ചുരുളൻ വള്ളം

കളിവള്ളങ്ങളിലെ ഏറ്റവും വലിപ്പം കുറഞ്ഞ വള്ളങ്ങളാണ് ചുരുളൻ വള്ളം. മത്സരവള്ളംകളിയിൽ സ്ത്രീകളും വിദ്യാർഥികളുമാണ് ഈ വള്ളം ഉപയോഗിക്കാറ്. മുപ്പതോളം പേർക്ക് കയറാൻ കഴിയും. വേഗത്തിൽ കുതിച്ച് പായാൻ കഴിയുന്ന ഈ വള്ളത്തിന്റെ രണ്ടറ്റവും മുകളിലേയ്ക്ക് അല്പം ഉയർന്ന് ചുരുണ്ടാണ് ഇരിക്കുന്നത്. അതുകൊണ്ടാണ് ഇവയ്ക്ക് ചുരുളൻ വള്ളം എന്ന പേര് ലഭിച്ചത്.ചുരുളൻ വള്ളത്തിന്റെ പല മാതൃകകൾ കുട്ടനാട്ടിലുണ്ട്. ഈ വള്ളങ്ങൾക്ക് 10 മീറ്ററിലധികം നീളമുണ്ടാകും. ഇവ മത്സരവള്ളം കളിയ്ക്ക് പുറമേ സവാരിക്കാണ് കൂടുതൽ ഉപയോഗിക്കുന്നത്.

ചുരുളൻ വള്ളം

പുന്നമട കായലിലൂടെ മത്സരത്തിനായി തുഴഞ്ഞു നീങ്ങുന്ന കോടിമത ചുരുളൻ വള്ളം

നെഹ്രു ട്രോഫി ജലോത്സവത്തിൽ

നെഹ്രു ട്രോഫി ജലോത്സവത്തിൽ മത്സരിക്കുന്ന ചുരുളൻ വള്ളങ്ങൾ ഇവയാണ്.

1. വേങ്ങൽ പുത്തൻ വീടൻ
2. വേലങ്ങാടൻ
3. കോടിമത
4. മൂഴി