കലാവന്തലു

ഇന്ത്യയിൽ ആന്ധ്രാപ്രദേശിൽ പരമ്പരാഗതമായി ദേവദാസീപദം / വേശ്യാവൃത്തി കുലത്തൊഴിലായി സ്വീകരിച്ചിരുന്ന ഒരു സമുദായമാണ് കലാവന്തലു അല്ലെങ്കിൽ ഭോഗ സമുദായം. നൃത്ത-നാട്യങ്ങളിൽ അതി വിദഗ്ദ്ധരായ ഈ സമുദായത്തിലെ സംഗീത-നൃത്ത സംഗമങ്ങൾക്കും കലാവന്തലു എന്നു പറയുന്നു. ഗോദാവരീ ജില്ലകളിലെ പെദ്ദാപുരം, കാക്കിനാട, രാജമുണ്ഡ്രി, മുറമണ്ട, രാമചന്ദ്രപുരം, ദ്രാക്ഷാരാമ, പസലപുഡി, രാലേംഗി, ആറ്റിലി, അമലാപുരം, മുമ്മുഡിവാരം എന്നിവിടങ്ങളിലും കൃഷ്ണാ-വിശാഖ പട്ടണം ജില്ലകളിലെ ബന്ദർ, ഗുഡിവാഡ, എല്ലൂര്, മദുഗള, വിജയപുരം എന്നീയിടങ്ങളിലുമായാണ് ഈ സമുദായംഗങ്ങൾ ഇപ്പോൾ കൂടുതലായി താമസിക്കുന്നത്.

നിരുക്തം

കലാവന്തലു എന്ന തെലുഗു പദത്തിനർത്ഥം കലാഹൃദയരെന്നാണ്. എന്നാൽ ഇപ്പോഴത്തെ പ്രയോഗരീതിയനുസരിച്ച് വേശ്യകളെ സൂചിപ്പിക്കാൻ തെലുഗിൽ ഈ പദം ഉപയോഗിക്കുന്നു.