ഗൈനക്കോളജി പ്രസ്ഥാനത്തിന്റെ അമ്മമാർ
19-ാം നൂറ്റാണ്ടിലെ ഗൈനക്കോളജിസ്റ്റായ ജെ. മരിയോൺ സിംസിന്റെ ശസ്ത്രക്രിയകൾക്ക് മനസ്സാൽ സമ്മതം മൂളാൻ കഴിയാത്തവരും എന്നാൽ പരീക്ഷണങ്ങൾക്ക് വിധേയരുമായ അടിമകളായ സ്ത്രീകളെയാണ് ഗൈനക്കോളജി പ്രസ്ഥാനത്തിന്റെ അമ്മമാർ എന്നു വിളിക്കുന്നത്. ഇംഗ്ലീഷ്: Mothers of Gynecology Movement. അനസ്തേഷ്യ ഇല്ലാതെയാണ് ഇവരുടെ ശസ്ത്രക്രിയകൾ പലപ്പോഴും നടത്തിയത്.
അടിമകളായ സ്ത്രീകളിൽ നടത്തിയ പരീക്ഷണ ശസ്ത്രക്രിയകളെ വിമർശിച്ചാണ് മദേഴ്‌സ് ഓഫ് ഗൈനക്കോളജി പ്രസ്ഥാനം ഉടലെടുത്തത്.
20-ആം നൂറ്റാണ്ടിന്റെ അവസാനത്തിൽ വൈദ്യശാസ്ത്രരംഗത്തെ വംശീയതയുടെ ഉദാഹരണമായി അദ്ദേഹത്തിന്റെ പ്രവർത്തനങ്ങളെ വിവരിച്ചിട്ടുണ്ട്. സിംസിന് ധാരാളം രോഗികൾ ഉണ്ടായിരുന്നെങ്കിലും, അറിയപ്പെടുന്ന മൂന്ന് രോഗികളേ ഉള്ളൂ: അനാർച്ച വെസ്റ്റ്‌കോട്ടും അധികം അറിയപ്പെടാത്ത ലൂസി, ബെറ്റ്‌സി എന്നിവരുമാണാ മൂന്നു പേർ;ആധുനിക വൈദ്യശാസ്ത്രത്തിന് അവരുടെ അനുഭവങ്ങളുടെ സംഭാവനകളെ മാനിച്ച് അമേരിക്കയിൽ "ഗൈനക്കോളജിയുടെ അമ്മമാർ എന്ന് വിശേഷിപ്പിക്കപ്പെടുന്നു.
മാസ്റ്ററിംഗ് ദി ഫീമെയിൽ പെൽവിസിൽ ടെറി കപ്‌സാലിസ് എഴുതുന്നു, "സിംസിന്റെ പ്രശസ്തിയും സമ്പത്തും അടിമത്തത്തിനും വംശീയതയ്ക്കും കടപ്പെട്ടിരിക്കുന്നു എന്നപോലെ തന്നെ അവ നവീനത, ഉൾക്കാഴ്ച, സ്ഥിരോത്സാഹം എന്നിവയ്കും കടപ്പെട്ടിരിക്കുന്നു, കൂടാതെ സ്ത്രീകളോടുള്ള മെഡിക്കൽ മനോഭാവങ്ങളുടെയും ചികിത്സകളുടെയും ഭയപ്പെടുത്തുന്ന പാരമ്പര്യം അദ്ദേഹം അവശേഷിപ്പിച്ചു. പ്രത്യേകിച്ച് കറുത്ത വർഗ്ഗക്കാരായ സ്ത്രീകൾ." [1]
2017-ൽ, NYC മേയർ ബിൽ ഡി ബ്ലാസിയോ സെൻട്രൽ പാർക്കിലെ ജെ. മരിയോൺ സിംസിന്റെ പ്രതിമ വിലയിരുത്താൻ ഒരു കമ്മീഷൻ ആരംഭിച്ചു. 90 ദിവസത്തെ മൂല്യനിർണ്ണയ കാലയളവിൽ, എഴുത്തുകാരൻ ജെ.സി. ഹാൾമാന്റെ സിംസ് സ്മാരകത്തെക്കുറിച്ചുള്ള ലേഖനം, "മോനുമെന്റൽ എറർ," [2] ഹാർപേഴ്‌സ് മാഗസിന്റെ കവറിൽ പ്രത്യക്ഷപ്പെട്ടു, പബ്ലിക് ഡിസൈൻ കമ്മീഷൻ മൂല്യനിർണ്ണയത്തിനായി പൊതു ഫോറങ്ങൾ നടത്തിയ സമയത്ത് പ്രസിദ്ധീകരിച്ചു. ഈ കോൺഫെഡറേറ്റ് സ്മാരകങ്ങളുടെ പങ്കിനെക്കുറിച്ചുള്ള വലിയ, രാജ്യവ്യാപകമായ സംവാദത്തിന് ഈ ഭാഗം സംഭാവന നൽകി. ലേഖനം മുഴുവൻ കമ്മീഷനും വിതരണം ചെയ്തു. സിംസ് പ്രതിമ ഏകകണ്ഠമായ തീരുമാനത്തിലൂടെ വോട്ട് ചെയ്യപ്പെടുകയും 2018 [3] നീക്കം ചെയ്യുകയും ചെയ്തു.
റഫറൻസുകൾ
തിരുത്തുക- ↑ Kapsalis, Terri (2002). Mastering the Female Pelvis. University of Michigan Press. p. 263. ISBN 9780472067077.
- ↑ Hallman, J. C. (Nov 2017). "Monumental Error". Harper's Magazine (in ഇംഗ്ലീഷ്).
- ↑ Hallman, J. C. (2019-11-11). "The Cry of Alice". The Baffler (in അമേരിക്കൻ ഇംഗ്ലീഷ്). Retrieved 2021-03-24.