ഫാറ്റൗമാത കൂലിബാലി
ഒരു മാലിയൻ ചലച്ചിത്ര നടിയും സംവിധായകയും, പത്രപ്രവർത്തകയും, വനിതാ അവകാശ പ്രവർത്തകയുമാണ് ഫാറ്റൗമാത കൂലിബാലി.
ആദ്യകാലജീവിതം തിരുത്തുക
ഫാറ്റൗമാത കൂലിബാലി സംഗീതജ്ഞരുടെ ഒരു കുടുംബത്തിൽ നിന്നാണ് വരുന്നത്. അവരുടെ മുത്തശ്ശി ബസാക്കോ ട്രോറെ സിക്കാസോ മേഖലയിലെ ഗായികയും സംഗീതജ്ഞയുമായിരുന്നു.[1]
കരിയർ തിരുത്തുക
കൂലിബാലി ആദ്യം ഒരു റേഡിയോ ജേണലിസ്റ്റായും അനൗൺസറായും മാലിയിൽ ജോലി ചെയ്തിരുന്നു. ചെക്ക് ഔമാർ സിസോക്കോ ചെയ്തതുപോലെ ഒരു ചലച്ചിത്ര തിരക്കഥ എഴുതാൻ ശ്രമിക്കണമെന്ന് നിർദ്ദേശിച്ച സംവിധായകനായ ഔസ്മാൻ സോവിനെ കാണാൻ പോകുകയും ചെയ്തതിനുശേഷമാണ് അവർക്ക് ഒരു നാടകത്തെക്കുറിച്ച് ആശയം വരുന്നത്.[1]
1997-ൽ പുറത്തിറങ്ങിയ എൻ ഗോളോ ഡിറ്റ് പപ്പ എന്ന ചിത്രത്തിലൂടെയാണ് കൂലിബാലി ആദ്യമായി അന്താരാഷ്ട്ര ജനശ്രദ്ധ നേടിയത്.[2]
സെനഗൽ എഴുത്തുകാരനായ ഔസ്മാൻ സെംബെൻ സംവിധാനം ചെയ്തതും 2004-ൽ പുറത്തിറങ്ങിയതുമായ മൂലാഡെ എന്ന സിനിമയിൽ കൂലിബാലി പ്രധാന കഥാപാത്രത്തെ അവതരിപ്പിച്ചു. ബർകിന ഫാസോയിലെ ഒരു ഗ്രാമത്തിൽ അവരുടെ ഭർത്താവിന്റെ മൂന്ന് ഭാര്യമാരിൽ രണ്ടാമത്തെ ഭാര്യയായ കോളി ഗാലോ അർഡോ സി സ്ത്രീ ജനനേന്ദ്രിയ ഛേദനത്തിൽ നിന്ന് (എഫ്ജിഎം) പെൺകുട്ടികളെ സംരക്ഷിക്കാൻ മൂലാഡെ ("മാന്ത്രിക സംരക്ഷണം") ഉപയോഗിക്കുന്ന കഥാപാത്രമായി കൂലിബാലി അഭിനയിച്ചു. [3]കൂലിബാലി തന്നെ സ്ത്രീകളുടെ ജനനേന്ദ്രിയ ഛേദനത്തിന് ഇരയായിട്ടുണ്ട്.[4]നിരൂപകനായ റോജർ എബർട്ട് ഈ ചിത്രത്തിന് നാല് നക്ഷത്രങ്ങൾ (ആകെ നാലിൽ നിന്ന്) നൽകി. "എന്നെ സംബന്ധിച്ചിടത്തോളം കാൻസ് 2004-ലെ ഏറ്റവും മികച്ച ചിത്രം, അടിയന്തിരതയും ജീവിതവും സ്പന്ദിക്കുന്ന ഒരു കഥ" എന്നദ്ദേഹം എഴുതി. ഈ ചിത്രം ശക്തമായ ഒരു പ്രസ്താവന നടത്തുകയും അതേ സമയം നർമ്മം, മനോഹാരിത, വിസ്മയിപ്പിക്കുന്ന ദൃശ്യ സൗന്ദര്യം എന്നിവ ഉൾക്കൊള്ളുകയും ചെയ്യുന്നു.[5]2005-ലെ സിനിമാനില അന്താരാഷ്ട്ര ചലച്ചിത്രമേളയിൽ കോളി എന്ന കഥാപാത്രത്തിന് കൂലിബാലി മികച്ച നടിക്കുള്ള പുരസ്കാരം നേടി.[3]എഫ്ജി‌എമ്മിനെക്കുറിച്ച് വിശാലമായ അവബോധം വളർത്തുന്നതിൽ ഈ സിനിമയ്ക്ക് ഒരു പ്രധാന പങ്കുണ്ട്. അതിനുശേഷം കൂലിബാലി ഈ വിഷയത്തിൽ പ്രചാരണം തുടരുന്നു.[6]എഫ്ജി‌എമ്മിനെതിരായ അവരുടെ പ്രചാരണം ആഫ്രിക്ക ഓൺ ദി മൂവ്: ദി പവർ ഓഫ് സോംഗ് (2010) എന്ന സിനിമയിൽ രേഖപ്പെടുത്തിയിട്ടുണ്ട്.[7][8]
