താജ് ഉമൈദ് ഭവൻ പാലസ്
ഇന്ത്യൻ സംസ്ഥാനമായ രാജസ്ഥാനിലെ ജോധ്പൂരിൽ സ്ഥിതിചെയ്യുന്ന ലോകത്തിലെ ഏറ്റവും വലിയ സ്വകാര്യ വസതിയാണ്‌ ഉമൈദ് ഭവൻ പാലസ്. പാലസിൻറെ ഒരു ഭാഗം കൈകാര്യം ചെയ്യുന്നത് താജ് ഹോട്ടൽസ്‌ ഗ്രൂപ്പ് ആണ്. ഇപ്പോഴത്തെ ഉടമസ്ഥനായ ഗജ് സിംഗിൻറെ മുത്തച്ചനായ മഹാരാജ ഉമൈദ് സിംഗിൻറെ പേരാണ് പാലസിനു നൽകിയിരിക്കുന്നത്. ഈ മണിമാളികയിൽ 347 മുറികളുണ്ട്. ജോധ്പൂർ രാജകുടുംബത്തിൻറെ വസതിയാണ്‌ ഉമൈദ് ബ്ഭാവൻ പാലസ്. പാലസിൻറെ ഒരു ഭാഗം മ്യൂസിയമായും പ്രവർത്തിക്കുന്നുണ്ട്.
| Umaid Bhawan Palace, Jodhpur | |
|---|---|
 | |
| അടിസ്ഥാന വിവരങ്ങൾ | |
| വാസ്തുശൈലി | Beaux Arts style and a blend of eastern and western architectural styles |
| നഗരം | Jodhpur |
| രാജ്യം | India |
| നിർമ്മാണം ആരംഭിച്ച ദിവസം | 1928 |
| പദ്ധതി അവസാനിച്ച ദിവസം | 1943 |
| ഇടപാടുകാരൻ | Maharaja Sawai Jai Singh II |
| ഉടമസ്ഥത | Gaj Singh |
| സാങ്കേതിക വിവരങ്ങൾ | |
| Structural system | Golden yellow or dun-coloured sandstone |
| രൂപകൽപ്പനയും നിർമ്മാണവും | |
| വാസ്തുശില്പി | Budhmal Rai and Sir Samuel Swinton Jacob |
| Engineer | Henry Vaughan Lanchester |
ചരിത്രം
തിരുത്തുകറാത്തോർ രാജവംശത്തിൻറെ നല്ല ഭരണകാലത്തിനു ശേഷം വരൾച്ചയുടെ കാലം വരും എന്നു ശപിച്ച ഒരു സന്യാസിയുമായി ബന്ധപ്പെട്ടാണ് ഉമൈദ് ഭവൻ പാലസ് നിർമ്മാണ ചരിത്രം ബന്ധപ്പെട്ടു കിടക്കുന്നത്. അങ്ങനെ, 50 വർഷത്തെ പ്രതാപ് സിംഗിൻറെ ഭരണകാലത്തിനു ശേഷം 1920-കളിൽ 3 വർഷം തുടർച്ചയായി ജോധ്പൂരിൽ വരൾച്ചയും പട്ടിണിയും നേരിട്ടു.പട്ടിണി ബാധിച്ച പ്രദേശങ്ങളിലെ കർഷകർ ജോധ്പൂരിലെ മർവാറിലെ മുപ്പത്തിഏഴാം റാത്തോർ ഭരണാധികാരിയായ ഉമൈദ് സിംഗ് രാജാവിൻറെ അടുത്തു വന്നു ജോലി നൽകണം എന്നു അഭ്യർത്ഥിച്ചു.[1][2] കർഷകരെ സഹായിക്കുന്നതിനായി ഒരു ഗംഭീര കൊട്ടാരം പണിയാൻ രാജാവ് തീരുമാനിച്ചു.
