ഗംഗാബോണ്ടം

ഒരു തെങ്ങ് ഇനമാണ് ഗംഗാ ബോണ്ടം. ഇന്ത്യയിൽ വളരുന്ന തെങ്ങുകളിൽ ഏറ്റവും ചെറിയ തെങ്ങാണിത്. ആന്ധ്രാപ്രദേശിലാണ് ഇത് കൂടുതലായി വളരുന്നത്. തൈ നട്ട് രണ്ടരവർഷം കൊണ്ട് ഇത് കായ്ക്കുന്നു. പപ്പായയുടെ ആകൃതിയിലുള്ള തേങ്ങകൾ പ്രത്യേകത ആണ്. ഒരു തെങ്ങിൽ നിന്നും 250 മുതൽ 300 വരെ തേങ്ങ ഒരു വർഷം ലഭിക്കുന്നു. കൂടാതെ കൊപ്രയാക്കിയാൽ ശരാശരി 190 ഗ്രാം കൊപ്രയും 68% വെളിച്ചെണ്ണയും ലഭിക്കും. തേങ്ങക്കും ഇളനീരിനും എണ്ണക്കും ഒരു പോലെ അനുയോജ്യമാണ്.