|
[[അന്ത്യോഖ്യ]]യിലെ മെത്രാപ്പൊലീത്തയ്ക്ക് ആദിമ സഭ കല്പിച്ച് കൊടുത്ത സ്ഥാ‍നപ്പേരാണ് പാത്രിയർക്കീസ് എന്നത്.ആദ്യ നൂറ്റാണ്ടുകളിലെ പ്രമുഖ യഹൂദേതര ക്രൈസ്തവസമൂഹം എന്ന നിലയിൽ അന്ത്യോക്യാ പാത്രിയർക്കീസിനു പ്രമുഖമായ ഒരു സ്ഥാനം പുരാതന ക്രൈസ്തവ ചരിത്രത്തിൽ ഉണ്ട്. ആദ്യ പാത്രിയർക്കീസ് ആയി കരുതപ്പെടുന്ന പത്രോസ് ശ്ലീഹാ മുതൽ ഇന്നു വരെയുള്ള പാത്രിയർക്കീസന്മാരുടെ വിപുലമായ ഒരു പിന്തുടർച്ച നിലനിൽക്കുന്ന ഒരു സ്ഥാനമാണിത്.
{{prettyurl|Patriarch of Antioch}}
[[അന്ത്യോഖ്യ]] ആസ്ഥാനമായിരിക്കുന്ന വിവിധ ക്രൈസ്തവ സഭകളുടെ മേലധ്യക്ഷന്മാർ '''അന്ത്യോഖ്യാ പാത്രിയർക്കീസുമാർ''' എന്ന പേരിൽ അറിയപ്പെടുന്നു. അന്ത്യോഖ്യയിൽ [[പാത്രിയർക്കീസ്]] എന്ന പേര് വഹിക്കുന്ന അഞ്ച് പേർ ഇപ്പോഴുണ്ട്.ഇവരിൽ [[സുറിയാനി ഓർത്തഡോക്സ് സഭ|സിറിയൻ ഓർത്തഡോക്സ് സഭയുടെ]] പാത്രിയർക്കീസ് മാത്രമാണ് സാർവത്രിക സഭയുടെ തലവൻ എന്ന സ്ഥാനനാമം ഉപയോഗിക്കുന്നത്. ഇപ്പോൾ ഈ സ്ഥാനം അലങ്കരിക്കുന്നത് [[ഇഗ്നാത്തിയോസ് അപ്രേം II |ഇഗ്നാത്തിയോസ് അപ്രേം II ]] ആണ്. മറ്റുള്ള അന്ത്യോഖ്യൻ പാത്രിയർക്കീസുമാരിലേറെയും റോമിലെ [[മാർപ്പാപ്പ|പോപ്പിന്റെ]] സാമന്തരും ഒരാൾ കോൺസ്റ്റാന്റിനോപ്പിളിനോട് ബന്ധപ്പെട്ട ബൈസാന്തിയൻ പാത്രിയർക്കീസുമാണ്.
