വിക്കിപീഡിയ

കൗസല്യ ശങ്കർ

ഇന്ത്യയിലെ ഒരു പ്രമുഖ ജാതി വിരുദ്ധ പ്രവർത്തകയാണ് കൗസല്യ. തേവർ വംശജയായ അവർ ദളിത് വിഭാഗത്തിൽപ്പെട്ട ശങ്കറിനെ വിവാഹം കഴിക്കുന്നതിൽ എതിർപ്പുണ്ടായിരുന്ന കുടുംബം ഭർത്താവ് വി.ശങ്കറിനെ വാടക കൊലയാളികളെക്കൊണ്ട് വെട്ടിക്കൊന്നതിനെത്തുടർന്ന് ആണ് അവർ ശ്രദ്ധിക്കപ്പെടുന്നത്. ഉദുമലൈ ശങ്കർ വധക്കേസ് എന്നറിയപ്പെടുന്ന അവരുടെ കേസ്, അന്തർജാതി ദമ്പതികളുടെ "ദുരഭിമാനക്കൊല"യുടെയും തമിഴ്‌നാട്ടിലെ ജാതി അതിക്രമങ്ങളുടെ നിലനിൽക്കുന്ന പ്രശ്‌നങ്ങളുടെയും പ്രതീകമായി മാറി. 2018 ഡിസംബർ 9-ന് അവർ കോയമ്പത്തൂരിൽ വെച്ച് മിസ്റ്റർ ശക്തിയെ വിവാഹം കഴിച്ചു.[1] പുനർവിവാഹം ചെയ്യാനുള്ള അവരുടെ തീരുമാനത്തിന് പല ഭാഗങ്ങളിൽ നിന്നും ആശംസകൾ പ്രവഹിച്ചു.[2][3][4][5][6][7][8][9][10]

ജീവചരിത്രം തിരുത്തുക

തെക്കൻ തമിഴ്‌നാട്ടിലെ ദിണ്ടിഗൽ ജില്ലയിലെ കുപ്പംപാളയം ഗ്രാമത്തിലെ ഒരു ഓട്ടോ ഡ്രൈവറും ഫൈനാൻസിയറുമായ പി.ചിന്നസാമിയുടെയും വീട്ടമ്മയായ അന്നലക്ഷ്മിയുടെയും മകളായാണ് കൗസല്യ ജനിച്ചത്. അവർക്ക് ഗൗതം എന്ന ഒരു ഇളയ സഹോദരൻ ഉണ്ട്. 2007 ൽ കൗസല്യ ആറാം ക്ലാസിൽ പഠിക്കുമ്പോൾ കുടുംബം പഴനിയിലേക്ക് താമസം മാറി. അവരുടെ സഹോദരൻ പറയുന്നതനുസരിച്ച്, കൗസല്യ ഒരു മിടുക്കിയായ വിദ്യാർത്ഥിയായിരുന്നു. 12-ആം ക്ലാസ് ബോർഡ് പരീക്ഷയിൽ 1000-ത്തിലധികം മാർക്ക് വാങ്ങിയ കൗസല്യ, 2014-ൽ പൊള്ളാച്ചിയിലെ പിഎ എഞ്ചിനീയറിംഗ് കോളേജിൽ ചേർന്നു. ആദ്യ ദിവസം അവിടെവെച്ച് അവളെ കണ്ടുമുട്ടിയ ശങ്കർ രണ്ടാം ദിവസം അവളോട് വിവാഹാഭ്യർത്ഥന നടത്തി. സാമ്പത്തികമായി പിന്നോക്കം നിൽക്കുന്ന കുടുംബത്തിൽ നിന്നാണ് ശങ്കർ വന്നത്, അച്ഛൻ ദിവസക്കൂലിക്കാരനാണ്. ആദ്യം അവർ അവനെ നിരസിച്ചു, എന്നാൽ പിന്നീട് അടുത്ത 6 മാസത്തിനുള്ളിൽ അവർക്കിടയിൽ ശക്തമായ ഒരു സൗഹൃദം വളർന്നു, പിന്നീട് അത് പ്രണയമായി മാറി. ശങ്കറിനൊപ്പം കൗസല്യയെ കണ്ട ബന്ധുക്കൾ അത് മാതാപിതാക്കളോട് പറഞ്ഞു. തേവരുമായി മുമ്പ് ഏറ്റുമുട്ടിയ ദളിത് പല്ലർ സമുദായത്തിലെ അംഗമാണ് ശങ്കറെന്ന് അറിഞ്ഞപ്പോൾ, അവനുമായുള്ള ബന്ധത്തെക്കുറിച്ച് അവർ കൗസല്യയുമായി വഴക്കിട്ടു. ഈ വഴക്കിന് ശേഷം, ശങ്കറിനെ വിവാഹം കഴിക്കാൻ കൗസല്യ തീരുമാനിച്ചു, 2015 ൽ[11] അവർ കോളേജ് പഠനം ഉപേക്ഷിച്ച് ശങ്കറിന്റെ ഗ്രാമത്തിലേക്ക് മാറി. വിവാഹം കഴിഞ്ഞ് ഒരു മാസം കഴിഞ്ഞപ്പോൾ ചിന്നസാമി ദമ്പതികളെ ബലമായി വേർപെടുത്താൻ ശ്രമിച്ചു. കൗസല്യയുടെ മുത്തച്ഛന് അസുഖമാണെന്ന് കള്ളം പറഞ്ഞ് അവരെ ഡിണ്ടിഗലിലേക്ക് കൊണ്ടുപോയി. ആളെ കാൺമാനില്ല എന്ന പരാതി ശങ്കർ നൽകിയതോടെ ഈ ഗൂഢാലോചന പാളി. പിന്നീട് വിവാഹം അവസാനിപ്പിക്കാൻ 10 ലക്ഷം രൂപ കൈക്കൂലിയായി ശങ്കറിന് നൽകാൻ വീട്ടുകാർ ശ്രമിച്ചെങ്കിലും അദ്ദേഹം സമ്മതിച്ചില്ല. തുടർന്നാണ് കൊലയാളികളെ നിയമിച്ച് ദമ്പതികളെ കൊലപ്പെടുത്താൻ ചിന്നസാമി തീരുമാനിച്ചത്.[12]

