തിമ്മക്ക

കർണ്ണാടക സംസ്ഥാനത്ത് നിന്നുള്ള ഒരു പരിസ്ഥിതിപ്രവർത്തകയാണ് സാലുമരാട തിമ്മക്ക എന്നറിയപ്പെടുന്ന തിമ്മക്ക.(കന്നഡ: ಸಾಲುಮರದ ತಿಮ್ಮಕ್ಕ, ഇംഗ്ലീഷ്: Saalumarada Thimmakka). 4 കിലോമീറ്റർ വഴിയോരത്ത് 385 പേരാൽമരങ്ങൾ നട്ടുസംരക്ഷിച്ചതാണ് അവരെ ശ്രദ്ധേയാക്കിയത്. 'സാലുമരാട' എന്നാൽ കന്നട ഭാഷയിൽ 'നിരനിരയായി നിൽക്കുന്ന മരങ്ങൾ' എന്നാണ് അർത്ഥം. മക്കളില്ലാതിരുന്നതിൽ ദുഃഖിതയായി ഒരുകാലത്ത് ആത്മഹത്യയെക്കുറിച്ച് ചിന്തിച്ചെങ്കിലും പിന്നീട് ഭർത്താവിനോടൊപ്പം ചേർന്ന് വൈകുന്നേരങ്ങളിൽ മരങ്ങൾ നട്ട് പരിപാലിക്കാൻ തുടങ്ങുകയായിരുന്നു. 2019-ൽ പത്മശ്രീ പുരസ്‍കാരം നൽകി രാഷ്ട്രം ഇവരെ ആദരിച്ചു.

തിമ്മക്ക
ജനനം	കർണ്ണാടകം
പൗരത്വം	ഇന്ത്യ
വിദ്യാഭ്യാസം	പ്രാഥമികം
തൊഴിൽ	മരം നടൽ
അറിയപ്പെടുന്നത്	വഴിയോരങ്ങളിൽ ആൽമരങ്ങൾ നട്ടുസംരക്ഷിച്ചതിന്
പുരസ്കാരങ്ങൾ	ഇന്ദിരാ പ്രിയദർശിനി വൃക്ഷമിത്രപുരസ്കാരം

ബാഗെപ്പള്ളി - ഹഗലൂരുറോഡ് വികസനത്തിന്റെ ഭാഗമായി കുടൂർ ഹൂഡിക്കൽ ഭാഗത്ത് തിമ്മക്ക നട്ടു പരിപാലിച്ച 385 ആൽമരങ്ങൾ മുറിക്കുന്നത് നിർത്തിവെക്കണമെന്ന് അവർ മുഖ്യമന്ത്രി എച്ച് ഡി കുമാരസ്വാമിയോട് അഭ്യർഥിച്ചതിന്റെ ഫലമായി മരങ്ങൾ നശിക്കാത്ത വിധം പുതിയ അലൈന്മെന്റ് കണ്ടെത്താൻ കർണാടക ഗവണ്മെന്റ് തീരുമാനമെടുത്തു.

പുരസ്കാരങ്ങൾ

പരിസ്ഥിതിപ്രവർത്തനത്തിന് വിവിധങ്ങളായ പുരസ്കാരങ്ങൾ തിമ്മക്കയെ തേടിയെത്തിയിട്ടുണ്ട്. 96-ൽ നാഷണൽ സിറ്റിസൺ അവാർഡ് ലഭിച്ചതാണ് തിമ്മക്കയുടെ പ്രവർത്തനങ്ങളെ പ്രസിദ്ധമാക്കിയത്.

• നാഷണൽ സിറ്റിസൺ അവാർഡ് (1996)
• കർണാടക കൽപവല്ലി അവാർഡ്
• വിശ്വാത്മാ അവർഡ്
• നാദോജ അവാർഡ്
• ഇന്ദിരാ പ്രിയദർശിനി വൃക്ഷമിത്രപുരസ്കാരം
• പത്മശ്രീ 2019

പുറത്തേക്കുള്ള കണ്ണികൾ

• http://www.mangalorean.com/printarticle.php?arttype=localnews&newsid=328391 Archived 2016-03-04 at the Wayback Machine.
• http://www.goodnewsindia.com/Pages/content/inspirational/thimmakka.html
• http://cmonletsplantatree.blogspot.in/2012/02/saalumarada-thimmakka-peerless-green.html
• https://web.archive.org/web/20061231185555/http://thimmakka.org/aboutus/us_r.html