കരകാട്ടം

മഴയുടെ ദേവതയായ മാരിയമ്മനെ സ്തുതിച്ചുകൊണ്ട് അവതരിപ്പിക്കുന്ന ഒരു തമിഴ് നാടോടിനൃത്തമാണ് കരകാട്ടം (തമിഴ്: கரகாட்டம் അഥവാ "കരകം (கரகம் .^[1] വെള്ളക്കുടം തലയിൽ വച്ച് നടത്തുന്ന ഈ നൃത്തം അമ്പലങ്ങളിൽ വച്ച് മാത്രം നടത്തുമ്പോൾ ശക്തി കരകം എന്നും മറ്റുള്ള സ്ഥലങ്ങളിൽവച്ച് നടത്തുമ്പോൾ ആട്ട കരകം എന്നും പറയുന്നു^[2]. ആദ്യകാലങ്ങളിൽ നെയ്യാണ്ടി മേളത്തോടൊപ്പം മാത്രം ചെയ്തിരുന്ന ഈ നൃത്തം ഇപ്പോൾ പാട്ടുകൾക്കൊപ്പിച്ചും ചെയ്യാറുണ്ട്.സംഘകാല കൃതികളിൽ കുട കൂത്ത് എന്ന് വിശേഷിപ്പിച്ചിരുന്ന ഈ നൃത്തത്തിന്റെ ഉദ്ഭവം തഞ്ചാവൂർ ജില്ലയിലാണ് ^[3]കരകാട്ടത്തിൽ പ്രാവീണ്യമുള്ളവർ തഞ്ചാവൂർ, പുതുക്കോട്ട, രാമനാഥപുരം, മധുര, തിരുനെൽവേലി, സേലം എന്നീ പ്രദേശങ്ങളിൽനിന്നുമുള്ളവരാണ്.