2016 മാർച്ച് 12 ന്, ശങ്കറും കൗസല്യയും തങ്ങളുടെ കുടിൽ വിട്ട് ശങ്കറിന് ഒരു പുതിയ ഷർട്ട് വാങ്ങാൻ ഉദുമലൈപേട്ടയിലേക്ക് പോയി. തുണിക്കടയിൽ നിന്ന് മടങ്ങുമ്പോൾ ഇരുവരും റോഡ് മുറിച്ചുകടന്ന് ബസ് സ്റ്റോപ്പിലേക്ക് പോകുകയായിരുന്നു. അപ്പോഴേക്കും 2 മോട്ടോർ ബൈക്കുകളിലായി ചിന്നസാമി വാടകയ്‌ക്കെടുത്ത 6 കൊലയാളികൾ എത്തി. വൻ ജനക്കൂട്ടത്തിന് മുന്നിൽ വെച്ച് അവർ ദമ്പതികളെ ആക്രമിക്കുകയും നീളമുള്ള കത്തികൾ ഉപയോഗിച്ച് വെട്ടിവീഴ്ത്തുകയുമായിരുന്നു. 36 സെക്കൻഡിനുശേഷം ഇവർ ബൈക്കിൽ രക്ഷപ്പെട്ടു. ശങ്കർ ഓടി രക്ഷപ്പെടാൻ പാടുപെട്ടു, അതേസമയം കൗസല്യ കാറിനടിയിൽ കയറുന്നത് വരെ വീണ്ടും ആക്രമിക്കപ്പെട്ടു. ആംബുലൻസ് ഇരുവരെയും ആശുപത്രിയിലെത്തിച്ചു. തന്റെ ഭർത്താവിനെ കൈകളിൽ താങ്ങി ആശുപത്രി ഗേറ്റ് കടക്കുപോഴേക്കും ശങ്കറിൻറെ ശ്വാസം നിലച്ചു. 34 വെട്ടുകളാണ് ശങ്കറിന്റെ ദേഹത്ത് ഉണ്ടായിരുന്നത്.

