ക്രിസ്റ്റിൻ നെൽസൺ
ഷാരോൺ ക്രിസ്റ്റിൻ നെൽസൺ (മുമ്പ്, ഹാർമോൺ; ജൂൺ 25, 1945 - ഏപ്രിൽ 27, 2018) ഒരു ചിത്രകാരി, നടി, എഴുത്തുകാരി എന്നീ നിലകളിൽ പ്രശസ്തയായ വനിതയായിരുന്നു. അഭിനേതാക്കളായ മാർക്ക് ഹാർമൺ, കെല്ലി ഹാർമൺ എന്നിവരുടെ സഹോദരിയായ അവർ നടനും സംഗീതജ്ഞനുമായിരുന്ന റിക്കി നെൽസണുമായി 19 വർഷത്തെ വിവാഹ ജീവിതം നയിച്ചു.
ക്രിസ്റ്റിൻ നെൽസൺ | |
|---|---|
.JPG) ക്രിസ്റ്റിൻ നെൽസൺ 1964 ൽ | |
| ജനനം | ഷാരോൺ ക്രിസ്റ്റിൻ ഹാർമോൺ ജൂൺ 25, 1945 |
| മരണം | ഏപ്രിൽ 27, 2018 (പ്രായം 72) |
| ദേശീയത | അമേരിക്കൻ |
| മറ്റ് പേരുകൾ | ക്രിസ്റ്റിൻ നെൽസൺ ടിങ്കർ |
| തൊഴിൽ |
|
| ജീവിതപങ്കാളി(കൾ) | |
| കുട്ടികൾ | ട്രേസി, മത്യു, ഗണ്ണാർ , സാം നെൽസൺ |
| മാതാപിതാക്ക(ൾ) | ടോം ഹാർമോൺ എലിസ് നോക്സ് |
| ബന്ധുക്കൾ | മാർക്ക് ഹാർമോൺ (സഹോദരൻ) കെല്ലി ഹാർമോൺ (സഹോദരി) പാം ഡോബർ (സഹോദരി) ഹാരിയറ്റ് ഹില്യാർഡ് നെൽസൺ (അമ്മായിയമ്മ) ഓസി നെൽസൺ (അമ്മായിയപ്പൻ) ഡേവിഡ് നെൽസൺ (അളിയൻ) |
ആദ്യകാല ജീവിതം തിരുത്തുക
അമേരിക്കൻ ഫുട്ബോൾ താരം ടോം ഹാർമന്റെയും മോഡലും നടിയുമായിരുന്ന എലിസ് നോക്സിന്റെയും മകളായിരുന്നു ക്രിസ്റ്റിൻ നെൽസൺ. മോഡലും നടിയുമായ കെല്ലി ഹാർമൺ, നടൻ മാർക്ക് ഹാർമൺ എന്നിവർ അവളുടെ ഇളയ സഹോദരങ്ങളാണ്.[1] ബെൽ എയറിലെ പെൺകുട്ടികൾക്കായുള്ള കത്തോലിക്കാ വിദ്യാലയമായ മേരിമൗണ്ട് ഹൈസ്‌കൂളിൽ, ഏറ്റവും അടുത്ത സ്കൂൾ സുഹൃത്തുക്കളിൽ ഒരാളായിരുന്ന മിയ ഫാരോ ഉൾപ്പെടെയുള്ള പിൽക്കാല സെലിബ്രിറ്റികളായ മറ്റ് കുട്ടികൾക്കൊപ്പമാണ് അവർ പഠനം നടത്തിയത്.[2] 1963-ൽ, 17-ാം വയസ്സിൽ കൌമാരക്കാരനായിരുന്ന റിക്കി നെൽസണെ വിവാഹം കഴിക്കുകയും അവരുടെ ആദ്യത്തെ കുഞ്ഞിന് ജന്മം നൽകുകയും ചെയ്തു.[3]
കരിയർ തിരുത്തുക
1963-ൽ റിക്കുമായുള്ള വിവാഹത്തെത്തുടർന്ന്, അയാളുടെ കുടുംബത്തോടൊപ്പം അവരുടെ ടെലിവിഷൻ ഷോയായ ദി അഡ്വഞ്ചേഴ്‌സ് ഓഫ് ഓസി ആൻഡ് ഹാരിയറ്റിൽ ഒരു സ്ഥിരം അഭിനേതാവായി ചേർന്ന അവർ ആദ്യമായി "റിക്ക്സ് വെഡ്ഡിംഗ് റിംഗ്" എന്ന എപ്പിസോഡിൽ പ്രത്യക്ഷപ്പെട്ടു.[4][5] 1965-ൽ, റൊമാന്റിക് കോമഡിയായ ലവ് ആൻഡ് കിസ്സസിൽ റിക്കിനൊപ്പം അഭിനയിച്ച അവർ അതിൽ വിവാഹിതരായ സ്കൂൾ പ്രായത്തിലുള്ള യുവ ദമ്പതികളുടെ പ്രശ്‌നങ്ങൾ അവതരിപ്പിച്ചു.[6]
ആദം-12 എന്ന ടെലിവിഷൻ പരമ്പരയിൽ പോലീസ് ഉദ്യോഗസ്ഥനായ ജിം റീഡിന്റെ ഭാര്യ ജീൻ ആയി വേഷമിട്ട അവർ മറ്റ് പരമ്പരകളിൽ അതിഥി താരമായി അഭിനയിച്ചതു കൂടാതെ മികച്ച ലൈവ്-ആക്ഷൻ ഹൃസ്വ ചിത്രത്തിനുള്ള അക്കാദമി പുരസ്കാരം നേടിയ ദി റിസറക്ഷൻ ഓഫ് ബ്രോങ്കോ ബില്ലി ഉൾപ്പെടെയുള്ള ഏതാനും നാടകീയ സിനിമകളിലും അഭിനയിച്ചു. 1982-ൽ ലയേഴ്‌സ് മൂൺ എന്ന ചിത്രത്തിന് ശേഷം അവർ അഭിനയത്തിൽ നിന്ന് വിരമിച്ചു.
അവലംബം തിരുത്തുക
- ↑ Nash, Eric P. "Books in Brief: Nonfiction; California Dreamin' ", The New York Times, November 16, 1997; retrieved February 24, 2010.
- ↑ Wilkins, Barbara (1974-05-24). "The Rick Nelsons Come of Age". PEOPLE.com (in ഇംഗ്ലീഷ്). Retrieved 2019-12-14.
- ↑ "Inside the Tragic Downfall of Kristin Harmon: Mark Harmon's Late Sister and Former Member of TV Royalty". PEOPLE.com (in ഇംഗ്ലീഷ്). Retrieved 2019-12-15.
- ↑ Bashe 145
- ↑ Selvin 150
- ↑ "Nelsons combine teenage fun romance in 'Love and Kisses'", The Dispatch, Lexington, p. 34, September 14, 1965.