പാനായിക്കുളം കേസ്

പാനായിക്കുളം ഹാപ്പി ഓഡിറ്റോറിയത്തിൽ സ്വാതന്ത്ര്യദിനത്തോടനുബന്ധിച്ച് പരസ്യമായി പരിപാടി സംഘടിപ്പിച്ചതുമായി ബന്ധപ്പെട്ട് പോലീസ് എടുത്ത കേസ് ആണ് പാനായിക്കുളം കേസ് എന്ന പേരിൽ അറിയപ്പെടുന്നത്. പ്രസ്തുത പരിപാടി നടത്തിയത് സിമിക്കാരാണെന്നും സിമി ക്യാമ്പ് നടത്തിയെന്നും ആരോപിച്ചാണ് പോലീസ് കേസെടുത്തത്.16 പേരെ ഇതിൻറെ പേരിൽ അറസ്റ്റ് ചെയ്തിരുന്നു.14 വർഷത്തെ തടവും എൻഐഎ കോടതി ഇവർക്കെതിരെ വിധിച്ചിരുന്നു.2006ൽ അറസ്റ്റ് ചെയ്ത് കുറ്റാരോപിതരെ 12 വർഷത്തിന് ശേഷം 2019 ൽ കേരള ഹൈക്കോടതി വെറുതെ വിട്ടു. കേരളത്തിൽ രജിസ്റ്റർ‌ ചെയ്ത ആദ്യത്തെ തീവ്രവാദ കേസ് ആയിരുന്നു ഇത്.2010ലാണ് എൻഐഎ കേസ് ഏറ്റെടുത്തത്. "സ്വാതന്ത്ര്യസമരത്തിൽ മുസ്ലിംകളുടെ പങ്ക്" എന്ന വിഷയത്തിലാണ് 2006 ഓഗസ്റ്റ് 15ന് ഇവിടെ പൊതുപരിപാടി നടത്തിയത്.