കൂലിബാലി നിരവധി സിനിമകളിലും ടെലിവിഷൻ പരമ്പരകളിലും നാടകങ്ങളിലും അഭിനയിച്ചിട്ടിട്ടുണ്ട്. [1]
2016-ലെ കണക്കനുസരിച്ച്, ഓഫീസ് ഡി റേഡിയോഡിഫ്യൂഷൻ ടെലിവിഷൻ ഡു മാലി (ഓഫീസ് ഓഫ് ബ്രോഡ്കാസ്റ്റിംഗ് ടെലിവിഷൻ ഓഫ് മാലി) (ORTM) നായി കൂലിബാലി പ്രവർത്തിക്കുന്നു.[1]
ഫിലിമോഗ്രാഫി തിരുത്തുക
- ഗുയിംബ ദി ടൈറന്റ് (1995)
- എൻ ഗോളോ ഡിറ്റ് പപ്പ (1997)
- അഫ്രോഡൈറ്റ്, ദി ഗാർഡൻ ഓഫ് ദി പെർഫ്യൂംസ് (1998)
- മൂലാഡെ (2004), actress
- ആഫ്രിക്ക ഓൺ ദി മൂവ്: ദി പവർ ഓഫ് സോംഗ് (2010)
- ടൂർബില്ലോൺ എ ബമാകോ (2012)
അവലംബം തിരുത്തുക
- ↑ 1.0 1.1 1.2 1.3 "Mali : Fatoumata Coulibaly: journaliste à l'Ortm, comédienne et réalisatrice de films". maliactu.net. 26 March 2016. Archived from the original on 2018-06-15. Retrieved 9 November 2017.
- ↑ Janis L. Pallister; Ruth A. Hottell (2005). Francophone Women Film Directors: A Guide. Fairleigh Dickinson Univ Press. p. 24. ISBN 978-0-8386-4046-3. Retrieved 9 November 2017.
- ↑ 3.0 3.1 "African Cinema this SineKultura 2012 – SineBuano.com". sinebuano.com. Archived from the original on 9 November 2017. Retrieved 9 November 2017.
- ↑ "A Call to Protect Women and Girls Against a Mutilating Practice". www.wg-usa.org. Archived from the original on 2018-06-16. Retrieved 2018-02-24.
- ↑ Ebert, Roger. "Moolaade Movie Review & Film Summary (2007) - Roger Ebert". www.rogerebert.com. Retrieved 9 November 2017.
- ↑ Worldcrunch. "Facing The Scourge Of Female Genital Mutilation In Africa". worldcrunch.com. Retrieved 9 November 2017.
- ↑ "The Power of Song: Africa on the Move". Films Media Group (in ഇംഗ്ലീഷ്). Retrieved 2018-02-24.
- ↑ Fakoly, Tiken Jah; MacDonald, Ann-Marie; Philibert, Michel; Langlois, Sophie; Josselin, Marie-Laure; Konan, Venance; Coulibaly, Fatoumata; Société Radio-Canada (Firme) (2010). Africa on the Move: The Power of Song (Part 2 of 4).