ഇസ്മാഈൽ ഫാറൂഖി
ഈ ലേഖനം ഏതെങ്കിലും സ്രോതസ്സുകളിൽ നിന്നുള്ള വേണ്ടത്ര തെളിവുകൾ ഉൾക്കൊള്ളുന്നില്ല. ദയവായി യോഗ്യങ്ങളായ സ്രോതസ്സുകളിൽ നിന്നുമുള്ള അവലംബങ്ങൾ ചേർത്ത് ലേഖനം മെച്ചപ്പെടുത്തുക. അവലംബമില്ലാത്ത വസ്തുതകൾ ചോദ്യം ചെയ്യപ്പെടുകയും നീക്കപ്പെടുകയും ചെയ്തേക്കാം. |
ഇസ്മാഈൽ റാജി അൽഫാറൂഖി. Ismaʻīl Rājī al-Fārūqī (Arabic: إسماعيل راجي الفاروقي January 1, 1921 – May 27, 1986). ഇസ്ലാമിക വിഷയത്തിലും മതതാരതമ്യത്തിലും ശ്രദ്ധ കേന്ദ്രീകരിച്ചിരുന്ന പലസ്തീൻ-അമേരിക്കൻ ചിന്തകനും ഗ്രന്ഥകാരനുമാണ്‌ ഇസ്മാഈൽ റാജീ ഫാറൂഖി എന്ന ഇസ്മാഈൽ ഫാറൂഖി. 'വിജ്ഞാനത്തിന്റെ ഇസ്ലാമീകരണം' എന്ന ആശയം മുന്നോട്ടു വെച്ചവരിൽ പ്രധാനിയാണ്‌ റാജീ ഫാറൂഖി.ഈജിപ്തിലെ അൽ-അസ്‌ഹർ സർ‌വ്വകലാശാല, വടക്കേ അമേരിക്കയിലെ മെക്‌ഗിൽ സർ‌വ്വകലാശാല, ടെംബിൾ സർ‌വ്വകലാശാല എന്നിവിടങ്ങളിൽ നിരവധി വർഷം അദ്ധ്യാപകനായി ഫാറൂഖി ജോലിചെയ്തു.ടെംബിൾ സർ‌വ്വകലാശാലയിൽ ഇസ്ലാമിക സ്റ്റഡീസ് പ്രോഗ്രാം സ്ഥാപിക്കുകയും അതിന്റെ അധ്യക്ഷനായി സേവനം ചെയ്യുകയുമുണ്ടായി.
1986 മെയ് 27 ന് അമേരിക്കയിലെ പെൻസിൽ‌വാനിയയിലുള്ള സ്വന്തം വസതിയിൽ ഫാറൂഖിയും തന്റെ ഭാര്യ ലൂയിസ് ലം‌യാ ഫാറൂഖിയും അക്രമികളാൽ കൊലചെയ്യപ്പെടുകയായിരുന്നു[1][2][3].
വിദ്യാഭ്യാസം
തിരുത്തുകഫലസ്തീനിലെ ജാഫ്ഫയിലാണ്‌ ഡോ. ഫാറൂഖിയുടെ ജനനം.പിതാവ് ഇസ്ലാമിക പണ്ഡിതനും പ്രദേശത്തെ ഖാദിയുമായിരുന്നു.പിതാവിനു കീഴിലും അടുത്തുള്ള പള്ളിയിൽ നിന്നും പ്രാഥമിക വിദ്യാഭ്യാസം നേടിയ ഫാറൂഖി ഫ്രഞ്ച് ഡൊമിനിക്കൻ കോളേജിൽ ചേർന്നും പഠിച്ചു.ബ്രിട്ടീഷ് മാൻഡേറ്റിലുണ്ടായിരുന്ന ജെറൂസലേമിൽ. ഫ്രഞ്ച് ഡൊമനിക് സ്‌കൂളിലായിരുന്നു പ്രൈമ്രറി, സെക്കന്ററി വിദ്യാഭ്യാസം. 1941-ൽ ബൈറൂത്തിലെ അമേരിക്കൻ യൂനിവേഴ്സിറ്റിയിൽ നിന്ന് ഫിലോസഫിയിൽ ബിരുദം നേടിയ അദ്ദേഹം ബ്രിട്ടീഷ് ഭരണകൂടത്തിന്റെ കീഴിൽ അൽ ജലീൽ പ്രവിശ്യയുടെ ഗവർണറായി ജോലി ചെയ്തു. 