ഗോതമ്പ് പുട്ട്

കേരളീയരുടെ ഒരു പ്രധാ‍ന പ്രാതൽ വിഭവമാണ് പുട്ട്. ദക്ഷിണമലബാറിൽ പിട്ട് എന്നും ചിലയിടങ്ങളിൽ പൂട്ട് എന്നും അറിയപ്പെടുന്നുണ്ട്. നനച്ച ഗോതമ്പുപൊടി ആവിയിൽ പുഴുങ്ങിയാണ് സാധാരണ ഗോതമ്പ്പുട്ടുണ്ടാക്കുന്നത്. ഗോതമ്പുപൊടി കൂടാതെ അരിപ്പൊടിയും റവയും റാഗിയും (പഞ്ഞപ്പുൽ‌പ്പൊടി) മരച്ചീനിപ്പൊടിയും ഉപയോഗിയ്‌ക്കാറുണ്ട്‌

ചേരുവകൾ

• ഗോതമ്പുപൊടി -ഒരു കപ്പ്
• തേങ്ങ- ഒരു കപ്പ്
• പാട നീക്കിയ പാൽ -കാൽ കപ്പ്
• ഉപ്പ് -ആവശ്യത്തിന്

തയ്യാറാക്കുന്ന വിധം

ഗോതമ്പുപൊടി ഒരു അപ്പച്ചെമ്പിന്റെ തട്ടിൽ വച്ച് ആവി കയറ്റുക. തണുത്തു കഴിഞ്ഞാൽ ചെറു ചൂടുള്ള പാൽ പൊടിയിൽ തളിച്ച് ഉപ്പും തേങ്ങയും ചേർത്ത് കട്ടയില്ലാതെ നനയ്ക്കണം.ചിരട്ടപ്പുട്ടായോ, കുറ്റിപ്പുട്ടായോ പുഴുങ്ങി ചൂടോടെ ഉപയോഗിയ്ക്കുക.