നെല്ലിപ്പട

കേരളത്തിലെ ചിലപ്രദേശങ്ങളിൽ പണിയുന്ന കിണറുകളുടെ ഏറ്റവും അടിയിൽ സ്ഥാപിക്കുന്ന മരം കൊണ്ടുണ്ടാക്കിയ സംവിധാനമാണ് നെല്ലിപ്പടി അഥവാ നെല്ലിപ്പട. സാധാരണയായി നെല്ലിമരം കൊണ്ടാണ് വൃത്താകൃതിയിലുള്ള ഈ സംവിധാനം നിർമ്മിക്കുക. നെല്ലിക്കുറ്റികൾ കൊണ്ട് അടിച്ചുറപ്പിച്ച നെല്ലിപ്പടയ്ക്കുമുകളിലായിരിക്കും മറ്റു പടവുകൾ. വടക്കൻ മലബാറിൽ സാധാരണയായി കോൽ അളവിൽ ഓരോരോ പടവുകൾ ആണുണ്ടാകുക. ചെങ്കല്ലുകൊണ്ട് കെട്ടി മനോഹരമാക്കിയിരിക്കും കിണറുകൾ. നെല്ലിപ്പട ഉണ്ടായാൽ ഏതുകാലത്തും വെള്ളം ശുദ്ധമായിരിക്കും എന്നാണ് വിശ്വാസം

കിണറുകളുടെ ഏറ്റവും അടിയിൽ സ്ഥാപിക്കുന്ന നെല്ലിമരത്തടികൊണ്ടുണ്ടാക്കിയ പടവ്, ബ്ലാത്തൂർ ശ്രീസദനത്തിലെ കിണറിൽ നിന്നും പുറത്തെടുത്തത്

wooden circular ring fitted bottom of well

ഭാഷാപ്രയോഗം

ക്ഷമയുടെ നെല്ലിപ്പട കാണുക എന്ന പ്രയോഗം മലയാള ഭാഷയിൽ നിലവിലുണ്ട്. ഏറ്റവും താഴെവരെ എത്തുക എന്നാണുദ്ദേശിക്കുന്നത്.

പുറത്തേക്കുള്ള കണ്ണികൾ

Wiktionary

നെല്ലിപ്പലക എന്ന വാക്കിനർത്ഥം മലയാളം വിക്കി നിഘണ്ടുവിൽ കാണുക