പോട്സ്ഡാം
ജർമ്മൻ സംസ്ഥാനമായ ബ്രാൻഡൻബർഗിന്റെ തലസ്ഥാനമാണ് പോട്സ്ഡാം. ബെർലിൻ മഹാനഗരത്തോട് ചേർന്ന് ഹാവെൽ നദിയുടെ തീരത്ത് സ്ഥിതി ചെയ്യുന്ന നഗരം ബെർലിൻ-ബ്രാൻഡൻബർഗ് മെട്രൊപൊളിറ്റൻ മേഖലയുടെ ഭാഗമാണ്. ബെർലിൻ നഗരകേന്ദ്രത്തിൽ നിന്ന് കേവലം 24 കി.മീ. ദൂരം തെക്കുപടിഞ്ഞാറ് ദിശയിൽ യാത്ര ചെയ്താൽ പോട്സ്ഡാമിൽ എത്താം. 19-ആം നൂറ്റാണ്ടിൽ തന്നെ ഒരു പ്രധാന ശാസ്ത്ര ഗവേഷണകേന്ദ്രമായി പോട്സ്ഡാം മാറിയിട്ടുണ്ട്. പോട്സ്ഡാം സർവ്വകലാശാല, മൂന്ന് പൊതുമേഖലാ കലാലയങ്ങൾ, മുപ്പതോളം ഗവേഷണസ്ഥാപനങ്ങൾ എന്നിവ പോട്സ്ഡാമിൽ പ്രവർത്തിക്കുന്നു.
- വിസ്തീർണ്ണം: 188.26 ച.കി.മീ.
- ഉയരം: 105 അടി (32 മീറ്റർ)
- ജനസംഖ്യ: 175,710
- ജനസാന്ദ്രത: 930/ച.കി.മീ.