==ചരിത്രം==
പുരാതന സിറിയയിലെ ഒരു പ്രധാന പട്ടണമായിരുന്നു അന്ത്യോഖ്യ. [[യേശു|യേശുക്രിസ്തുവിന്റെ]] അനുയായികളെ ''ക്രിസ്ത്യാനികൾ'' എന്ന് വിളിക്കാൻ തുടങ്ങിയത് ഈ നഗരത്തിലെ പൌരന്മാരാണ്. അന്ത്യോഖ്യാ സഭയുടെ ആദ്യത്തെ ബിഷപ്പ് [[പത്രോസ്|വിശുദ്ധ പത്രോസ്]] ആണെന്നു വിശ്വസിക്കപ്പെടുന്നു. പത്രോസ് പില്ക്കാലത്ത് റോമിലേക്ക് പോയി അവിടത്തെ ബിഷപ്പ് ആയും അറിയപ്പെട്ടു. എ.ഡി. 4-ആം നൂറ്റാണ്ടിൽ ക്രിസ്തുമതം റോമാസാമ്രാജ്യത്തിന്റെ ഔദ്യോഗിക മതമായതിനെത്തുടർന്ന് സാമ്രാജ്യത്തിലെ പ്രമുഖ നഗരങ്ങളായ റോം, അലക്സാൻഡ്രിയ, അന്ത്യോഖ്യാ എന്നിവിടങ്ങളിലും പില്ക്കാലത്ത് പൌരസ്ത്യ റോമാ സാമ്രാജ്യത്തിന്റെ ആസ്ഥാനമായ കോൺസ്റ്റാന്റിനോപ്പിളിലും ഉള്ള മേല്പട്ടക്കാർ ''പാത്രിയർക്കീസ്'' എന്നറിയപ്പെട്ടു (വിശുദ്ധ നഗരമാണ് [[ജെറുസലേം]] എന്ന പരിഗണനയിൽ ജറുസലേമിലെ മേല്പട്ടക്കാരനെയും പാത്രിയർക്കീസ് എന്ന് ആദരസൂചകമായി സംബോധന ചെയ്തു വന്നിരുന്നു). 5-ആം നൂറ്റാണ്ടിൽ ഈ നാല് പ്രധാന പാത്രിയർക്കാ സിംഹാസനങ്ങൾ രണ്ട് വിഭാഗങ്ങളിലായി. അലക്സാൻഡ്രിയയും അന്ത്യോഖ്യയും ഒരു വശത്തും, റോമും കോൺസ്റ്റാന്റിനോപ്പിളും മറുവശത്തും. പില്ക്കാലത്ത് വിവിധ ക്രൈസ്തവ വിഭാഗങ്ങൾ തമ്മിലുണ്ടായ മത്സരങ്ങളുടെ ഫലമായി കോൺസ്റ്റന്റയിൻ ചക്രവർത്തി ഏർപ്പെടുത്തിയ ഏകോപിത സംവിധാനം ഒട്ടാകെ തകരാറിലായി. അതിന്റെ തുടർച്ചയായി അന്ത്യോഖ്യയിലും അലക്സാൻഡ്രിയയിലും തങ്ങളോട് വിധേയത്വമുള്ള പാത്രിയർക്കീസുമാരെ റോമും കോൺസ്റ്റാന്റിനോപ്പിളും നിയമിച്ചു.
==കേരള-അന്ത്യോഖ്യാ സഭാബന്ധം==
കേരളത്തിലെ ക്രൈസ്തവരിൽ പാത്രിയർക്കീസിനെ അംഗീകരിക്കുന്നവർക്ക് സിറിയൻ ഓർത്തഡോക്സ് സഭയുടെ പാത്രിയർക്കീസുമായി മാത്രമാണ് ബന്ധമുള്ളത്. കേരളത്തിലെ സുറിയാനി ക്രിസ്ത്യാനികളിൽ ''[[യാക്കോബായ സുറിയാനി ക്രിസ്ത്യാനി സഭ|യാക്കോബായ]]'' എന്നും ''[[ഇന്ത്യൻ ഓർത്തഡോക്സ് സഭ|ഓർത്തഡോക്സ്]]'' എന്നും അറിയപ്പെടുന്ന വിഭാഗങ്ങൾക്കാണ് അന്ത്യോഖ്യയുമായി ബന്ധമുള്ളത്. ഈ ബന്ധത്തിന്റെ ചരിത്രം സംബന്ധിച്ചോ സ്വഭാവം സംബന്ധിച്ചോ ഇവർക്കിടയിൽ അഭിപ്രായൈക്യമില്ല. ആദ്യം മുതൽ ബന്ധമുണ്ടായിരുന്നുവെന്നു പറയുന്നവരും 17-നൂറ്റാണ്ടിലാണ് ഈ ബന്ധം ആരംഭിച്ചത് എന്ന് വാദിക്കുന്നവരുമുണ്ട്. ആദ്യ വിഭാഗം പാത്രിയർക്കീസിന് ഭാരതത്തിൽ ഭരണാധികാരവും കൂടെയുണ്ട് എന്ന് വിശ്വസിക്കുമ്പോൾ മറുഭാഗം പാത്രിയർക്കീസിന് ആത്മീയ മേലധ്യക്ഷത മാത്രമാണുള്ളത് എന്ന് വാദിക്കുന്നു. ഈ തർക്കം കോടതിവിധികളോടനുബന്ധിച്ച് തീരുകയും പുനർജനിക്കുകയും ചെയ്തുകൊണ്ടിരിക്കുകയാണ്. ഇപ്പോഴും ഈ കേസ് [[സുപ്രീം കോടതി|സുപ്രീം കോടതിയുടെ]] പരിഗണനയിലാണ്.
