ദീപ മാലിക്

2016ലെ പാരലിമ്പിക്‌സിൽ ചരിത്ര നേട്ടം കുറിച്ച ഇന്ത്യൻ കായിക താരമാണ് ദീപ മാലിക്. അംഗപരിമിതരുടെ ഒളിമ്പിക്‌സായ പാരാലിമ്പിക്‌സിൽ ഷോട്ട്പുട്ടിൽ ദീപ വെള്ളിമെഡൽ നേടി. പാരാലിമ്പിക്‌സിൽ മെഡൽ നേടുന്ന ആദ്യ ഇന്ത്യൻ വനിതയാണ് ദീപ. എഫ്-35 വിഭാഗത്തിലാണ് ദീപ മെഡൽ നേടിയത്. ആറു ശ്രമങ്ങലിലായി 4.61 മീറ്റർ കടന്ന ഏറിലൂടെയാണ് വെള്ളിമെഡലിന് അർഹയായത്. നട്ടെല്ലിന് ബാധിച്ച ട്യൂമർ മൂലം അരയ്ക്കു താഴെ തളർന്നു നടക്കാൻ പറ്റാതായി. ട്യൂമർ നീക്കാനായി 31 ശസ്ത്രക്രിയകൾ നടത്തി. ഷോട്ട്പുട്ടിന് പുറമെ ജാവലിൻ ത്രോയിലും നീന്തലിലും, ബൈക്കിങ്ങിലും പങ്കെടുക്കുന്നുണ്ട്.

ദീപ മാലിക്

2016 ലെ റിയോ പാരാലിമ്പിക് ഗെയിംസിൽ നിന്ന് വെള്ളി മെഡൽ നേടിയ ഇന്ത്യൻ അത്‌ലറ്റ് ദീപ മാലിക്
വ്യക്തിവിവരങ്ങൾ
മുഴുവൻ പേര്	Deepa Malik
ജനനം	(1970-09-30) 30 സെപ്റ്റംബർ 1970 Bhaiswal, Sonipat district, Haryana, India
താമസം	New Delhi
Sport
രാജ്യം	India
Event(s)	Shot Put, Javelin Throw & Motorcycling

ജീവിത രേഖ

1970 സെപ്തംബർ 30ന് ഹരിയാനയിലെ സോനിപ്പത്തിൽ ജനിച്ചു. കേണൽ ബികെ നാഗ്പാലിന്റെ മകളും കേണൽ ബിക്രം സിങ്ങിന്റെ ഭാര്യയുമാണ്. ദേവിക, അംബിക എന്നീ രണ്ടു മക്കളുണ്ട്. 2012ൽ അർജുന അവാർഡ് നേടി.

അംഗീകാരങ്ങൾ, പുരസ്‌കാരങ്ങൾ

• 2019ൽ ന്യൂസിലാണ്ട് പ്രധാനമന്ത്രിയുടെ സർ എഡ്മണ്ട് ഹില്ലരി ഫെല്ലൊഷിപ്പ്
• 2014ൽ പ്രസിഡന്റിന്റെ റോൾ മോഡൽ അവാർഡ്
• 2012ൽ അർജുന അവാർഡ്
• 2009-10 മഹാരാഷ്ട്ര ഛത്രപതി അവാർഡ് (കായികം)
• 2008ൽ ഹരിയാന കരംഭൂമി അവാർഡ്
• 2006ൽ സ്വാലംഭൻ പുരസ്‌കാർ മഹാരാഷ്ട്ര

അന്താരാഷ്ട്ര മത്സരങ്ങൾ, നേട്ടങ്ങൾ

• 2015ൽ ദോഹയിൽ നടന്ന ഐപിസി അത്‌ലറ്റിക്‌സ് വേൾഡ് ചാംപ്യൻഷിപ്പിൽ ഷോട്ട്പുട്ടിൽ അഞ്ചാംസ്ഥാനം
• 2016 മാർച്ചിൽ ദുബൈയിൽ നടന്ന ഐപിസി ഓഷ്യാനിയ ഏഷ്യൻ ചാംപ്യൻഷിപ്പിൽ ജാവലിൻ ത്രോയിൽ സ്വർണ്ണവും ഷോട്ട്പുട്ടിൽ വെള്ളിയും നേടി
• 2014ൽ ഇഞ്ചിയോണിൽ നടന്ന പാര ഗെയിംസിൽ ജാവലിൻ ത്രോയിൽ വെള്ളി മെഡൽ നേടി
• 2016 ഏപ്രിലിൽ ബീജിങ്ങിൽ നടന്ന ഐപിസി രണ്ടാമത് ചൈന ഓപൺ അത്‌ലറ്റിക് ചാംപ്യൻഷിപ്പിൽ ഷോട്ട്പുട്ടിൽ സ്വർണ്ണം നേടി