ജുറ്വേന ദേശീയോദ്യാനം
ജുറ്വേന ദേശീയോദ്യാനം (Portuguese: Parque Nacional do Juruena) 2006 ൽ പ്രഖ്യാപിക്കപ്പെട്ട ബ്രസീലിലെ മൂന്നാമത്തെ വലിയ ദേശീയോദ്യാനമാണ്. ജുറ്വേന നദിയ്ക്കു സമാന്തരമായി ആമസോണാസ് സംസ്ഥാനത്തിനു തെക്കും മറ്റോ ഗ്രോസോ സംസ്ഥാനത്തിനു വടക്കുമായിട്ടാണ് ഈ ദേശീയോദ്യാനം സ്ഥിതിചെയ്യുന്നത്. ആമസോൺ മഴക്കാടുകളിലേയ്ക്കു കാർഷിക വ്യാപനം തടയുന്നതിനുള്ള സംരക്ഷിത മേഖലകളിലെ ഒരു ഇടനാഴിയുടെ ഭാഗമാണ് ഈ ദേശീയോദ്യാനം.
| ജുറ്വേന ദേശീയോദ്യാനം | |
|---|---|
| Parque Nacional do Juruena | |
ഐ.യു.സി.എൻ. ഗണം II (ദേശീയോദ്യാനം) | |
 Waterfall in the national park | |
  | |
| Location | Mato Grosso and Amazonas states, Brazil |
| Coordinates | 7°13′41″S 58°55′05″W / 7.228°S 58.918°W |
| Area | 19,000 km² |
| Designation | National park |
| Established | 5 June 2006 |
| Administrator | Chico Mendes Institute for Biodiversity Conservation |
ഈ ദേശീയോദ്യാനത്തിൻറെ ഭൂതല വിസ്തൃതി 1,958,203.56 ഹെക്ടർ (4,838,826.4 ഏക്കർ) ആണ്. ഇതിൽ ഭൂരിഭാഗവും ആമസോൺ ബയോമിലാണ് നിലനിൽക്കുന്നത്.[1] ബ്രസീലിലെ ദേശീയോദ്യാനങ്ങളിൽ വലിപ്പത്തിൽ മൂന്നാം സ്ഥാനമാണ് ഇതിനുള്ളത്.[2] ആമസോണാസിലെ ആപൂയി, മൌയെസ് എന്നീ മുനിസിപ്പാലിറ്റികളുടെ ഭാഗങ്ങളും കൊണ്ട്രിഗ്വാക്കു, നോവ ബണ്ടെയ്‍റാൻറെസ്, അപ്പ്യാക്കാസ് തുടങ്ങിയ മറ്റോ ഗ്രോസോയിലെ മുനിസിപ്പാലിറ്റികളുടെ ഭാഗങ്ങളും ഈ ദേശീയോദ്യാനത്തിലുൾപ്പെടുന്നു.[3] 808,312 ഹെക്ടർ (1,997,380 ഏക്കർ) വിസ്തീർണ്ണമുള്ള അപൂയി മുനിസിപ്പാലിറ്റിയിലെ സുക്കുണ്ഡിരി സംസ്ഥാന ഉദ്യാനം ഈ ദേശീയോദ്യാനത്തെ തൊട്ടുകിടക്കുന്നു.[4] ഇഗാരാപ്പെസ് ഡൊ ജുറ്വേന സംസ്ഥാന ഉദ്യാനം പടിഞ്ഞാറു ദിക്കിൽ ഏകദേശം 55 ശതമാനത്തോളം ജുറ്വേന ദേശീയോദ്യാനത്തിലേയ്ക്കു കവിഞ്ഞുകിടക്കുന്നു.[5]
അവലംബം
തിരുത്തുക- ↑ Parque Nacional do Juruena – Chico Mendes.
- ↑ Creation of a (mega) conservation corridor...
- ↑ Unidade de Conservação ... MMA.
- ↑ PES do Sucunduri – ISA, Informações gerais (mapa).
- ↑ PES Igarapés do Juruena – ISA, Características.