സുരിനാം നദി

സുരിനാമിലൂടെ ഒഴുകുന്ന 480 കിലോമീറ്റർ നീളമുള്ള നദിയാണ് സുരിനാം നദി (Dutch: Surinamerivier). ഇതിന്റെ ഉറവിടങ്ങൾ ഗയാന ഹൈലാൻഡ്സിന്റെ അതിർത്തിയിൽ സ്ഥിതി ചെയ്യുന്ന വിൽഹെൽമിന പർവ്വതവും ഈലെർട്സ് ഡി ഹാൻ പർവതനിരകളും (അവിടെ ഇത് ഗ്രാൻ റിയോ എന്നറിയപ്പെടുന്നു) ആണ്. ബ്രോക്കോപ്പൊൻഡോ, ബെർഗ് എൻ ദൽ എന്നീ നഗരങ്ങളിലെ റിസർവോയറിനു താഴെയായി നദി ഒഴുകുന്നു. ക്ലാസ്സ്ക്രീക്, നിയൂവ്-ലോംബെ എന്നീ കുടിയേറ്റ സമൂഹങ്ങളിലൂടെയും ജോടൻസാവന്നെ, കരോളിന, ഓർണമിബോ, ഡംബ്ബർഗ് എന്നിവിടങ്ങളിലൂടെയും മീർസോർഗിന്റെ വലതു തീരത്തുകൂടെ ഒഴുകി തലസ്ഥാനമായ പരമാരിബൊയുടെ ഇടത് തീരത്തുകൂടി ഒഴുകി എത്തുന്നു. ന്യൂവ്-ആംസ്റ്റർഡാമിൽ ഇത് കോമെവിജ്നെ നദിയിൽ ചേരുകയും ഉടൻ തന്നെ സാൻഡ്‌സ്പിറ്റ് ബ്രാംസ്പണ്ടിൽ നിന്ന് അത് അറ്റ്ലാന്റിക് സമുദ്രത്തിലേക്ക് ഒഴുകുന്നു.