കൊലയ്ക്ക് ശേഷം 20 ദിവസം അവർ ആശുപത്രിയിൽ കിടന്നു.[8] തന്റെ പിതാവാണ് ഉത്തരവാദിയെന്ന് യുവതി പോലീസിനോട് പറഞ്ഞു. ഈ കേസ് ഗണ്യമായ മാധ്യമശ്രദ്ധ നേടുകയും ഉടൻ വിചാരണ ആരംഭിക്കുകയും ചെയ്തു. പിതാവ് ഉൾപ്പെടെയുള്ള കൊലയാളികളുടെ പ്രോസിക്യൂഷനിൽ കൗസല്യയായിരുന്നു പ്രധാന സാക്ഷി. പിന്നീട് അവർക്ക് സർക്കാർ ജോലി ലഭിച്ചെങ്കിലും പിന്നീട് അത് നഷ്ടപ്പെട്ടു.

കൊലപാതകത്തിന് ശേഷം, വിഷാദരോഗിയായി മാറിയ കൗസല്യ ആത്മഹത്യയ്ക്ക് പോലും ശ്രമിക്കുകയും ചെയ്തു. എന്നിരുന്നാലും, കേസിനിടെ, അവർ തന്റെ മുഴുവൻ കുടുംബത്തിനും എതിരെ സാക്ഷി പറയുകയും അവർ ചെയ്ത കുറ്റത്തിന് അവരെല്ലാവരും ശിക്ഷിക്കപ്പെടണമെന്ന് ആവശ്യപ്പെടുകയും ചെയ്തു. തന്നെ കൊല്ലുമെന്ന് അമ്മ ആവർത്തിച്ച് പറയാറുണ്ടായിരുന്നെന്നും ശങ്കറിനെ വിവാഹം കഴിക്കുന്നതിനേക്കാൾ നല്ലത് മരിക്കുന്നതാണെന്ന് പറഞ്ഞെന്നും അവർ മൊഴി നൽകി.[13] പിന്നീട്, അംബേദ്കറിന്റെയും പെരിയാറിന്റെയും പ്രത്യയശാസ്ത്രങ്ങളെ പിന്തുടർന്ന് അവർ ജാതിവിരുദ്ധ, ദളിത് അവകാശ പ്രവർത്തകയായി മാറി.[11] അന്നലക്ഷ്മിയും മറ്റ് രണ്ട് പ്രതികളും ഒഴികെയുള്ള എല്ലാ പ്രതികളും കുറ്റത്തിന് ശിക്ഷിക്കപ്പെട്ടു. ചിന്നസാമി ഉൾപ്പെടെ 4 പേർക്ക് വധശിക്ഷയും 2 പ്രതികൾക്ക് ജീവപര്യന്തവും വിധിച്ചു. കൗസല്യ ജാതിക്കെതിരായി പ്രവർത്തിക്കുന്നത് തുടർന്നു, ദക്ഷിണേന്ത്യയിലുടനീളമുള്ള ജാതി അക്രമങ്ങളുടെയും "അഭിമാന" കൊലപാതകങ്ങളുടെയും ഇരകളെ സന്ദർശിക്കുകയും ദളിത് അവകാശങ്ങൾക്കും ജാതി ഉന്മൂലനത്തിനും വേണ്ടി പോരാടുകയും ചെയ്തു. ശങ്കറിന്റെ ഗ്രാമത്തിലെ ഒരു സ്‌കൂളിൽ പാവപ്പെട്ട കുട്ടികളെയും അവർ പഠിപ്പിക്കുന്നു.[11]

2018 ഡിസംബർ 9 ന് അവർ കോയമ്പത്തൂരിൽ വെച്ച് ശക്തിയെ വിവാഹം കഴിച്ചു. കൗസല്യയുടെ അതേ സമുദായത്തിൽ പെട്ടയാളാണ് ശക്തി.[1] 2012ലെ ധർമപുരി കലാപത്തിന് തുടക്കമിട്ട ഇളവരസനുമായുള്ള (ദലിത്) ഒളിച്ചോടിയ ദിവ്യ, ദുരഭിമാനക്കൊലയിൽ മാതാപിതാക്കളാൽ കൊല്ലപ്പെട്ട അമൃത, ഭർത്താവ് പ്രണയ് എന്നിവരെയും അവർ സന്ദർശിച്ചിട്ടുണ്ട്. "അഭിമാന" കൊലപാതകങ്ങൾക്കെതിരെ ഒരു പ്രത്യേക നിയമത്തിനായി അവർ പോരാട്ടം തുടരുന്നു.[14]

