ഇ.എം.എസ്. ഭവനപദ്ധതി

കേരളത്തിലെ ഭവനരഹിതരായ പാവപ്പെട്ട ആളുകൾക്ക് തദ്ദേശ സ്വയംഭരണ സ്ഥാനങ്ങളുടെ ധനസഹായത്തോടെ വീടുകൾ നിർമ്മിച്ചുനൽകുന്നതിനുള്ള പദ്ധതിയാണ് ഇ.​എം.എസ്. സമ്പൂർണ്ണ ഭവനപദ്ധതി.

അഞ്ചുലക്ഷത്തോളം ഭവനരഹിത കുടുംബങ്ങൾ കേരളത്തിലുണ്ടെന്നാണ് 2008-ലെ കണക്ക്. രണ്ടുലക്ഷത്തോളം ഭൂരഹിത ഭവനരഹിതരുമുണ്ട്. കേരളത്തിന്റെ മുൻമുഖ്യമന്ത്രിയായിരുന്ന ഇ.എം.എസ്. നമ്പൂതിരിപ്പാടിന്റെ പേരിൽ, അദ്ദേഹത്തിന്റെ പത്താം ചരമവാർഷികത്തിൽ 2008 മാർച്ച് 19 ന്, തൃശ്ശൂർ ജില്ലയിലെ കൊടകരയിൽ ആരംഭിച്ച പദ്ധതി ഔപചാരികമായി ഉദ്ഘാടനം ചെയ്തത്, അന്നത്തെ മുഖ്യമന്ത്രി വി.എസ്. അച്യുതാനന്ദനാണ്. ഗുണഭോക്തൃവിഹിതം പൂർണ്ണമായും സൌജന്യമായ ഈ പദ്ധതിയിൽ സഹകരസ്ഥാപനങ്ങളിൽ നിന്നുമുള്ള വായ്പ ഉപയോഗിച്ച് തദ്ദേശ സ്വയംഭരണ സ്ഥാപനങ്ങളാണ് ദാരിദ്ര്യ രേഖയ്കുതാഴെയുള്ള കുടുംബങ്ങൾക്ക് വീട് നിർമ്മിക്കാനാവശ്യമായ ധനസഹായം നൽകുന്നത്. ലക്ഷം വീടുപദ്ധതിയിൽ ഉൾപ്പെടുത്തി നിർമിച്ച വീടുകളുടെ അറ്റകുറ്റപ്പണിയും ഇതിൽ ലക്ഷ്യമിടുന്നുണ്ട്.