കവിയൂർ (കണ്ണൂർ)

കണ്ണൂർ ജില്ലയിൽ ചൊക്ലിയുടെയും മാഹിയുടെയും ഈടയിൽ വരുന്ന ഭൂപ്രദേശമാണ്‌ കവിയൂർ. ഹെർമൻ ഗുണ്ടർട്ടിനെ‌ മലയാളം പഠിപ്പിച്ചത് കവിയൂരിലെ ഊരാച്ചേരി ഗുരുക്കന്മാരാണ്‌ .

മലയാളം-ഇംഗ്ളീഷ് നിഘണ്ടു തയ്യാറാക്കിയ ജർമ്മൻകാരനായ ഡോക്ടർ ഹെർമ്മൻ ഗുണ്ടർട്ടിനെ സംസ്കൃതവും മലയാളവും പഠിപ്പിക്കുകയും നിഘണ്ടു നിർമ്മാണത്തിൽ സഹായിക്കുകയും ചെയ്ത ഊരാച്ചേരി ഗുരുനാഥൻമാർ ജീവിച്ചിരുന്ന ഗ്രാമമാണിത്. ഊരാച്ചേരി വീട് ഇപ്പോഴും നിലകൊള്ളുന്നുണ്ട്. ഭിഷഗ്വരൻമാരും കവികളും ഉണ്ടായിരുന്ന ഊരാച്ചേരിയിലെ ഗുരുനാഥൻമാരിൽ നിന്നാണ് കവിയൂർ ഗ്രാമത്തിന് ആ പേർ കൈവന്നത് എന്ന് പറയപ്പെടുന്നു.