് കവാടങ്ങൾ പ്രധാന ഹാളിലേക്ക് നയിക്കുന്നു. ടെറസിൽ എത്താൻ 1024 വഴികളുണ്ടെന്ന് പറയപ്പെടുന്നു, എന്നാൽ തിരികെ വരാൻ രണ്ട് വഴികളേയുള്ളൂ. അത് ആദ്യത്തെ ഗേറ്റിലൂടെയോ അവസാനത്തെ ഗേറ്റിലൂടെയോ ആണ്. ഇത് ആകസ്മികമായി സംഭവിച്ച ഒരു വാസ്തുവിദ്യയാണ്. </link>

ആശ്വാസ നടപടി

വിനാശകരമായ ക്ഷാമത്തിൻ്റെ വർഷമായ 1780-ൽ ബാര ഇമാംബരയുടെ നിർമ്മാണം ആരംഭിച്ചു. ക്ഷാമം നീണ്ടുനിൽക്കുമ്പോൾ ഈ മേഖലയിലെ ആളുകൾക്ക് തൊഴിൽ നൽകുകയെന്നതായിരുന്നു ഈ മഹത്തായ പദ്ധതി ആരംഭിക്കുന്നതിലെ അസഫ്-ഉദ്-ദൗലയുടെ ലക്ഷ്യങ്ങളിലൊന്ന്. സാധാരണക്കാർ പകൽസമയത്ത് ഈ കെട്ടിടം പണിയുകയും, പ്രഭുക്കന്മാരും മറ്റ് ഉന്നതരും അന്ന് പണിതതെല്ലാം തകർക്കാൻ രാത്രിയിൽ അധ്വാനിക്കുകയും ചെയ്തുവെന്ന് പറയപ്പെടുന്നു. തൊഴിലവസരങ്ങൾ സൃഷ്ടിക്കുന്നതിനുള്ള ഒരു കെയ്‌നേഷ്യൻ ഇടപെടലിന് മുമ്പുള്ള ഒരു പദ്ധതിയായിരുന്നു അത്. 1784-ൽ ഇമാംബരയുടെ നിർമ്മാണം പൂർത്തിയായി. അരലക്ഷം രൂപ മുതൽ ഒരു ലക്ഷം രൂപ വരെയാണ് ഇമാംബരയുടെ നിർമ്മാണത്തിന് ചെലവ് കണക്കാക്കുന്നത്. പൂർത്തീകരിച്ചതിനു ശേഷവും, നവാബ് അതിൻ്റെ അലങ്കാരത്തിനായി വർഷം തോറും നാല് ലക്ഷം മുതൽ അഞ്ഞൂറായിരം രൂപ വരെ ചെലവഴിച്ചു.

വാസ്തുവിദ്യ

• 
  ബാര ഇമാംബരയ്ക്കുള്ളിലെ ഒരു മേലാപ്പിന് കീഴിലുള്ളഅസഫ് ഉദ്-ദൗളയുടെലളിതമായ ശവക്കുഴി; സീതാ റാമിൻ്റെ ജലച്ചായ ചിത്രം, സി. 1814-15.
• 
  ഇന്നത്തെ ഇൻറീരിയർ കാഴ്ച.
• 
  റൂമി ദർവാസ, ഏകദേശം 1860-ൽ ഇന്ത്യയിലെ ലഖ്‌നൗവിലെ ഹുസൈനാബാദ് ഇമാംബരയിലേക്കുള്ള കവാടം.
• 
  ബാര ഇമാംബരയുടെ പുറം കാഴ്ച.
• 
  ഇമാംബര സമുച്ചയത്തിനുള്ളിൽ സ്ഥിതി ചെയ്യുന്ന അസ്ഫി മസ്ജിദ്.

