പച്ചക്കറിവളം

ഉപയോഗശൂന്യമായ പച്ചക്കറികൾ പഴങ്ങൾ എന്നിവ ചേർത്ത് നിർമ്മിക്കാവുന്ന ഒരു നാടൻ ജൈവവളക്കൂട്ടാണ് പച്ചക്കറിവളം. അടിവളമായി ഉപയോഗിക്കുന്നതിനാൽ മണ്ണിന്റെ പോഷകദായകശേഷി വർദ്ധിപ്പിക്കുകയും മണ്ണിലെ സൂക്ഷ്മജീവികളുടെ എണ്ണം കൂട്ടി സസ്യങ്ങൾക്ക് നല്ല വളർച്ചയും നൽകുന്നു.

ചേരുവകൾ

പെട്ടെന്ന് നശിച്ചുപോകാവുന്ന മത്തൻ, വെള്ളരി, പടവലം, പപ്പായ തുടങ്ങിയ തുടങ്ങിയ ഏതു പച്ചക്കറികളും മിക്കവാറും എല്ലാ പഴങ്ങളും ഈ വളക്കൂട്ടിനായി ഉപയോഗിക്കാവുന്നതാണ്. പച്ചക്കറികൾ, പഴങ്ങൾ എന്നിവയേക്കൂടാതെ മുട്ട, ശർക്കര, പയർ പൊടി ഉഴുന്നുപൊടി എന്നിവയും ഈ വളത്തിന്റെ ചേരുവകളാണ്.

തയ്യാറാക്കുന്ന വിധം

പഴങ്ങളും പച്ചക്കറികളും ചെറിയ കഷണങ്ങളാക്കി മൺകലത്തിലോ തൊട്ടിയിലോ ഇട്ട് ചെറുപയർ പൊടിയോ ഉഴുന്നു പൊടിയോ ചേർത്ത് നല്ലതുപോലെ ഇളക്കി യോജിപ്പിക്കുന്നു. ഈ മിശ്രിതത്തിലേക്ക് ശർക്കര കലക്കിയ വെള്ളം അരിച്ച് ഒഴിച്ച് നല്ലതുപോലെ കലക്കുന്നു. അതിനു ശേഷം മുട്ട പൊട്ടിച്ച് സാവധാനം ഈ ലായനിയിലേക്ക് ഒഴിക്കുന്നു. ഇളക്കം തട്ടാതെ വായ്ഭാഗം മൂടിക്കെട്ടി രണ്ടാച്ചയ്ക്കു ശേഷം എടുത്ത് ഇളക്കി വെള്ളത്തിൽ നേർപ്പിച്ച് ഉപയോഗിക്കാവുന്നതാണ്.