ചെറെപനോവ് സ്റ്റീം ലോക്കോമോട്ടീവ്
റഷ്യയിൽ നിർമ്മിക്കപ്പെട്ട ആദ്യത്തെ ആവി തീവണ്ടിയന്ത്രമാണ് ആണ് ചെറെപനോവ് സ്റ്റീം ലോക്കോമോട്ടീവ് . യെഫിം ചെറെപനോവും മകൻ മിറോൺ ചെറെപനോവും ചേർന്ന് 1834 ലാണ് റഷ്യയിലെ ആദ്യ ആവി തീവണ്ടിയന്ത്രം നിർമ്മിച്ചത്. നിസ്നി ടാഗിലിലെ ഒരു ഫാക്ടറിയിൽ നിന്ന് അടുത്തുള്ള ഒരു ഖനിയിലേക്ക് ഈ ആവിയന്ത്രം അവർ ഓടിച്ചു. ഈ ആവിയന്ത്രം ഓടിക്കാനായി നിർമ്മിച്ച ട്രാക്ക് റഷ്യയിലെ ആദ്യത്തെ സ്റ്റീം റെയിൽ‌വേ ട്രാക്ക് ആണെന്ന് കരുതപ്പെടുന്നു. 1835-ൽ അവർ നിർമ്മിച്ച രണ്ടാമത്തെ മാതൃക സെന്റ് പീറ്റേഴ്‌സ്ബർഗിലേക്ക് സമ്മാനമായി അയച്ചു.[1]
.jpg)
ആ കാലഘട്ടത്തിൽ റഷ്യയിൽ ചരക്ക് നീക്കം നടത്തുന്നതിന് പ്രധാനമായി കുതിരകളെ ഉപയോഗിച്ചുള്ള ഗതാഗത സംവിധാനമായിരുന്നു നിലനിന്നിരുന്നത്. എങ്കിലും, റഷ്യയിലെ റെയിൽ ഗതാഗതത്തിന്റെ വളർച്ചയിൽ ഈ ആവി തീവണ്ടിയന്ത്ര നിർമ്മാണം കാര്യമായ സ്വാധീനം ചെലുത്തിയിട്ടുണ്ട്.
പശ്ചാത്തലം
തിരുത്തുകയെഫിം ചെറെപനോവും മകൻ മിറോണും ദെമിഡോവ് കുടുംബത്തിന്റെ ഉടമസ്ഥതയിലുള്ള ഫാക്ടറിയുടെ ഭാഗിക അടിമകളായിരുന്നു (സെർഫ്). അവർ ഇവിടെവച്ച് അനേകം പുതിയ യന്ത്രങ്ങൾ നിർമ്മിച്ചിരുന്നു. ഖനികളിൽ വെള്ളം പമ്പ് ചെയ്യുന്നതിനായി ഇവർ വർഷങ്ങളായി ആവിയന്ത്രങ്ങൾ നിർമ്മിച്ചിരുന്നു [2] ഇരുവരും ഒറ്റക്ക് ഒറ്റക്ക് ഇംഗ്ലണ്ടിലേക്ക് യാത്ര നടത്തി. മിറോൺ 1833 ൽ ഇംഗ്ലണ്ട് സന്ദർശിച്ചു. അദ്ദേഹം ഇംഗ്ലണ്ടിലായിരുന്നപ്പോൾ, അവിടെയുള്ള ആവി തീവണ്ടിയന്ത്രങ്ങൾ പരിശോധിച്ചിരുന്നു. എന്നിരുന്നാലും, സോവിയറ്റ് പണ്ഡിതന്മാർ വാദിക്കുന്നത് അവർ നിർമ്മിച്ച ആവി തീവണ്ടിയന്ത്രങ്ങൾ ചെറെപനോവിന്റെ സ്വന്തം കണ്ടുപിടുത്തമാണെന്നും ഇംഗ്ലീഷ് മോഡലിന്റെ പകർപ്പല്ലെന്നുമാണ്.[3]
നിർമ്മാണവും വിവരണവും
തിരുത്തുകഒഴിവുസമയങ്ങളിൽ ഇവർ ആവിയന്ത്രം നിർമ്മിക്കാനുള്ള ശ്രമം നടത്തിയിരുന്നു. ആറുമാസത്തെ ജോലിക്ക് ശേഷം 1834 ൽ ആവിയന്ത്രത്തിന്റെ ആദ്യ മോഡൽ പൂർത്തിയായി. ആ വർഷം ഓഗസ്റ്റ് മാസത്തിൽ 854 മീറ്ററോളം നീളമുള്ള ട്രാക്കിൽ സഞ്ചരിക്കുന്ന ആവിയന്ത്രത്തിന്റെ പ്രദർശനം കാണാൻ ആളുകൾ തടിച്ചുകൂടി. മണിക്കൂറിൽ ഏകദേശം 15 കിലോമീറ്റർ വേഗതയിൽ 3.2 ടൺ ചരക്ക് നീക്കാൻ ഈ ആവിയന്ത്രത്തിന് കഴിഞ്ഞിരുന്നു. മുമ്പ് 50 മുതൽ 60 വരെ തൊഴിലാളികൾ 30 മിനിറ്റോളം ജോലിയെടുത്താണ് ഇത്രയും ഭാരം നീക്കിയിരുന്നത്. എന്നാൽ നാല് മിനിറ്റിനുള്ളിൽ ആവിയന്ത്രത്തിന് ഇത് ചെയ്യാൻ കഴിഞ്ഞു. ഈ യന്ത്രത്തിന് മുപ്പത് കുതിരശക്തിയുണ്ടായിരുന്നു. അവരുടെ രണ്ടാമത്തെ മോഡൽ 1835 മാർച്ചിൽ നിർമ്മിച്ച് സെന്റ് പീറ്റേഴ്‌സ്ബർഗിന് സമ്മാനമായി നൽകി. രണ്ടാമത്തെ മോഡൽ മണിക്കൂറിൽ 16.4 കിലോമീറ്റർ വേഗതയിൽ ആയിരത്തോളം പൂഡുകൾ വഹിച്ചു.[4] [5] [6] ആദ്യത്തെ മോഡൽ ഫാക്ടറിയിൽനിന്ന് രണ്ടുകിലോമീറ്റർ അകലെയുള്ള ഖനിയിലേക്കുള്ള ട്രാക്കിൽ ഉപയോഗിച്ചു. റഷ്യയിലെ ആദ്യത്തെ സ്റ്റീം റെയിൽ‌വേയായിരുന്നു ഈ ട്രാക്ക്. [2] [7]
