പൂച്ചാക്കൽ ഷാഹുൽ ഹമീദ്
മലയാളത്തിലെ ഒരു നാടകഗാനരചയിതാവാണ് പൂച്ചാക്കൽ ഷാഹുൽ. കവി, കഥാകാരൻ, സാഹിത്യസാംസ്കാരികനായകകൻ എന്നീനിലകളിലും അറിയപ്പെടുന്നു.[1]
പൂച്ചാക്കൽ ഷാഹുൽ | |
|---|---|
| ജനനം | ഒക്ടോബർ 31, 1941 |
| ദേശീയത |  ഇന്ത്യ |
| തൊഴിൽ | ഗാനരചയിതാവ്, സാഹിത്യകാരൻ |
| സജീവ കാലം | 1966മുതൽ |
| അറിയപ്പെടുന്നത് | കവി, കഥാകാരൻ, സാഹിത്യസാംസ്കാരികനായകകൻ |
ജീവിതരേഖ
തിരുത്തുകആലപ്പുഴജില്ലയിലെ ചേർത്തലത്താലൂക്കിൽപ്പെട്ട പൂച്ചാക്കൽ ഗ്രാമത്തിൽ, കെ. അബു ഹനീഫയുടേയും കെ.എം. ആത്തിക്കാബീവിയുടേയും മകനായി 1941 ഒക്ടോബറിൽ ജനിച്ചു. 1957ൽ പൂച്ചാക്കൽ യംഗ് മെൻസ് വായനശാലയിലെ കിരണം മാസികയിലൂടെ സാഹിത്യരംഗത്തു പ്രവേശിച്ചു.[1]
തേർവട്ടം എൽ.പി. സ്കൂൾ, തൈക്കാട്ടുശ്ശേരി എസ്.എം.എസ്.ജെ. ഹൈസ്കൂൾ കോട്ടയം, സി.എം.എസ്. കോളേജ്, മട്ടാഞ്ചേരി ടി.ഡി.ബി.ടി.എസ്., മൂത്തകുന്നം എസ്.എൻ.എം. ട്രെയിനിംഗ് കോളേജ് എന്നിവിടങ്ങളിലായി വിദ്യാഭ്യാസം പൂർത്തിയാക്കി. മലയാളത്തിൽ ബിരുദാനന്തരബിരുദവും ബി.എഡുംനേടി.
1962-ൽ ഇടക്കൊച്ചി ഫിഷറീസ് സ്കൂളിൽ ലീവ് റിസർവ് പ്രൈമറി അദ്ധ്യാപകനായി ജോലിയിൽ പ്രവേശിച്ചു.[1] 35വർഷത്തോളം അദ്ധ്യാപകവൃത്തിയിൽത്തുടർന്നു. 1997ലാണു ജോലിയിൽനിന്നു വിരമിച്ചത്.
1966ൽ, കേരളനാദം പത്രം സംഘടിപ്പിച്ച കഥാമത്സരത്തിൽ കൈക്കൂലി എന്ന കഥയ്ക്ക്, ഒന്നാംസ്ഥാനം ലഭിച്ചു.
നാന്നൂറോളം നാടകങ്ങളിലായി ആയിരത്തിലധികം ഗാനങ്ങൾ രചിച്ചിട്ടുണ്ട്.[2] ഒപ്പം, നാലു ചലച്ചിത്രങ്ങൾ, ചില കാസറ്റുകൾ, ലളിതഗാനങ്ങൾ എന്നിവയ്ക്കായും ഗാനങ്ങൾ രചിച്ചു.[1] 1972-ൽ അഴിമുഖം എന്ന ചലച്ചിത്രത്തിനുവേണ്ടി ബാബുരാജിൻറെ സംഗീതസംവിധാനത്തിൽ ഗാനരചന നിർവ്വഹിച്ചുകൊണ്ടാണ്, ചലച്ചിത്രരംഗത്തു പ്രവേശിച്ചത്.[3] അദ്ധ്യാപനജോലിയുപേക്ഷിച്ച്, മദ്രാസിൽ താമസിച്ചു ഗാനരചന നിർവഹിക്കാനുള്ള വൈമുഖ്യംമൂലമാണ്, കൂടുതൽ ചലച്ചിത്രങ്ങൾക്കായി ഗാനങ്ങളൊരുക്കാൻ അദ്ദേഹത്തിനുകഴിയാതെപോയത്.[4]
പി.എ. മറിയംബീവിയാണ് ഭാര്യ. റസൽ ഷാഹുൽ, ഷിജി മോൾ, റാഫി ഷാഹുൽ, സറീന എന്നിവർ മക്കൾ.
