ജീവന്റെ മരം (ബഹ്‌റൈൻ)
ബഹ്‌റൈനിലെ ജബൽ ദുക്കാൻ പ്രദേശത്ത് നിന്ന് രണ്ട് കിലോമീറ്റർ (1.2 മൈൽ) ദൂരെയുള്ള മരുഭൂമിയിലാണ് ജീവന്റെ മരം (Tree of Life, Shajarat-al-Hayat) എന്ന വിശേഷണമുള്ള പ്രോസൊപിസ് സിനറാറിയ (Prosopis cineraria) [1] എന്ന മരം നിൽക്കുന്നത്. 9.75 മീറ്റർ (32 അടി) ഉയരമുള്ള ഈ മരം 500 വർഷം പഴക്കവും 7.6 മീറ്റർ (25 അടി) ഉയരമുള്ള മൺക്കുനയിലാണ് നിൽക്കുന്നത്. [2]
ഈ പ്രദേശത്ത് വളരുന്ന വളരെ വലിയ മരമെന്ന നിലയിലും 400 വർഷത്തെ പഴക്കമുള്ള മരമെന്ന നിലയിലും വളരെയധികം സഞ്ചാരികളെ ആകർഷിക്കുന്നുണ്ട്. ഒരു വർഷം ഏകദേശം 50,000 സഞ്ചാരികൾ ഇവിടെ വരുന്നുണ്ടെന്നാണ് കണക്കാക്കുന്നത്.
ഗോത്രസംസ്കാരത്തിന്റെ ആചാരങ്ങൾ ഈ മരത്തിനോട് ചേർന്ന് നടത്തപ്പെട്ടതായി കരുതപ്പെടുന്നുണ്ട്. 2010 ഓക്‌ടോബറിൽ പുരാവസ്തുശാസ്ത്രഞ്ജർ ഈ മരത്തിന്റെ സമീപപ്രദേശത്ത് ഖനനം നടത്തി കളിമൺ പാത്രങ്ങളും മറ്റും കണ്ടെത്തിയിട്ടുണ്ട്. [2] അതിൽ പലതും ഡിൽമൻ സംസ്കാരത്തിന്റെയത്ര പഴക്കമുള്ളതായി കണക്കാക്കുന്നുണ്ട്. [അവലംബം ആവശ്യമാണ്]
വരണ്ട കാലാവസ്ഥയിലും വളരുന്ന പ്രോസൊപിസ് മരങ്ങളുടെ വേരുകൾ വളരെയധികം ആഴ്ന്നിറങ്ങുന്നതാണ്. [3]
എൽ.എ. സ്റ്റോറി (L.A. Story) എന്ന സിനിമയിൽ ഈ മരം സൂചിപ്പിച്ചിട്ടുണ്ട്. [4]
ചിത്രശാല
തിരുത്തുക-
ജീവന്റെ മരം
അവലംബം
തിരുത്തുക- ↑ "Tree of Life, Bahrain". Wondermondo.
- ↑ 2.0 2.1 "Amphitheatre plan for Tree of Life". Trade Arabia. 2013-04-07.
- ↑ Sharp, Jay W. "The Mesquite". DesertUSA. Retrieved 2012-05-18.
- ↑ "L.A. Story Script - Dialogue Transcript". Drew's Script-O-Rama. Retrieved 2013-04-23.