ട്വന്റി തൗസന്റ് ലീഗ്സ് അണ്ടർ ദി സി

ഫ്രഞ്ചുനോവലായ Vingt mille lieues sous les mers: Tour du monde sous-marin ന്റെ വിവർത്തനമാണ് Twenty Thousand Leagues Under the Sea എന്ന കടലിനടിയിലൂടെ 20,000 ലീഗ്സ്. 1870ൽ ഈ ക്ലാസ്സിക് സയൻസ് ഫിക്ഷൻ നോവൽ എഴുതിയത് ഫ്രഞ്ച് നോവലിസ്റ്റ് ആയ ഷൂൾസ് വെർണെ ആണ്.

ട്വന്റി തൗസന്റ് ലീഗ്സ് അണ്ടർ ദി സി

കർത്താവ്	Jules Verne
യഥാർത്ഥ പേര്	Vingt mille lieues sous les mers
ചിത്രരചയിതാവ്	Alphonse de Neuville and Édouard Riou
രാജ്യം	France
ഭാഷ	French
പരമ്പര	Voyages Extraordinaires
സാഹിത്യവിഭാഗം	Adventure
പ്രസാധകർ	Pierre-Jules Hetzel
പ്രസിദ്ധീകരിച്ച തിയതി	1870
ആംഗലേയത്തിൽ  പ്രസിദ്ധീകരിക്കപ്പെട്ടത്	1872
മുമ്പത്തെ പുസ്തകം	In Search of the Castaways
ശേഷമുള്ള പുസ്തകം	Around the Moon

ഇത് യഥാർഥത്തിൽ ഫ്രഞ്ച് മാസികയായ Magasin d'Éducation et de Récréationൽ പ്രസിദ്ധീകരിച്ച ഫ്രഞ്ച് നോവൽ ആണ്. പിയറി ഷൂൾസ് ഹെർസൽ ആണ് ഈ നോവൽ തന്റെ മാസികയിൽ പ്രസിദ്ധീകരിച്ചത്. 1871 നവംബറിൽ അദ്ദേഹം ഇതിന്റെ ഡീലക്സ് എഡിഷൻ ചിത്രീകരണത്തോടെ പ്രസിദ്ധികരിച്ചു. അൽഫോൻസ് ഡി ന്യുവില്ലെയും എദുവാർദ് റിയുവും ചേർന്ന് ഇതിലെ 111 ചിത്രങ്ങൾ വരച്ചു. പ്രസിദ്ധീകരിച്ച ഉടനേ തന്നെ ഈ പുസ്തകം വളരെയധികം ജനപ്രീതിനേടി. ഇന്നും ഈ പുസ്തകം എറ്റവും കൂടുതൽ വിൽക്കപ്പെടുന്ന പുസ്തകങ്ങളിലൊന്നാണ്. ഇത് വെർണെയുടെ സാഹസികനോവലുകളിലും മഹത്തായ നോവലുകളിലും ഒന്നായിനിലനിൽക്കുന്നു. ജേർണി റ്റു ദ സെന്റർ ഓഫ് ദ ഏർത്ത് എന്ന നോവലും ഇതിനു തുല്യം ജനപ്രിയമാണ്. ഈ നോവലിലെ നീമൊയുടെ നോട്ടിലസ് എന്ന കപ്പലിന്റെ വിവരണം കാലത്തെ അതിജീവിച്ചിരിക്കുന്നു. ഈ കപ്പൽ ഇന്നത്തെ മുങ്ങിക്കപ്പലുകളുടെ മിക്ക ഫീച്ചേഴ്സും കൃത്യമായി ഉൾക്കൊള്ളുന്നു. പക്ഷെ, അന്ന് ഈ നോവൽ എഴുതുമ്പോൾ മുങ്ങിക്കപ്പലുകൾ പ്രാബല്യത്തിൽ വന്നിട്ടില്ലായിരുന്നു എന്നത് വെർണെയുടെ ഭാവനാവിലാസത്തെ വായനക്കാർ ആദരിക്കാൻ കാരണമായിട്ടുണ്ട്.