നക്ഷത്രരൂപീകരണം

നക്ഷത്രാന്തരീയ പ്രദേശങ്ങളിലെ തന്മാത്രാമേഘപടലത്തിൽ ഉള്ള സാന്ദ്രത കൂടിയ ഭാഗങ്ങളിലാണ് നക്ഷത്രരൂപീകരണം നടക്കുന്നത്. നക്ഷത്ര നഴ്സറികൾ എന്നോ നക്ഷത്രരൂപീകണ പ്രദേശങ്ങൾ എന്നോ ആണ് ഈ പ്രദേശങ്ങൾ അറിയപ്പെടുന്നത്. ജ്യോതിശാസ്ത്രത്തിലെ ഒരു പഠനശാഖയാണ് നക്ഷത്ര രൂപീകരണം. നക്ഷത്രന്തരീയ മാധ്യമം, തന്മാത്രാ മേഘങ്ങൾ, നക്ഷത്രരൂപീകരണ പ്രകൃയ, പ്രാഗ്‍നക്ഷത്രങ്ങൾ തുടങ്ങിയവയെ കുറിച്ചുള്ള പഠനങ്ങളും ഇതിൽ വരും. ജ്യോതിശാസ്ത്രത്തിന്റെ മറ്റൊരു ശാഖയായ ഗ്രഹങ്ങളുടെ രൂപീകരണവുമായും ഇത് ബന്ധപ്പെട്ടിരിക്കുന്നു.

ഈഗിൾ നെബുലയിൽ നക്ഷത്രങ്ങൾ രൂപം കൊള്ളുന്ന പില്ലേഴ്സ് ഓഫ് ക്രിയേഷൻ എന്നറിയപ്പെടുന്ന ഭാഗം. ഒരു ഹബിൾ ദൂരദർശിനി ചിത്രം