നടക്കൽ

കോട്ടയം ജില്ലയിലെ ഈരാറ്റുപേട്ടയിലെ ഒരു ഗ്രാമമാണ് നടക്കൽ. മുകളിലത്തെ നടക്കൽ, താഴത്തെ നടക്കൽ എന്ന് രണ്ടു ഭാഗമായി ഇതിനെ തിരിച്ചിട്ടുണ്ട്. എം.ഇ.എസ് കവല മുതൽ പത്താഴപടി വരെ ആണ് ഈ ഗ്രാമത്തിൻറെ അതിർത്തി. ധാരാളം ജനങ്ങൾ തിങ്ങിനിറഞ്ഞു താമസിക്കുന്ന ഈ സ്ഥലത്ത് 90 ശതമാനം ഇസ്ലാം മത വിശ്വാസികളാണ്. എന്നാൽ ക്രിസ്ത്യൻ, ഹിന്ദു മത വിശ്വാസികൾ ധാരാളമുണ്ട്. ഇവിടുള്ള ആളുകളുടെ പ്രധാന ഉപജീവനമാർഗ്ഗം കച്ചവടമാണ്. വി എം എ കരീം സ്ഥാപിച്ച എം ജി എച്ച് എസ് എസ്, എം എം എം യു എം യുപി സ്കൂൾ , കെ എസ് എം ബി എച്ച് എസ് എന്നീ വിദ്യാലയങ്ങൾ ഈ പ്രദേശത്ത് പ്രവർത്തിക്കുന്നു. എം ഈ എസ് കവല, കൊട്ടുകാപ്പള്ളി, ഈലക്കയം, മുണ്ടാക്കല്പരമ്പ്, മുല്ലുപ്പാര, കാട്ടമല, ഹുദാ കവല, അമാൻ കവല, കീരിയതോട്ടം, കാരക്കാട്, തെവരുപാര, വെട്ടിപ്പരമ്പ്, പത്താഴപ്പടി തുടങ്ങിയവയാണ് ഈ ഗ്രാമത്തിനു സമീപത്തെ പ്രധാന സ്ഥലങ്ങൾ.