ഗവേഷകനും എഴുത്തുകാരനും സമുദ്രശാസ്ത്രജ്ഞനും കാലികറ്റ് സർവകലാശാല മുൻ വൈസ്ചാൻസലറും ആയിരുന്നു എ.എൻ.പി ഉമ്മർകുട്ടി. എൻ.വി കൃഷ്ണവാരിയർക്ക് ശേഷം കേരള ഭാഷാ ഇൻസ്റ്റിറ്റ്യൂട്ടിന്റെ ഡയറകടർ സ്ഥാനം ദീർഘകാലം വഹിച്ചു. കേരള ശാസ്ത്രസാഹിത്യ പരിഷത്ത്, മുസ്ലിം ജമാഅത്ത് എന്നിവയുമായി ബന്ധപ്പെട്ടും അദ്ദേഹം പ്രവർത്തിച്ചു.[1] 2020 സെപ്റ്റംബർ 10 ന് മരണമടഞ്ഞു.

ജീവിതരേഖതിരുത്തുക

1933-ൽ സി.വി മൂസഹാജിയുടെയും എ.എൻ.പി സൈനബയുടെയും മകനായി തലശ്ശേരിക്കടുത്തുള്ള തലായിയിൽ ജനിച്ചു. ബ്രണ്ണൻ കോളേജ്, മദ്രാസ് പ്രസിഡൻസി കോളേജ് എന്നിവിടങ്ങളിലെ പഠനത്തിനു ശേഷം അലിഗഡ് മുസ്ലിം സർവ്വകലാശാലയിൽ നിന്ന് മറൈൻ ബയോളജിയിൽ ഡോക്ട്രേറ്റ് നേടി. തമിഴ്നാട്ടിലും കൊച്ചിയിലുമുള്ള ഒഷ്യാനാഗ്രാഫി ലാബിൽ ജോലിചെയ്തു. 1992 ൽ കാലികറ്റ് സർവകലാശാലയിൽ വൈസ് ചാൻസലറായി ചുമതലയേറ്റു. മലബാർ മേഖലയിൽ നിന്നുള്ള ആദ്യ വൈസ്ചാൻസലറാണ് ഉമ്മർകുട്ടി. [2] നിരവധി ഗ്രന്ഥങ്ങളും മുപ്പതോളം ഗവേഷണ പ്രബന്ധങ്ങളും രചിച്ചിട്ടുണ്ട്.[3]. ഭാര്യ മലക്കായ് ജമീല. രണ്ട് മക്കൾ. അദ്ധ്യാപകനും എഴുത്തുകാരനുമായിരുന്ന പരേതനായ ഡോ. വി.സി ഹാരിസ് മരുമകനാണ്. വിജ്ഞാന കൈരളി മാസിക, സിറാജ് ദിനപ്പത്രം എന്നിവയുടെ ചീഫ് എഡിറ്ററായി പ്രവർത്തിച്ചിട്ടുണ്ട്. തലശ്ശേരി ഗുണ്ടർട്ട് ഫൗണ്ടേഷൻ ഡയറക്ടറായും പ്രവർത്തിച്ചു.

അവലംബംതിരുത്തുക

  1. ഓൺലൈൻ, മാധ്യമം. "വിടവാങ്ങിയത് ഭാഷാ ഇൻസ്റ്റിറ്റ്യൂട്ടിനെ ജനകീയനാക്കിയ ഡയറക്ടർ". madhyamam.com. Madhyamam. ശേഖരിച്ചത് 10 സെപ്റ്റംബർ 2020. CS1 maint: discouraged parameter (link)
  2. ലേഖകൻ, മനോരമ. "ഡോ. എ.എൻ.പി.ഉമ്മർ കുട്ടി അന്തരിച്ചു". manoramaonline.com. മനോരമ ഓൺലൈൻ. ശേഖരിച്ചത് 10 സെപ്റ്റംബർ 2020. CS1 maint: discouraged parameter (link)
  3. കൗമുദി, കേരള. "ഡോ. എ.എൻ.പി.ഉമ്മർ കുട്ടി അന്തരിച്ചു". keralakaumudi.com. കേരളകൗമുദി. ശേഖരിച്ചത് 10 സെപ്റ്റംബർ 2020. CS1 maint: discouraged parameter (link)
"https://ml.wikipedia.org/w/index.php?title=എ.എൻ.പി._ഉമ്മർകുട്ടി&oldid=3436029" എന്ന താളിൽനിന്ന് ശേഖരിച്ചത്