ജി. കമലമ്മ
കേരളത്തിലെ ഒരു സ്കൂൾ അദ്ധ്യാപികയും, എഴുത്തുകാരിയുമാണ് ജി. കമലമ്മ.(ഒക്ടോബർ 1930 - 17 ജൂൺ 2012) പ്രധാനമായും സാഹിത്യ, സാമൂഹിക വിഷയങ്ങളിലാണ് കമലമ്മ എഴുതിയിട്ടുള്ളത്. മുപ്പതിലധികം കൃതികൾ എഴുതിയിട്ടുള്ള കമലമ്മക്ക് കേരള സാഹിത്യ അക്കാദമി പുരസ്കാരം ലഭിച്ചിട്ടുണ്ട്.
ജി. കമലമ്മ | |
|---|---|
 | |
| ജനനം | 1930 |
| തൊഴിൽ | Author, literarian, teacher and social activist. |
ജീവിതരേഖ
തിരുത്തുക1930 ലാണ് കമലമ്മ കൊല്ലം ജില്ലയിലെ കുണ്ടറ ഗ്രാമത്തിൽ ജനിച്ചത്. പിതാവ് എ.കെ. ഗോവിന്ദൻ (1901~1968) ഒരു സംസ്കൃത പ്രൊഫസ്സർ ആയിരുന്നു. ബി.എ ബിരുദം നേടീയതിനു ശേഷം കേരള സർക്കാർ വികസന വകുപ്പിൽ സോഷ്യൽ എഡ്യൂക്കേഷൻ ഓർഗനൈസർ, അധ്യാപിക എന്നീ നിലകളിൽ സേവനം അനുഷ്ഠിച്ചു. 1985-86 ൽ മികച്ച സേവനത്തിനുള്ള സംസ്ഥാന അധ്യാപക അവാർഡ് ലഭിച്ചു. അധ്യാപനകാലത്താണ് അവരുടെ പ്രധാന കൃതികൾ എല്ലാം രചിച്ചത്. ബാലസാഹിത്യം , വിവർത്തനങ്ങൾ എന്നിവയും കമലമ്മ എഴുതിയിട്ടുണ്ട്. തുടർന്ന്‌ ഇരുപത്തിനാലു വർഷം അദ്ധ്യാപികയായിരുന്നു. അദ്ധ്യാപകരുടെ പ്രശസ്‌ത സേവനത്തിനുളള 1985-‘86-ലെ അവാർഡു ലഭിച്ചു. 1987-ൽ സർവീസിൽനിന്നു പിരിഞ്ഞു. ഇൻഡ്യാ ഗവൺമെന്റിന്റെ നവസാക്ഷരഗ്രന്ഥത്തിനുളള 1956-ലെയും 1964-ലെയും അവാർഡുകളും കേരള സാഹിത്യഅക്കാദമിയുടെ 1965-ലെ ബാലസാഹിത്യത്തിനുളള അവാർഡും ലഭിച്ചിട്ടുണ്ട്.[1]
പ്രധാന കൃതികൾ
തിരുത്തുക- കസ്തൂരി ബായി ഗാന്ധി
- സരോജിനി നായിഡൂ
- 'ആശാൻ സാഹിത്യ പ്രവേശിക'
- 'സരോജിനി നായിഡു'
- 'ശ്രീനാരായണഗുരു- ജീവിതവും ദർശനവും'
- 'എൻ. ഗോപാലപിള്ള (ജീവചരിത്രം)'
- 'നാടുണരുന്നു'
- 'മലയാള ഭാഷയെ ധന്യമാക്കിയ ക്രിസ്ത്യൻ മിഷനറിമാർ'
- 'അക്ഷരശ്ലോക രഞ്ജിനി'
- 'അമ്പിളിത്തോണി'
- 'ഈഴവ സമുദായത്തിലെ മഹാരഥന്മാർ'
- 'നക്ഷത്രങ്ങളും ഗ്രഹങ്ങളും'
പുരസ്കാരങ്ങൾ
തിരുത്തുക- കേന്ദ്ര ഗവൺമെന്റിന്റെ നവസാക്ഷര സാഹിത്യത്തിനുള്ള അവാർഡ്
- മികച്ച ബാലസാഹിത്യ കൃതിക്കുള്ള കേരള സാഹിത്യ അക്കാദമി അവാർഡ്(1963)
- ഉള്ളൂർ എൻഡോവ്‌മെന്റ് അവാർഡ്