പതിയൻ ശർക്കര

ഭൂപ്രദേശസൂചിക ലഭിച്ച പ്രസിദ്ധമായ ഒരു ഉല്പന്നമാണ് മധ്യതിരുവിതാംകൂർ ശർക്കരയെന്ന പതിയൻ ശർക്കര(Central Travancore Jaggery). ഉപ്പുരുചിയും മാലിന്യങ്ങളുമില്ലാതെ തരിതരിയായും കുഴമ്പ് രൂപത്തിലുമുള്ള ഈ ശർക്കര മധുരത്തിന്റെയും രുചിയുടെയും കാര്യത്തിൽ മുൻപന്തിയിലാണ്.. ഒരു പ്രദേശത്തെ കാലാവസ്ഥ, ഭൂപ്രകൃതി, പരമ്പരാഗത കൃഷി-സംസ്കരണ രീതികൾ, മണ്ണിന്റെ പ്രത്യേകതകൾ എന്നിവ ഒത്തുചേരുന്നതുവഴി ഉയർന്ന ഗുണമേന്മ കൈവരുന്ന ഉത്പന്നങ്ങളെയാണ് ഭൂപ്രദേശസൂചകങ്ങളായി അംഗീകരിക്കുന്നത്. ഗുണമേന്മയിൽ ഏറ്റവും മുൻപന്തിയിൽ നിൽക്കുന്നതാണ് മധ്യതിരുവിതാംകൂറിൽ നിന്നുള്ള പതിയൻ ശർക്കര. ആയുർവേദ ഔഷധവിധികളിൽ ഉപയോഗിക്കാൻ ഈ ശർക്കര ഉത്തമമാണ്.