പട്ടിണിയിലായ കർഷകരെ സഹായിക്കുന്നതിനായി പണിയുന്നതുകൊണ്ട് കൊട്ടാരത്തിൻറെ നിർമ്മാണ പ്രവർത്തനങ്ങൾ വളരെ മന്ദഗതിയിലാണ് നടന്നത്. 1929-ലാണ് പാലസിനു തറകല്ലിട്ടത്. 2000 മുതൽ 3000 പേര് വരെ പാലസിൻറെ നിർമ്മാണത്തിന് ജോലിചെയ്തു.[3] ഇന്ത്യൻ സ്വാതന്ത്ര്യത്തിനു വളരെ അടുത്ത 1943-ലാണ് പാലസ് നിർമ്മാണം പൂർത്തിയാക്കി താമസം തുടങ്ങിയത്. 11 മില്യൺ ഇന്ത്യൻ രൂപയാണ് ഹോട്ടലിൻറെ നിർമ്മാണ ചെലവായി കണക്കാക്കപ്പെടുന്നത്.[4]
ചിറ്റാർ ഹിൽ എന്നറിയപ്പെടുന്ന സ്ഥലമാണ് പാലസ് നിർമ്മാണത്തിനായി തിരഞ്ഞെടുത്തത്, അതുകൊണ്ട്തന്നെ ചിറ്റാർ പാലസ് എന്ന പേരിലായിരുന്ന ആദ്യ കാലത്ത് പാലസ് അറിയപ്പെട്ടിരുന്നത്.[5] [6]
ഹോട്ടൽ
തിരുത്തുകഉമൈദ് ഭവൻ പാലസിൻറെ ഹോട്ടൽ വിഭാഗം നടത്തുന്നത് താജ് ഗ്രൂപ്പ് ഓഫ് ഹോട്ടൽസ്‌ ആണു. അത്യാഡംബര ‘റീഗൽ ആൻഡ്‌ വൈസ് റീഗൽ സ്യൂട്ടുകൾ’, അത്യുഗ്രൻ ‘മഹാരാജ’ ‘മഹാറാണി’ സ്യൂട്ടുകൾ എന്നിവ ഉൾപ്പെടെ 70 അതിഥി മുറികളാണ് താജ് ഉമൈദ് ഭവൻ പാലസ് ഹോട്ടലിൽ ഉള്ളത്. മഹാറാണി സ്യൂട്ടിലെ ബാത്ത് ടബ് നിർമിച്ചിരിക്കുന്നത് ഒരൊറ്റ പിങ്ക് മാർബിൾ കട്ടയിൽനിന്നും കൊത്തിയെടുത്താണ്, ഇത്തരത്തിലുള്ള ഇന്ത്യയിലെ ഏക ബാത്ത് ടബ് ഇതാണ്. മഹാറാണി സ്യൂട്ടിലെ ബെഡ് റൂമിനോട് അറ്റാച്ച് ചെയ്ത അടുക്കളയും ഉണ്ട്. ബെഡിനോട്‌ ചേർന്നു സിംഹത്തിനു മുകളിൽ സ്ത്രീ ഇരിക്കുന്ന ഒരു ശില്പവും ഉണ്ട്. മഹാരാജ സ്യൂട്ടുകളിൽ പുള്ളിപുലിയുടെ തോലുകൊണ്ടുള്ള ഫർണിഷ് ചെയ്തിട്ടും ഉണ്ട്.[7]
സ്ഥാനം
തിരുത്തുകഇന്ത്യൻ സംസ്ഥാനമായ രാജസ്ഥാനിലെ ജോധ്പൂരിലാണ് താജ് ഉമൈദ് ഭവൻ പാലസ് സ്ഥിതിചെയ്യുന്നത്. ജോധ്പൂരിലെ പാലസ് റോഡിൽ സ്ഥിതിചെയ്യുന്ന താജ് ഉമൈദ് ഭവൻ പാലസ് ഹോട്ടൽ മേഹ്രാൻഗർ ഫോർട്ട്‌ (6.5 കിലോമീറ്റർ), ദി ജസ്വന്ത്‌ താട മൌസോളിയം (6 കിലോമീറ്റർ), മണ്ടോർ (8 കിലോമീറ്റർ), കൈലാന ലേക്ക് ആൻഡ്‌ ഗാർഡൻ (13 കിലോമീറ്റർ), ബാൽസമണ്ട് ലേക്ക് (14.5 കിലോമീറ്റർ), മസൂരിയ ഹിൽസ് (6 കിലോമീറ്റർ), ഭിം ഭിരാക് ലേക്ക് എന്നീ ടൂറിസ്റ്റ് കേന്ദ്രങ്ങളുടെ സമീപമാണ്.