ജനപ്രിയ സംസ്കാരത്തിൽ തിരുത്തുക

കൗസല്യയുടെ ആദ്യ ഭർത്താവ് ശങ്കറിന്റെ ദുരഭിമാനക്കൊല കൗമാരനെ വളവന്റെ ചണ്ഡാല : ഇംപ്യൂർ ശർമ്മിഷ്ഠ സാഹയുടെ റോമിയോ രവിദാസ് ആൻഡ് ജൂലിയറ്റ് ദേവി എന്നീ രണ്ട് നാടകങ്ങളുടെ വിഷയമായിരുന്നു. മഗളിർ മട്ടും എന്ന തമിഴ് സിനിമയിൽ അവരുടെ ജീവിതം ഏകദേശം ചിത്രീകരിച്ചിട്ടുണ്ട്. എന്നിരുന്നാലും, ഇത് ഒരു ബദൽ ചരിത്രമായി കാണിക്കപ്പെട്ടു, അവിടെ ഇരുവരും അതിജീവിക്കുന്നതായാണ് കാണിച്ചിരിക്കുന്നത്.[15]

അവലംബം തിരുത്തുക

  1. ↑ 1.0 1.1 "Honour killing survivor Gowsalya remarries in self-respect wedding ceremony".
  2. ↑ Kumar, R. Vimal (12 December 2017). "Honour' killing of Dalit youth Shankar in Tamil Nadu: death for six, including father-in-law". R. Vimal Kumar. The Hindu. Retrieved 1 May 2018.
  3. ↑ Srividya, P. V. (13 December 2017). "From victim to crusader: the story of Kausalya Shankar". P. V. Srividya. The Hindu. Retrieved 1 May 2018.
  4. ↑ "India at 70 'I'm not afraid': Husband murdered, Kausalya fights honour killings". Dhrubo Jyoti. Hindustan Times. 13 August 2017. Retrieved 1 May 2018.
  5. ↑ "Chronicling wife of murdered Dalit youth, Kausalya Sankar's path to activism". Sujatha S. New Indian Express. 12 December 2017. Retrieved 1 May 2018.
  6. ↑ "India's Forbidden Love: An Honour Killing on Trial". Al Jazeera. 11 March 2018. Retrieved 1 May 2018.
  7. ↑ "Kausalya Shankar: Standing tall". Frontline. 27 April 2018. Retrieved 1 May 2018.
  8. ↑ 8.0 8.1 "India woman fights family over 'low caste' husband's murder". BBC. 22 January 2018. Retrieved 1 May 2018.
  9. ↑ "Six men sentenced to death in India for Dalit 'honour' killing". Sandhya Ravishankar. The Guardian. 15 December 2017. Retrieved 1 May 2018.
  10. ↑ "TN 'honour' killing survivor Kausalya starts a new life, marries Parai artist Sakthi". Gladwin Emmanuel. Bangalore Mirror. 10 December 2018. Retrieved 17 December 2018.
  11. ↑ 11.0 11.1 11.2 "India at 70 | 'I'm not afraid': Husband murdered, Kausalya fights honour killings". Hindustan Times (in ഇംഗ്ലീഷ്). 2017-08-13. Retrieved 2020-02-17.
  12. ↑ "An undying pride in caste: Thevar prejudice returns with fury at Kausalya's home". www.thenewsminute.com. 12 December 2017. Retrieved 2020-02-17.
  13. ↑ "Verdict in 'honour' killing of Dalit youth in Tamil Nadu gives hope, but not enough to end caste prejudices". www.dailyo.in. Retrieved 2020-02-17.
  14. ↑ "Pranay murder: Gowsalya demands police protection for Amrutha". www.thenewsminute.com. 22 September 2018. Retrieved 2020-02-17.
  15. ↑ Vikram Phukan (22 June 2019). "Vintage Character, Modern Drama". ‘’The Hindu’’. Mumbai, India. Retrieved 22 June 2019.
"https://ml.wikipedia.org/w/index.php?title=കൗസല്യ_ശങ്കർ&oldid=3981257" എന്ന താളിൽനിന്ന് ശേഖരിച്ചത്