കലാത്തിയ

അലങ്കാര ഇലച്ചെടിയിനങ്ങളിൽ വരയൻകുതിരയുടെ ശരീരത്തിലേതുപോലെ വരകൾ നിറഞ്ഞ ഇലച്ചാർത്തുള്ള ഒരു സസ്യകുടുംബമാണ് കലാത്തിയ (ആംഗലേയം:Calathea). അമേരിക്ക ജന്മദേശമായുള്ള ഈ സസ്യകുടുംബത്തിലെ എല്ലാ സസ്യങ്ങളേയും കലാത്തിയ എന്ന പേരിലാണ് പൊതുവേ അറിയപ്പെടുന്നത്. മിക്കവാറും കലാത്തിയകളുടെ ഇലകളും അണ്ഡാകൃതിയിലോ ദീർഘവൃത്താകൃതിയിലോ ഉള്ളവയാണ്. ഇലകൾക്ക് പൊതുവേ പച്ചനിറമാണുള്ളതെങ്കിലും ഇലയുടെ നടു ഞരമ്പുകളും അരികുകളും ഇളം പച്ചനിറത്തിൽ കാണപ്പെടുന്നു. തണ്ടുകൾക്ക് ബലമുള്ള ഈ അലങ്കാരസസ്യത്തിന്റെ ഇലകൾ കഴിവതും അധികം ചരിവില്ലാതെ കുത്തനെയാണ് ഉണ്ടാകുന്നത്.

കലാത്തിയ
Calathea zebrina
ശാസ്ത്രീയ വർഗ്ഗീകരണം
കിങ്ഡം:	Plantae
Division:	Magnoliophyta
(unranked):	Monocots
(unranked):	Commelinids
Order:	Zingiberales
Family:	Marantaceae
Genus:	Calathea G.Mey.
Species
Numerous, see text

കൃഷിരീതി

മുളച്ചുവരുന്ന പുതിയ തൈകളാണ് നടീൽവസ്തുക്കളായി ഉപയോഗിക്കുന്നത്. രണ്ടുഭാഗം മണ്ണും ഒരു ഭാഗം ജൈവവളങ്ങളും ചേർത്തുണ്ടാക്കുന്ന പോട്ടിങ് മിശ്രിതത്തിലാണ് നടുന്നത്. ഒരാഴ്ചയിൽ രണ്ടോ മൂന്നോ തവണ വളപ്രയോഗം നടത്താവുന്ന ഈ ചെടിയ്ക്ക് എല്ലുപൊടി പോലെയുള്ള ജൈവവളങ്ങളോ സൂപ്പർ ഫോസ്ഫേറ്റ് പോലെയുള്ള രാസവളങ്ങളോ നൽകാം. വളങ്ങൾ കഴിവതും വെള്ളത്തിൽ കലക്കിയാണ് നൽകേണ്ടത്.

ചിത്രശാല

• 
  Calathea crocata
• 
  വിവിധതരം കലാത്തിയകൾ
• 
  CalatheaOrnataRoseo-Lineata
• 
  Calathea makoyana 1
• 
  Calathea roseopicta