എയർപോർട്ടിൽനിന്നും താജ് ഉമൈദ് ഭവൻ പാലസ് ഹോട്ടലിലേക്കുള്ള ദൂരം: ഏകദേശം 4.5 കിലോമീറ്റർ
റെയിൽവേ സ്റ്റേഷനിൽനിന്നും താജ് ഉമൈദ് ഭവൻ പാലസ് ഹോട്ടലിലേക്കുള്ള ദൂരം: ഏകദേശം 4.5 കിലോമീറ്റർ
ചിത്രശാല
തിരുത്തുക-
-
-
മെഹ്റാൻഗഢ് കോട്ടയിൽ നിന്നുള്ള ദൃശ്യം
അവലംബം
തിരുത്തുക- ↑ Bentley 2011, പുറം. 123.
- ↑ Katritzki, പുറം. 107.
- ↑ Bentley 2011, പുറം. 123-24.
- ↑ Brown & Thomas 2008, പുറം. 306.
- ↑ Vinnels & Skelly 2002, പുറം. 245.
- ↑ Singh 2010, പുറം. 233.
- ↑ "Taj Umaid Bhawan Palace Jodhpur". cleartrip.com. Retrieved 3 March 2016.
ഗ്രന്ഥസൂചി
തിരുത്തുക- Bentley, Cheryl (2011). A Guide to the Palace Hotels of India. Hunter Publishing, Inc. ISBN 978-1-58843-970-3.
{{cite book}}: Invalid|ref=harv(help) - Betts, Vanessa; McCulloch, Victoria (2013). India – The North: Forts, Palaces, the Himalaya Dream Trip. Footprint Travel Guides. ISBN 978-1-907263-74-3.
{{cite book}}: Invalid|ref=harv(help) - Brown, Lindsay; Thomas, Amelia (2008). Rajasthan, Delhi & Agra. Ediz. Inglese. Lonely Planet. ISBN 978-1-74104-690-8.
{{cite book}}: Invalid|ref=harv(help) - Katritzki, Freda. The World of Private Castles, Palaces and Estates. Chateaux Prives. ISBN 978-2-9524142-1-0.
{{cite book}}: Invalid|ref=harv(help) - Nath, Aman; Holmes, Fred R.; Holmes, Anna Newton; Paschira, Amit (2008). Jodhpur's Umaid Bhawan: The Maharaja of Palaces: a Book. India Book House. ISBN 978-81-7508-511-4.
{{cite book}}: Invalid|ref=harv(help) - Singh, Sarina (2010). Lonely Planet India. Lonely Planet. ISBN 978-1-74220-347-8.
{{cite book}}: Invalid|ref=harv(help) - Vinnels, David; Skelly, Brent (2002). Bollywood showplaces: cinema theatres in India. E & E Plumridge in collaboration with Decorum Books.
{{cite book}}: Invalid|ref=harv(help)
പുറത്തേക്കുള്ള കണ്ണികൾ
തിരുത്തുക
താജ് ഉമൈദ് ഭവൻ പാലസ് എന്ന വിഷയവുമായി ബന്ധമുള്ള കൂടുതൽ പ്രമാണങ്ങൾ (വിക്കിമീഡിയ കോമൺസിൽ)