സ്വീകരണവും പരിണതഫലവും
തിരുത്തുക
ആവിയന്ത്രത്തിന്റെ നിർമ്മാണം യെഫിമിന് സ്വാതന്ത്ര്യം നൽകി. മൂന്ന് വർഷത്തിന് ശേഷം മിറോണും സെർഫ് ജോലിയിൽനിന്നും മോചിപ്പിക്കപ്പെട്ടു.[6] അവരുടെ കണ്ടുപിടുത്തത്തിന് പേറ്റന്റ് നിഷേധിക്കപ്പെടുകയും അധികം താമസിയാതെ ഇരുവരും മരണമടയുകയും ചെയ്തു. 1842 ൽ യെഫിമും 1849 ൽ മിറോണും മരിച്ചു.[5] റഷ്യയിലെ ആദ്യത്തെ സ്റ്റേറ്റ് സ്പോൺസർ ചെയ്ത റെയിൽ‌വേ യഥാർത്ഥത്തിൽ മറ്റ് രാജ്യങ്ങളിൽ നിന്ന് തീവണ്ടിയന്ത്രങ്ങൾ ഇറക്കുമതി ചെയ്ത് നിർമ്മിച്ചതാണ്. 1857 വരെ ഫാക്ടറിക്ക് പുറത്ത് റഷ്യൻ നിർമ്മിത ലോക്കോമോട്ടീവ് ഉപയോഗിച്ചിരുന്നില്ല. [2]
ആധുനിക ചരിത്രത്തിൽ ഈ ആവിയന്ത്രങ്ങൾ പ്രാധാന്യത്തോടെ പരാമ‍ർശിക്കപ്പെടുന്നു. ദി നിസ്നി ടാഗിൽ മ്യൂസിയം ഓഫ് റീജിയണൽ ഹിസ്റ്ററി[8], പോളിടെക്നിക് മ്യൂസിയം എന്നീ മ്യൂസിയങ്ങളുടെ പ്രദർശനത്തിൽ ഇതിന്റെ ചരിത്രം വിവരിക്കുന്ന പ്രദർശനങ്ങളുണ്ട്.[9] നിരവധി തപാൽ സ്റ്റാമ്പുകളിലും ഈ ആവിയന്ത്രം പ്രത്യക്ഷപ്പെട്ടു.[10]
പരാമർശങ്ങൾ
തിരുത്തുക- ↑ "First Steps | History | Russian Railways". eng.rzd.ru (in ഇംഗ്ലീഷ്). Russian Railways.
- ↑ 2.0 2.1 2.2 Fink, Kevin. "The Beginnings of Railways in Russia". Fink.com. Retrieved 13 November 2020.
- ↑ Esper, Thomas (October 1982). "Industrial Serfdom and Metallurgical Technology in 19th-Century Russia". Technology and Culture. 23 (4): 583–608. doi:10.2307/3104809. Retrieved 13 November 2020.
- ↑ "ИСТОРИЯ РОССИЙСКОГО ПАРОВОЗА". RZD Expo (in റഷ്യൻ). Russian Railways. Archived from the original on 2020-12-09. Retrieved 13 November 2020.
- ↑ 5.0 5.1 "Yefim and Miron are cranked. Cherepanov brothers". NT-CSM. Retrieved 13 November 2020.
- ↑ 6.0 6.1 "Паровоз Черепановых". Runivers (in റഷ്യൻ). Retrieved 13 November 2020.
- ↑ "Feature: Russia's Early Rails". Lonely Planet. Retrieved 13 November 2020.
- ↑ "СОБРАННАЯ ВИРТУАЛЬНАЯ ЭКСКУРСИЯ: ПАРОВОЗНАЯ ИСТОРИЯ МЕХАНИКОВ ЧЕРЕПАНОВЫХ". The Nizhny Tagil Museum of Regional History (in റഷ്യൻ). Retrieved 13 November 2020.
- ↑ "The Moscow Polytechnical Museum, 2012". International Steam. Retrieved 13 November 2020.
- ↑ "Почтовые марки СССР 1978 года". Stamprus. Archived from the original on 2018-04-23. Retrieved 13 November 2020.