ഡിഗ്രി (താപനില)

താപനില രേഖപ്പെടുത്താൻ പല സ്കെയിലുകളിലും ഉപയോഗിക്കുന്ന ഒരു പദമാണ് ഡിഗ്രി. ° ചിഹ്നത്തോടൊപ്പം യൂണിറ്റ് അക്ഷരവും (ഉദാ:ഡിഗ്രി സെൽഷ്യസിന് °C) ചേർത്താണ് സാധാരണയായി താപനില രേഖപ്പെടുത്തുന്നത്.

ഡിഗ്രിയിൽ അളക്കുന്ന താപനിലയുടെ സ്കെയിലുകൾ

ഡിഗ്രി ഉപയോഗിച്ച് രേഖപ്പെടുത്തുന്ന താപനിലയുടെ സാധാരണ സ്കെയിലുകൾ:

• സെൽഷ്യസ് (° C)
• ഫാരൻഹീറ്റ് (° F)
• ഫാരൻഹീറ്റ് സ്കെയിൽ ഉപയോഗിക്കുന്ന റാങ്കൈൻ (° R അല്ലെങ്കിൽ ° Ra) (0 ഡിഗ്രി റാങ്കൈൻ കേവല പൂജ്യത്തിന് തുല്യമാണ്).

ഫിസിക്കൽ സയൻസിലെ താപനില അളക്കുന്നതിനുള്ള പ്രാഥമിക യൂണിറ്റാണ് കെൽവിൻ. എന്നാൽ ഡിഗ്രി ഫാരൻഹീറ്റ്, ഡിഗ്രി സെൽഷ്യസ് എന്നിവയിൽ നിന്ന് വ്യത്യസ്തമായി, കെൽവിൻ ഒരു ഡിഗ്രിയായി പരാമർശിക്കുകയോ എഴുതുകയോ ചെയ്യുന്നില്ല.

താപനിലയുടെ മറ്റ് സ്കെയിലുകൾ:

• ഡെലിസിൽ (° D)
• ന്യൂട്ടൺ (° N)
• റമൂർ (° Ré)
• റോമർ (° Rø)
• വെഡ്‌ജ്‌വുഡ് (° W)

കെൽവിൻ

തെർമോഡൈനാമിക് ടെമ്പറേച്ചർ സ്കെയിലിലെ താപനിലയുടെ എസ്‌ഐ യൂണിറ്റിന്റെ മുൻ നാമമാണ് "ഡിഗ്രീസ് കെൽ‌വിൻ" (° K). 1967 മുതൽ കെ ചിഹ്നം (ഡിഗ്രി ചിഹ്നം ഇല്ലാതെ) മാത്രം ഉപയോഗിച്ച് കെൽവിൻ എന്ന് താപനില രേഖപ്പെടുത്തുന്നു. ഡിഗ്രി അബ്സൊല്യുട്ട് (° A) എന്നതും കാലഹരണപ്പെട്ട പദാവലിയാണ്. ഇത് കെൽവിനെ അല്ലെങ്കിൽ ചിലപ്പോൾ റാങ്കൈൻ ഡിഗ്രിയെ സൂചിപ്പിക്കുന്ന പദമാണ്.

താരതമ്യങ്ങൾ

• വെള്ളത്തിന്റെ തിളനില: 100.0 °C / 212.0 °F.
• ഹിമത്തിന്റെ ദ്രവണാങ്കം: 0.0 °C / 32.0 °F.
• സാധാരണ മനുഷ്യ ശരീര താപനില: 37.0 °C / 98.6 °F.
• മുറിയിലെ താപനില: 20 - 25 °C / 68 - 77 °F

താപനില പരിവർത്തനങ്ങൾ

താപനിലയുടെ മൂന്ന് പ്രധാന യൂണിറ്റുകളും രേഖീയമായി പരസ്പരം ആശ്രയിച്ചിരിക്കുന്നു, അതിനാൽ അവയിലേതെങ്കിലും ഒന്നിൽ നിന്ന് മറ്റൊന്നിലേക്കുള്ള പരിവർത്തനം താരതമ്യേന എളുപ്പമാണ്. ഉദാഹരണത്തിന്, $f$ ഡിഗ്രി ഫാരൻഹീറ്റിൽ അല്ലെങ്കിൽ $k$ കെൽവിനിൽ രേഖപ്പെടുത്തിയ താപനിലയിൽ നിന്ന് °C കണക്കാക്കാൻ താഴെപ്പറയുന്ന രീതിയിൽ സാധ്യമാണ്.

${\begin{aligned}c\;=\;{\frac {5}{9}}(f-32)\;=\;k-273.15\end{aligned}}$

മുകളിലുള്ള സമവാക്യങ്ങൾ പുനക്രമീകരിച്ച് $f$ അല്ലെങ്കിൽ $k$ യും കണ്ടുപിടിക്കാം.

${\begin{aligned}f\;&=\;{\frac {9}{5}}c+32\;=\;{\frac {9}{5}}(k-273.15)+32\\k\;&=\;c+273.15\;=\;{\frac {5}{9}}(f-32)+273.15\end{aligned}}$

ഇതും കാണുക

• താപനില സ്കെയിലുകളുടെ താരതമ്യം
• ഡിഗ്രി ചിഹ്നം
• ഇന്റർനാഷണൽ സിസ്റ്റം ഓഫ് യൂണിറ്റുകൾ