കഞ്ചർഭട്ട് സമുദായം

മഹാരാഷ്ട്രയിലെ വിചിത്രമായ ചില അനാചാരങ്ങൾ പിൻതുടർന്ന വിഭാഗമാണ് കഞ്ചർഭട്ട് സമുദായം. വിവാഹം അംഗീകരിക്കുന്നതിന് പണം വാങ്ങുക, ആദ്യരാത്രിയിൽ നവവധുവിന്റെ കന്യകാത്വ പരിശോധന നടത്തുക തുടങ്ങിയവയാണ് ഇതിൽ പ്രധാനം.

കന്യകാത്വ പരിശോധന

400 വർഷങ്ങളായി സമുദായത്തിനിടയിൽ നിലനിൽക്കുന്ന  അനാചാരമാണിത്. വിവാഹിതയായ ഏതേലും യുവതി കന്യകയാണോ എന്ന് പരിശോധിക്കുന്നതാണ് രീതി. കന്യകയല്ല എന്ന് ബോധ്യപ്പെട്ടാൽ ആ വിവാഹം അസാധുവാക്കപ്പെടും. വിചിത്രമായ ആചാരം ഏറെ പ്രതിഷേധത്തിനിടയാക്കിയിരിക്കുകയാണിപ്പോൾ.

അനാചാരങ്ങൾക്ക് എതിരെയുള്ള പ്രതിഷേധം

‘Stop the V-Ritual’ എന്ന പേരിൽ 40 പേരടങ്ങുന്ന ഒരു സംഘമാണ് ഇത്തരം അനാചാരങ്ങൾക്ക് എതിരെ ശബ്ദമുയർത്തുന്നത്. കഞ്ചർഭട്ട് സമുദായത്തിൽ വധുവിന്റെ കന്യകാത്വ പരിശോധനയെന്ന ദുരാചാരം പതിവാണ്.

അനുകൂലിച്ചും മാർച്ച്

2018ൽ പൂനെയിൽ 200 സ്ത്രീകൾ ഈ അനാചാരത്തെ അനുകൂലിച്ച് കൊണ്ട് മാർച്ച് നടത്തിയിരുന്നു. ഇത് തങ്ങളുടെ ആചാരമാണെന്നും അത് സംരക്ഷിക്കണമെന്നും ആവശ്യപ്പെട്ടായിരുന്നു മാർച്ച്. സ്റ്റോപ് വി റിച്ച്വൽ ഗ്രൂപ്പ് മാപ്പ് പറയണമെന്നും അവർ ആവശ്യപ്പെട്ടിരുന്നു.