കരാസ്കോ ദേശീയോദ്യാനം

കരാസ്കോ ദേശീയോദ്യാനം ബൊളീവിയയിലെ കൊച്ചാബംബ ഡിപ്പാർട്ട്മെന്റിലെ ഒരു ദേശീയോദ്യാനമാണ്. ഈ ദേശീയോദ്യാനത്തിന് ആകെ 6,226 ചതുരശ്ര കിലോമീറ്റർ വിസ്തൃതിയാണുള്ളത്. ഈ മേഖലയിൽ ഏകദേശം 5000 ത്തിലധികം സസ്യവർഗ്ഗങ്ങുടെ കണക്കെടുപ്പു നടത്തിയിട്ടുണ്ട്. ബൊളീവിയിലെ ഏറ്റവും കൂടുതൽ ജീവശാസ്ത്ര വൈവിദ്ധ്യമുള്ള ദേശീയോദ്യാനങ്ങളിലൊന്നാണിത്. ഒരു സംരക്ഷിത മേഖലയായ ഈ ദേശീയോദ്യാനത്തിൽ മനുഷ്യവാസം നിരോധിക്കപ്പെട്ടിരിക്കുന്നു. ഈദേശീയോദ്യാനം 1991 ഒക്ടോബർ 11 നാണ് രൂപീകരിക്കപ്പെട്ടത്.

Carrasco National Park
ഐ.യു.സി.എൻ. ഗണം II (ദേശീയോദ്യാനം)
Oilbirds
Location	ബൊളീവിയ Cochabamba Department
Coordinates	17°23′S 65°03′W
Area	622,600 ha
Established	1991
Governing body	Servicio Nacional de Áreas Protegidas (SERNAP)

പർവ്വതപ്രകൃതിയുള്ള പ്രദേശങ്ങളുൾക്കൊള്ളുന്ന ഈ ദേശീയോദ്യാനത്തിൽ വെള്ളച്ചാട്ടങ്ങൾ, താഴ്ന്ന താഴ്വരകൾ, ആഴമുള്ള മലയിടുക്കുകൾ എന്നിവ ഉൾപ്പെടുന്നു. ബൊളീവിയൻ യുങ്കാസ് പരിസ്ഥിതി മേഖലകളുടെ ഭാഗങ്ങളെ ഇത് സംരക്ഷിക്കുന്നു. സമൃദ്ധമായ സസ്യലതാദികൾ നിറഞ്ഞ ഇവിടുത്തെ വനം വംശനാശ ഭീഷണി നേരിടുന്ന നിരവിധി മൃഗങ്ങൾക്കും സസ്യങ്ങൾക്കും മരങ്ങൾക്കും സംരക്ഷണം നൽകുന്നു. ഈ ദേശീയോദ്യാനം, കച്ചബാംബ ഡിപ്പാർട്ട്‍മെൻറിന് കിഴക്കുഭാഗത്തായാണ് സ്ഥിതിചെയ്യുന്നത്. കരോസ്കോ, ടിറാക്വ, ചാപാരെ എന്നീ പ്രവിശ്യകളിലേയ്ക്കും ഇതു വ്യാപിച്ചുകിടക്കുന്നു.