1942 ൽ റെജിസ്ട്രാർ ഓഫ് കോർപറേറ്റീവ് സൊസൈറ്റിയായിട്ടായിരുന്നു ആദ്യ നിയമനം.പിന്നീട് 1945 ൽ ഗലീലിയുടെ ജില്ലാ ഗവർണറായി നിയമനം കിട്ടി.1948 ൽ ഇസ്രയേൽ ഒരു സ്വതന്ത്ര ജൂത രാജ്യമായപ്പോൾ ഫാറൂഖി ലെബനോനിലെ ബെയ്റൂത്തിലേക്ക് പലായനം ചെയ്യുകയും അവിടെ അമേരിക്കൻ യൂനിവേഴ്സിറ്റി ഓഫ് ബെയ്റൂത്തിൽ ചേരുകയും ചെയ്തു. 1949 ഇന്ത്യാന യൂനിവേഴ്സിറ്റിയിൽ നിന്നും തത്ത്വജ്ഞാനത്തിൽ എം.എ ബിരുദം കരസ്ഥമാക്കി.1951 ൽ ഹാർ‌വാർഡ് യൂനിവേഴ്സിറ്റിയിൽ നിന്ന് 'ജസ്റ്റിഫയിംഗ് ദ ഗോഡ്:മെറ്റാഫിസിക്സ് ആൻഡ് എപിസ്റ്റമോളജി ഓഫ് വാല്യു' എന്ന തലക്കേട്ടിൽ തത്ത്വജ്ഞാനത്തിൽ തന്നെ മറ്റൊരു എം.എ ബിരുദവും നേടി.1952 ൽ ഇന്ത്യാന യൂനിവേഴ്സിറ്റിയിൽ നിന്ന് പി.എച്.ഡിയും അദ്ദേഹം നേടി.ക്ലാസിക്കൽ ഫിലോസഫിയിലും പാശ്ചാത്യ പാരമ്പര്യത്തിന്റെ ചിന്താവികാസ പദ്ധതിയിലും ആഴത്തിലുള്ള അറിവ് അദ്ദേഹം സ്വായത്തമാക്കി.1953 ൽ സിറിയയിലേക്കും ശേഷം ഈജിപ്തിലേക്കും പോയ ഫാറൂഖി അൽ-അസ്‌ഹർ യൂനിവേഴ്സിറ്റിയിലും പഠനം നടത്തി.Justifying the Good: Metaphysics and Epistemology of Value എന്നതായിരുന്നു ഗവേഷണ വിഷയം
അക്കാദമിക രംഗത്ത്
തിരുത്തുകഅക്കാദമിക രംഗത്ത് സജീവ സാനിധ്യമായിരുന്നു ഡോ. ഫാറൂഖി. വിവിധ സർ‌വ്വകലാശാലകളിൽ അദ്ധ്യാപകനായിരിക്കുമ്പോഴും നൂറോളം ലേഖനങ്ങളും പഠനങ്ങളും ഇരുപത്തഞ്ചോളം പുസ്തകങ്ങളും എഴുതാൻ സമയം കണ്ടത്തി.കൂടാതെ അമേരിക്കൻ അക്കാദമി ഓഫ് റിലിജിയന്റെ ഇസ്ലാമിക് സ്റ്റഡീസ് ഗ്രൂപ്പ് സ്ഥാപിക്കുകയും പത്തു വഷത്തോളം അതിന്റെ അധ്യക്ഷനായി സേവനംനുഷ്ടിക്കുകയും ചെയ്യുകയുണ്ടായി.ഇന്റർ റിലിജിയസ് പീസ് കൊളോക്കിയത്തിന്റെയും ദ മുസ്ളിം- ജ്യൂയിഷ് - ക്രിസ്ത്യൻ കോൺഫ്രൻസിന്റെ ഉപാധ്യക്ഷനായും ചിക്കാഗൊയിലെ അമേരിക്കൻ ഇസ്ലാമിക് കോളേജിന്റെ അധ്യക്ഷനായും ഇസ്മാഈൽ ഫാറൂഖി സേവനം ചെയ്തു. മലേഷ്യയിലെ അൻ‌വർ ഇബ്രാഹിം പോലുള്ള പ്രഗല്ഭരുമൊത്ത് ഇന്റർനാഷണൽ ഇൻസ്റ്റിറ്റ്യൂട്ട് ഓഫ് ഇസ്ലാമിക് തോട്ട് എന്ന സ്ഥാപനവും ഫാറൂഖി സംഭാവന ചെയ്തു.
