കോഴിക്കല്ലുമൂടൽ

കൊടുങ്ങല്ലൂർ ക്ഷേത്രത്തിലെ ഉത്സവവുമായി ബന്ധപ്പെട്ട ഒരു പ്രധാന ചടങ്ങാണ് കോഴിക്കല്ലുമൂടൽ.. ചെറുഭരണി കൊടിയേറിക്കഴിഞ്ഞാൽ നടത്തപ്പെടുന്ന ചടങ്ങാണിത്.

സ്ഥാനം

ക്ഷേത്രത്തിന്റെ വടക്കേനടയിൽ ദീപസ്തംഭത്തിനു താഴെയാണ് ഈ കല്ലുകൾ. വൃത്താകൃതിയിലുള്ള ഭാഗം മാത്രമേ വെളിയിൽ കാണുന്നുള്ളൂ. ചടങ്ങിനു മുൻപായി അല്പം താഴ്ത്തി ഒരു കുഴിയുണ്ടാക്കി ഈ കല്ലുകൾ മറിച്ചിടുന്നു. അവയ്ക്കുമുകളിൽ ചെമ്പട്ടു വിരിച്ച് കോഴിയെ സമർപ്പിയ്ക്കുന്നു. മൃഗബലി നിരോധിയ്ക്കുന്നതു വരെ ഇവിടെ കോഴികളെ കുരുതിനൽകിയിരുന്നു. മീനമാസത്തിലെ തിരുവോണനാളിലാണ് ഈ ചടങ്ങുനടക്കുന്നത്.

അവകാശം

കൊടുങ്ങല്ലൂരിലുള്ള ഭഗവതിവീട്ടുകാർക്കാണ് കോഴിക്കല്ലുകൾ മൂടുന്നതിനുള്ള അവകാശം. ആദ്യം വെട്ടാനുള്ള കോഴികൾ വടക്കൻ കേരളത്തിലെ തച്ചോളിത്തറവാട്ടുകാർക്കും കാരമ്പിള്ളി കുറുപ്പിന്റെ തറവാട്ടുകാർക്കുമായി നൽകിയിട്ടുണ്ട്..

കൂടുതൽ വായനയ്ക്ക്

• കൊടുങ്ങല്ലൂരിന്റെ വ്യാവഹാരിക ഭൂമിശാസ്ത്രം. വള്ളത്തോൾ വിദ്യാപീഠം.2013 .ഡോ.ആദർശ്.സി