കൃതികൾ
തിരുത്തുക- നിവേദ്യം (നോവൽ)
- ആത്മാവിന്റെ സ്വകാര്യങ്ങൾ (കഥകൾ)
- മൊഴി (കവിതകൾ)
- തേനും വയമ്പും (കവിതകൾ)
- മഞ്ചലേറ്റിയ ഗീതങ്ങൾ(നാടകഗാന സ്മരണകൾ)
പുരസ്കാരങ്ങൾ
തിരുത്തുക- മികച്ച നാടകഗാനരചനയ്ക്കുള്ള കേരള സംഗീതനാടക അക്കാദമി പുരസ്കാരം - 2012[5][6].
അവലംബം
തിരുത്തുക- ↑ 1.0 1.1 1.2 1.3 "പൂച്ചാക്കൽ ഷാഹുൽ ഹമീദ്". മലയാളസംഗീതം.ഇൻഫോ. Archived from the original on 2013-09-22. Retrieved 2013 സെപ്റ്റംബർ 22.
{{cite news}}: Check date values in:|accessdate=(help)CS1 maint: bot: original URL status unknown (link) - ↑ "ജാഡയില്ലാത്തതിനാലാണ്, പൂച്ചാക്കൽ ഷാഹുലിന് അംഗീകാരങ്ങൾലഭിക്കാതെപോയത്: പി.എസ്.ശ്രീധരൻപിള്ള". മലയാളമനോരമ. Retrieved 2021 മാർച്ച് 06.
{{cite news}}: Check date values in:|accessdate=(help) - ↑ "പൂച്ചാക്കൽ ഷാഹുൽ ഹമീദ്". എം.ത്രീ.ഡി.ബി. Archived from the original on 2013-09-22. Retrieved 2013 സെപ്റ്റംബർ 22.
{{cite news}}: Check date values in:|accessdate=(help)CS1 maint: bot: original URL status unknown (link) - ↑ [പാട്ടോർമകൾ നിറയും അക്ഷരസ്‌മാരകം "പാട്ടോർമകൾ നിറയും അക്ഷരസ്‌മാരകം"]. ദേശാഭിമാനി. Retrieved Sunday May 3, 2020.
{{cite news}}: Check|url=value (help); Check date values in:|accessdate=(help); Text "https://www.deshabhimani.com/news/kerala/news-alappuzhakerala-03-05-2020/869362" ignored (help) - ↑ "കേരളസംഗീതനാടകഅക്കാദമി പുരസ്കാരങ്ങൾ". കേരള സംഗീതനാടക അക്കാദമി. Archived from the original on 2013-08-22. Retrieved 2013 സെപ്റ്റംബർ 22.
{{cite news}}: Check date values in:|accessdate=(help) - ↑ "രമേഷ് നാരായണനും കാവാലം ശ്രീകുമാറിനും സംഗീതനാടകഅക്കാദമി അവാർഡ്". മാധ്യമം. 2012 ജനുവരി 11. Archived from the original on 2013-09-22. Retrieved 2013 സെപ്റ്റംബർ 22.
{{cite news}}: Check date values in:|accessdate=and|date=(help)CS1 maint: bot: original URL status unknown (link)