മരണം
തിരുത്തുക1986 മെയ് 27 ന് ഫാറൂഖിയുടെ വീട്ടിൽ അതിക്രമിച്ചു കടന്ന അക്രമികൾ ഫാറൂഖിയേയും അദ്ദേഹത്തിന്റെ ഭാര്യയേയും കൊലപ്പെടുത്തുകയും അദ്ദേഹത്തിന്റെ മകൾക്ക് മാരകമായ പരിക്കേൽ‌പ്പിക്കുകയും ചെയ്തു.മകളുടെ മുറിവ് പൂട്ടാൻ ഇരുനൂറോളം തുന്നുകൾ വേണ്ടിവന്നു. ഫാറൂഖി അഴിച്ചു വിട്ട ഇസ്ലാമിക ചിന്തയിൽ അസ്വസ്ഥരായ ജൂത ശക്തികളുടെ രാഷ്ട്രീയ ഗൂഢാലോചനയുടെ ഫലമാണ് ദാരുണമായ ഈ കൊലപാതകം എന്ന് വിശ്വസിക്കപ്പെടുന്നു.
പ്രധാന ഗ്രന്ഥങ്ങൾ
തിരുത്തുകഇരുപത്തഞ്ചോളം ഗ്രന്ഥങ്ങൾ ഫാറൂഖിയുടേതായുണ്ട്. 'ഇസ്ലാമൈസേഷൻ ഓഫ് നോളജ്, 'ദ കൾചറൽ അറ്റ്‌ലസ് ഓഫ് ഇസ്ലാം', 'ഇസ്ല്ലാം' , ' ക്രിസ്ത്യൻ എത്തിക്സ്: എ സിസ്റ്റ്മാറ്റിക് ആൻഡ് ഹിസ്റ്റോറിക്കൽ അനലൈസിസ് ഓഫ് ഇറ്റ്സ് ഡൊമിനന്റ് ഐഡിയാസ്' എന്നിവ അവയിൽ ചിലത് മാത്രമാണ്‌.
വിവർത്തന ഗ്രന്ഥം
തിരുത്തുകമുഹമ്മദ് ഹുസൈൻ ഹൈക്കൽ അറബിയിൽ രചിച്ച 'ഹയാത്ത് മുഹമ്മദ്' (മുഹമ്മദിന്റെ ജീവിതം) എന്ന ഗ്രന്ഥം ഇംഗ്ലീഷിലേക്ക് വിവർത്തനം ചെയ്തു.
മലയാളത്തിൽ
തിരുത്തുക'കൾച്ചറൽ അറ്റ്‌ലസ് ഓഫ് ഇസ്ലാം' എന്ന ഗ്രന്ഥത്തിലെ ഏതാനും അധ്യായങ്ങളുടെ സംഗ്രഹ വിവർത്തനം മലയാളത്തിൽ 'ഖുർ‌ആൻ കല സംഗീതം' എന്ന പേരിൽ ഇസ്ലാമിക് പബ്ലിഷിംഗ് ഹൗസ് പ്രസിദ്ധീകരിച്ചിട്ടുണ്ട്. കൂടാതെ ‘ഇസ്ലാമൈസേഷൻ ഓഫ് നോളജ്’ എന്ന ഗ്രന്ഥത്തിന്റെ വിവർത്തനം 'വിജ്ഞാനത്തിന്റെ ഇസ്ലാമീകരണം' എന്ന പേരിലും പ്രസിദ്ധീകരിക്കപ്പെട്ടിട്ടുണ്ട്.
ബാഹ്യ കണ്ണി
തിരുത്തുക- Ismail Faruqi Online Archived 2010-02-06 at the Wayback Machine. A website on the life and works of Dr. Ismail Faruqi
അവലംബം
തിരുത്തുക- ↑ "Black Muslim Charged in Slaying of Islamic Scholar and His Wife". The New York Times. January 18, 1987.
- ↑ O'Bryan, Ruth (July 8, 1987). "Confession Details Stalking, Slaying Of Islamic Scholars". The Morning Call. Archived from the original on 2018-07-02. Retrieved 2020-08-25.
- ↑ Bell, Adam (March 11, 1996). "Inside the Capitol (Joseph Louis Young dies of natural causes on death row)". The Patriot News.