കൊമ്പ് ഊരിപ്പോകൽ

കന്നുകാലികൾ തമ്മിൽ കുത്തുമ്പോഴോ,തൊഴുത്തിലെ അഴികൾക്കിടയിൽ കൊമ്പ് കുടുങ്ങുമ്പോഴോ, മരങ്ങൾക്കിടയിൽ പെട്ടോ കന്നുകാലികളുടെ കൊമ്പിന്റെ പുറത്തെ ആവരണം ഊരിപ്പോകാറുണ്ട്. ഇതിനെത്തുടർന്ന് അമിതമായ രക്തസ്രാവമുണ്ടാകുന്നു. ഈ രക്തസ്രാവം അധികരിയ്ക്കുകയാണെങ്കിൽ കൊമ്പിന്റെ ചുവട്ടിൽ ടൂർണിക്കെ പ്രയോഗിയ്ക്കാം.

ഉടൻ ചെയ്യേണ്ടത്

അണുനാശക ലായനിയിൽ മുക്കിയ വൃത്തിയായ തുണികൊണ്ട് കൊമ്പിന്റെ കാമ്പിനെ ചുറ്റിപ്പൊതിഞ്ഞ് രക്തസ്രാവം നിയന്ത്രിയ്ക്കാം. വൃത്തിയുള്ള സ്ഥലത്തേയ്ക്കു ഉരുവിനെ മാറ്റണം. കൊമ്പിനു മുകളിൽ പൊതിഞ്ഞ ഭാഗത്ത് ടിങ്ചർ ബെൻസോയിൻ ഒഴിയ്ക്കാവുന്നതാണ്. പിന്നീട് ഒരു ഡോക്ടറിന്റെ സേവനം ആവശ്യമുണ്ടെങ്കിൽ തേടാവുന്നതാണ് .