കെ.എ. കൊടുങ്ങല്ലൂർ
കേരളത്തിലെ ഒരു മൗലികചിന്തകനും[1] സാംസ്കാരിക പ്രവർത്തകനും എഴുത്തുകാരനും[2] സാഹിത്യകാരനുമായിരുന്നു[3] കെ.എ. കൊടുങ്ങല്ലൂർ(1921 ജൂലൈ 1-1989 ഡിസംബർ 4). മുഴുവൻ പേര്‌ കറുകപ്പാടത്ത് അബ്ദുല്ല എന്നാണ്‌.
ജീവിതരേഖ
തിരുത്തുകഅഹമദിന്റെയും ആമിനയുടെയും മകനായി കൊടുങ്ങല്ലൂരിൽ ജനനം. കോഴിക്കോട് ജെ.ഡി.റ്റി ഇസ്ലാം, ഗണപത് ഹൈസകൂൾ എന്നിവിടങ്ങളിൽ പഠിച്ചു. കോഴിക്കോട് ആകാശവാണിയിൽ സേവനമനുഷ്ഠിച്ച അദ്ദേഹം 1983 ൽ അസിസ്റ്റന്റ് എഡിറ്ററായാണ്‌ വിരമിച്ചത്. കേന്ദ്ര കലാസമിതി, കലാകേന്ദ്രം, ജനാധിപത്യവേദി തുടങ്ങിയ ചെറുതും വലുതുമായ നിരവധി കലാസാഹിത്യ പ്രസ്ഥാനങ്ങളുമായി ബന്ധപ്പെട്ട് പ്രവർത്തിച്ചു. 1987 മുതൽ മാധ്യമത്തിന്റെ വാരാദ്യപതിപ്പ് എഡിറ്ററായിരുന്ന അദ്ദേഹം മരണം വരെ തൽസ്ഥാനത്ത് തുടർന്നു.
കുടുംബം
തിരുത്തുകഭാര്യ:മുല്ലാവീട്ടിൽ സൈനബ(മരണം:1999 ഒക്ടോബർ) മക്കൾ: എം.എ. ദിലീപ്, സൈബുന്നിസ. കഥാകാരൻ പി.കെ പാറക്കടവ് ആണ് മകളുടെ ഭർത്താവ്.
കൃതികൾ
തിരുത്തുക- മിഥ്യകൾ സങ്കല്പങ്ങൾ
- ചുവന്ന പൂവണിഞ്ഞ യുവാവ്
- സംഭാവന
- തോക്കും കുതിരയും
- മൂന്നുവർഷം
- മുടന്തൻ രാജകുമാരൻ
- കിഴവനും വേറെ നാടകങ്ങളും
- ഏണെസ്റ്റ്
- അൽഭുതങ്ങൾ വില്പനക്ക്
- ഭഗത്‌സിംഗിന്റെ കത്തുകൾ
- സ്വാതന്ത്ര്യത്തിന്റെ ബലിപീഠം
- മുഹമ്മദ് അബ്ദുറഹ്മാൻ (സഹഗ്രന്ഥകാരൻ)
അവലംബം
തിരുത്തുക- ↑ "പുഴ.കോം". Archived from the original on 2016-03-04. Retrieved 2009-09-18.
- ↑ "കോഴിക്കോടിനെ കുറിച്ച് എം.ടി യുടെ ഓർമ്മകൾ,മാതൃഭൂമി 22/11/2008". Archived from the original on 2009-11-16. Retrieved 2009-09-18.
- ↑ വെബ്ദുനിയ മലയാളം
- പുഴ.കോം ഗ്രന്ഥകാരനെ കുറിച്ചുള്ള പരിചയം Archived 2008-03-09 at the Wayback Machine.18/09/2009 ന്‌ ശേഖരിച്ചത്
- "കെ.എ. കൊടുങ്ങല്ലൂർ 1929-1989,അണയാത്ത തീ നാളം"-എ.പി. കുഞ്ഞാമു[പ്രവർത്തിക്കാത്ത കണ്ണി]സമകാലിക മലയാളം വാരിക 2004 ഡിസംബർ 4- 19/09/2009 ന്‌ ശേഖരിച്ചത്
- കേരള സാഹിത്യ അക്കാദമി വെബ്സൈറ്റിൽ കെ.എ. കൊടുങ്ങലൂരിന്റെ ജീവചരിത്രം