ടെൻ ഇയർ ചലഞ്ച്

പത്ത് വർഷം മുമ്പുള്ള ചിത്രങ്ങൾ ഇപ്പോഴത്തെ ചിത്രങ്ങൾക്കൊപ്പം സമൂഹമാധ്യമങ്ങളിലൂടെ പങ്കുവയ്ക്കുക എന്നതാണ് ടെൻ ഇയർ ചലഞ്ച് എന്നറിയപ്പെടുന്നത്. സാധാരണക്കാർ മുതൽ സെലിബ്രിറ്റികൾ വരെ ഈ ചലഞ്ചിൽ പങ്കാളികളാകുന്നുണ്ട്. ഫേസ്ബുക്കിലൂടെയാണ് ഈ ചലഞ്ച് പ്രചരിക്കപ്പെട്ടത്. തങ്ങളുടെ ഫേസ് റെക്കഗ്നിഷൻ സംവിധാനം മെച്ചപ്പെടുത്തുന്നതിനാണ് ഫേസ്ബുക്ക് ഇത് പ്രചരിപ്പിച്ചതെന്ന ആരോപണം നിലനിൽക്കുന്നുണ്ട്. ആളുകളുടെ പ്രായവും മറ്റും സംബന്ധിച്ച വിവരങ്ങൾ നിർമ്മിത ബുദ്ധി ആൽഗരിതങ്ങളെ പരിശീലിപ്പിക്കിക്കുന്നതിലൂടെ ഫേസ്ബുക്കിന്റെ ഫേസ് റെക്കഗ്നിഷൻ സംവിധാനം മെച്ചപ്പെടുത്താൻ സാധിക്കും. വളരെ പെട്ടെന്ന് തന്നെ ടെൻ ഇയർ ചലഞ്ച് ശ്രദ്ധിക്കപ്പെട്ടു തുടങ്ങിയിരുന്നു. ഇതിനോടകം കോടിക്കണക്കിന് ചിത്രങ്ങൾ ഫേസ്ബുക്കിലൂടെ പങ്കുവയ്ക്കപ്പെട്ടിട്ടുണ്ടെന്ന് കരുതപ്പെടുന്നു.