എ.കെ.പി.എ.
(എ കെ പി എ എന്ന താളിൽ നിന്നും തിരിച്ചുവിട്ടതു പ്രകാരം)
കേരളത്തിലെ ഫോട്ടോഗ്രാഫർമാരുടെ സംഘടനയാണ് ഓൾ കേരള ഫോട്ടോഗ്രാഫേഴ്സ് അസോസിയേഷൻ അഥവാ എ.കെ.പി.എ.. പ്രശസ്ത സിനിമാ പ്രവർത്തകനും ഫോട്ടോഗ്രാഫറും ആയിരുന്ന ജോസഫ്‌ ചെറിയാന്റെ നേതൃത്വത്തിൽ ഒരു സംഘം ഫോട്ടോഗ്രാഫർമാർ ചേർന്ന് എറണാകുളം ആസ്ഥാനമാക്കി 1984- ൽ തുടങ്ങിയ പ്രസ്ഥാനമാണ് ഇത്. ഇന്ന് നാല്പതിനായിരത്തോളം ഫോട്ടോഗ്രാഫേഴ്സ്/വീഡിയോഗ്രാഫേഴ്സ് പതിനയ്യായിരത്തോളം ആക്ടീവ് അംഗങ്ങളും ഉള്ള ഒരു വലിയ പ്രസ്ഥാനമായി എ കെ പി എ മാറിക്കഴിഞ്ഞു. എറണാകുളത്തു സ്വന്തം ആസ്ഥാന മന്ദിരം എ കെ പി എ ഭവൻ സ്ഥിതി ചെയ്യുന്നു.
അംഗത്വം
തിരുത്തുകസർക്കാർ അർദ്ധ സർക്കാർ ജീവനക്കാർ ഒഴികെ ഫോട്ടോഗ്രഫി അനുബന്ധ തൊഴിൽ മേഖല ( വീഡിയോഗ്രാഫി , ഗ്രാഫിക് ഡിസൈനിംഗ്, എഡിറ്റിംഗ് ) ഉപജീവനമാർഗ്ഗമാക്കിയ ആർക്കും എ.കെ.പി.എ. യിൽ അംഗത്വം നൽകുന്നു. എല്ലാ വർഷവും അംഗത്വം പുതുക്കി നൽകുന്നു.