"ജോർജ് സൈമൺ ഓം" എന്ന താളിന്റെ പതിപ്പുകൾ തമ്മിലുള്ള വ്യത്യാസം

പിതാവായ ജൊഹാൻ ഓം ഔദ്യോഗികവിദ്യാഭ്യാസം നേടിയ വ്യക്തിയായിരുന്നില്ലെങ്കിലും സ്വശ്രമങ്ങളിലൂടെ വിജ്ഞാനം സമ്പാദിക്കുന്നതിലും തന്റെ മക്കൾക്ക് അവ പകർന്നു നൽകുന്നതിലും ബദ്ധശ്രദ്ധനായിരുന്നു. ജൊഹാൻ ഓമിന്റെ പഠിപ്പിക്കലുകൾ മക്കളായ ജോർജ് സൈമണും മാർട്ടിനും അവരുടെ ചെറുപ്രായത്തിൽ തന്നെ [[ഗണിതശാസ്ത്രം]], [[ഭൗതികശാസ്ത്രം]], [[രസതന്ത്രം]], [[തത്വശാസ്ത്രം]] എന്നീ വിഷയങ്ങളിൽ മികച്ച അറിവ് കെട്ടിപ്പടുക്കുവാൻ സഹായകരമായി. തുടർന്ന് ജോർജ് സൈമൺ തന്റെ 11 മുതൽ 15 വരെയുള്ള വയസ്സിൽ ''എർലാൻഗെൺ [[ജിംനേഷ്യം (വിദ്യാഭ്യാസസ്ഥാപനം)|ജിംനേഷ്യം]]'' എന്ന വിദ്യാഭ്യാസകേന്ദ്രത്തിലെ പഠനത്തിലേർപ്പെട്ടു. പക്ഷേ ഇവിടുത്തെ വിദ്യാഭ്യാസ കാലത്ത് അദ്ദേഹത്തിന് കാര്യമായി ഒന്നും നേടുവാൻ സാധിച്ചില്ല. തന്റെ മക്കൾക്ക് മികച്ച വിദ്യാഭ്യാസം ലഭിക്കണമെന്ന് നിർബന്ധമുണ്ടായിരുന്ന ജൊഹാൻ ഓം, മെച്ചപ്പെട്ട വിദ്യാഭ്യാസ സാധ്യതകൾ പ്രാപ്യമാകുന്നതിന് വേണ്ടി ജോർജ് സൈമണെ [[സ്വിറ്റ്സർലാന്റ്|സ്വിറ്റ്സർലാൻഡിലേക്ക്]] അയച്ചു. 1806 സെപ്തംബറിൽ ഗോട്ട്സ്റ്റാഡ്റ്റ് ബൈ നൈദോ (Gottstadt bei Nydau) എന്ന സ്ഥലത്തുള്ള ഒരു സ്കൂളിൽ ഗണിതാധ്യാപകനായി ജോർജ് സൈമൺ ജോലിയിൽ പ്രവേശിച്ചു. 1809 മാർച്ചിൽ സ്കൂളിലെ അധ്യാപകവൃത്തിയിൽ നിന്നും വിടുതൽ നേടിയ അദ്ദേഹം ന്യുചാറ്റെൽ( Neuchâtel) എന്ന സ്ഥലത്ത് സ്വകാര്യ ട്യൂട്ടർ എന്ന തൊഴിൽ തെരഞ്ഞെടുത്തു. രണ്ടു വർഷക്കാലം ഈ തൊഴിലിൽ തുടർന്നപ്പോഴും അദ്ദേഹം [[ലിയോനാർഡ് യൂളർ|യൂളർ]], [[പിയറി സൈമൺ ലാപ്ലാസ്|ലാപ്ലാസ്]] തുടങ്ങിയവരുടെ ഗവേഷണവിഷയങ്ങൾ പഠിക്കുന്നതിനും സമയം കണ്ടെത്തി.