സിർ ദര്യ

സ്വര്‍ഗീയനദിയായ സായ്ഹോണിനെ ഓര്‍മ്മിപ്പിക്കുന്ന നദിയാണ്‌ സിര്‍ ദാര്യ. നര്യന്‍, കാറ ദാര്യ നദികളില്‍ നിന്നുത്ഭവിച്ച് ആറല്‍ കടലില്‍ പതിക്കുന്ന ഈ നദി 2,212 കി.മീ. നീണ്ടുകിടക്കുന്നു. കസാഖിസ്താന്‍, ഉസ്ബക്കിസ്താന്‍, താജിക്കിസ്താന്‍ എന്നിവിടങ്ങളിലായി 2,19,000 ചതുരശ്ര കി.മീ. യാണ്‌ ഇതിന്‍റെ നദീതടം. മധ്യേഷ്യയിലെ പ്രധാന പരുത്തിത്തോട്ടങ്ങള്‍ക്കെല്ലാം നീര്‍ പകരുന്നത് സിര്‍ ദാര്യയാണ്. ഈ നദിയിലെ ജലം എട്ടുലക്ഷം ചതുരശ്ര കിലോമീറ്റര്‍ പ്രദേശത്താണ് പ്രയോജനപ്പെടുന്നത്. സഹോദരീ നദിയായ അമുവിന്‍റെ പകുതി ജലമേ ഇതിലിള്ളൂ.