ഇന്ന് അഞ്ചോളം ക്രൈസ്തവ സമൂഹങ്ങൾ ഈ സ്ഥാനത്തിന്റെ പിന്തുടർച്ചാവകാശം അവകാശപ്പെടുകയും ഉപയോഗിച്ച് വരികയും ചെയ്യുന്നുണ്ട്. ഇവ [[സുറിയാനി ഓർത്തഡോക്സ് സഭ]], [[സുറിയാനി കത്തോലിക്ക സഭ]], [[അന്ത്യോഖ്യൻ ഗ്രീക്ക് ഓർത്തഡോക്സ് സഭ]], [[മെക്കൈറ്റ് ഗ്രീക്ക് കത്തോലിക്ക സഭ]], [[മാരൊനൈറ്റ് സഭ]] എന്നിവയാണ്. കുരിശുയുദ്ധങ്ങളുടെ കാലത്ത് ലത്തീൻ കത്തോലിക്ക സഭയുടെ പ്രതിനിധിയായ ഒരു അന്ത്യോഖ്യാ പാത്രിയർക്കീസും ഉണ്ടായിരുന്നു.
കേരളത്തിലെ [[യാക്കോബായ സുറിയാനി ക്രിസ്ത്യാനി സഭ|യാക്കോബായ]], [[ഇന്ത്യൻ ഓർത്തഡോക്സ് സഭ|ഓർത്തഡോക്സ്]] സഭകൾക്ക് പുറമേ [[മാർത്തോമ്മാ സഭ|മാർത്തോമാസഭയും]] [[സീറോ മലങ്കര കത്തോലിക്കാ സഭ|മലങ്കര കത്തോലിക്കസഭയും]] ആരാധനാക്രമങ്ങളിലും മേൽപ്പട്ടക്കാരുടെ വസ്ത്രധാരണം,നാമകരണം തുടങ്ങിയ സംഗതികളിലും അന്ത്യോഖ്യൻ സ്വാധീനത്തിന് വിധേയരാണ്.
== കേരളത്തിൽ ==
{{സർവ്വവിജ്ഞാനകോശം}}
കേരളത്തിലെ [[യാക്കോബായ സുറിയാനി ക്രിസ്ത്യാനി സഭ]]യുടെ തലവനായ [[ഇഗ്നാത്തിയോസ് അഫ്രേം ദ്വിതീയൻ]] സുറിയാനി ഓർത്തഡോക്സ് സഭയുടെ അന്ത്യോഖ്യ പാത്രിയർക്കീസ് ആണ്. പതിനേഴാം നൂറ്റാണ്ടു മുതലെങ്കിലും ഈ സ്ഥാനികൾ കേരളം സന്ദർശിച്ചിരുന്നു.
[[വർഗ്ഗം:ക്രൈസ്തവം]]
[[വർഗ്ഗം:ആത്മീയ നേതൃസ്ഥാനങ്ങൾ]]
[[വർഗ്ഗം:ക്രൈസ്തവസഭയിലെ പദവികൾ]]
| 