സമുച്ചയത്തിൻ്റെ വാസ്തുവിദ്യ, അലങ്കാരപ്പണികളുള്ള മുഗൾ രൂപകല്പനയെ പ്രതിഫലിപ്പിക്കുന്നു. യൂറോപ്യൻ മൂലകങ്ങളോ ഇരുമ്പിൻ്റെ ഉപയോഗമോ ഉൾപ്പെടുത്താത്ത അവസാനത്തെ പ്രധാന പദ്ധതികളിൽ ഒന്നാണ് ബാദ്ഷാഹി മസ്ജിദ്. പ്രധാന ഇമാംബരയിൽ അസഫ്-ഉദ്-ദൗളയുടെ ശവകുടീരം ഉൾക്കൊള്ളുന്ന ഒരു വലിയ നിലവറയുള്ള കേന്ദ്ര അറയുണ്ട്. 50മീറ്റർ നീളവും 16 മീറ്റർ വീതിയും 15മീറ്റർ ഉയരവുമുള്ള ഈ കെട്ടിടത്തിന് ഇതിന്റെ മേലാപ്പ് താങ്ങുന്നതിനുള്ള ബീമുകളൊന്നുമില്ല. ലോകത്തിലെ ഏറ്റവും വലിയ കമാന നിർമ്മാണങ്ങളിലൊന്നാണിത്. ചുറ്റുപാടുമുള്ള എട്ട് അറകൾ വ്യത്യസ്ത ഉയരമുള്ള മേൽക്കൂരകളാൽ നിർമ്മിച്ചിരിക്കുന്നു. ഇവയ്ക്ക് മുകളിലുള്ള ഇടം 489 സമാന വാതിലുകളിലൂടെ പരസ്പരം ബന്ധിപ്പിക്കുന്ന പാതകളുള്ള ഒരു ത്രിമാന ലാബിരിന്തായി രൂപാന്തരപ്പെട്ടിരിക്കുന്നു. കെട്ടിടത്തിൻ്റെ ഈ ഭാഗം ഭൂൽഭുലയ്യ എന്ന് അറിയപ്പെടുന്നു. തദ്ദേശീയരുടെയും വിനോദസഞ്ചാരികളുടെയും ഇടയിൽ ഇത് പ്രിയപ്പെട്ട ആകർഷണമാണ്, ഒരുപക്ഷേ ഇന്ത്യയിൽ നിലവിലുള്ള ഒരേയൊരു രാവണൻകോട്ട കൂടിയാണിത്. ചതുപ്പുനിലത്ത് പണിതിരിക്കുന്ന കെട്ടിടത്തിൻ്റെ ഭാരം താങ്ങാൻ നിർമ്മിച്ച ഈ നിർമ്മിതി ഒരു ലാബറിന്തായി പരിണമിച്ചു. ഇതിന്റെ പുറത്ത് 18മീറ്റർ ഉയരത്തിലുള്ള റൂമി ദർവാസയും അസഫ്-ഉദ്-ദൗളയാണ് നിർമ്മിച്ചത്.ആഡംബര അലങ്കാരങ്ങളാൽ അലങ്കരിച്ച ഈ കവാടം ഇമാംബരയുടെ പടിഞ്ഞാറ് അഭിമുഖമായിസ്ഥിതിചെയ്യുന്നു. ലഖ്‌നൗവിലെ ഏറ്റവും വലിയ കെട്ടിടങ്ങളിലൊന്നാണ് ബാര ഇമാംബര.

മത്സരാധിഷ്ഠിതമായ ഒരു പ്രക്രിയയിലൂടെയാണ് ഇമാംബരയുടെ ഡിസൈൻ തിരഞ്ഞെടുത്തത്. ഡൽഹി വാസ്തുശില്പിയായ കിഫയത്തുള്ള ആയിരുന്നു വിജയി, അദ്ദേഹത്തെ ഇമാംബരയുടെ പ്രധാന ഹാളിൽ അടക്കം ചെയ്തു. ഈ കെട്ടിടത്തിന്റെ വാസ്തുശില്പിയും നിർമ്മിച്ച അധികാരിയും അടുത്തടുത്തായി അടക്കം ചെയ്യപ്പെട്ടിട്ടുള്ളത് മറ്റൊരു പ്രത്യേകതയാണ്.

ഇതും കാണുക

• റൂമി ദർവാസ
• ഛത്തർ മൻസിൽ
• ഇമാംബര ഷാ നജാഫ്
• ഛോട്ടാ ഇമാംബര
• ഇമാംബര ഗുഫ്രാൻ മഅബ്
• ലഖ്‌നൗവിലെ ഇമാംബരകൾ

പുറത്തേക്കുള്ള കണ്ണികൾ

• Bara Imambara എന്ന വിഷയവുമായി ബന്ധമുള്ള കൂടുതൽ പ്രമാണങ്ങൾ (വിക്കിമീഡിയ കോമൺസിൽ)
• Bara Imambara more facts