ഇനെസ് ഐച്ച്മുള്ളർ
ഒരു ജർമ്മൻ രാഷ്ട്രീയക്കാരിയും രാഷ്ട്രീയ പ്രവർത്തകയുമാണ് ഇനെസ് ഐച്ച്മുള്ളർ (ജനനം 1 മെയ് 1980). അലയൻസ് 90/ദി ഗ്രീൻസ് രാഷ്ട്രീയ പാർട്ടിയുടെ ഔദ്യോഗിക യുവജന സംഘടനയായ ഗ്രീൻ യൂത്തിന്റെ ബവേറിയൻ ചാപ്റ്ററിന്റെ സ്ഥാപക അംഗമാണ് അവർ. 2003 മുതൽ 2005 വരെ ഗ്രീൻ യൂത്തിന്റെ ദേശീയ വക്താവായി സേവനമനുഷ്ഠിച്ചു. 2004 മുതൽ 2010 വരെ ഫെഡറൽ വിമൻസ് കൗൺസിൽ ഓഫ് അലയൻസ് 90/ദി ഗ്രീൻസിന്റെ പ്രെസിഡിയത്തിൽ ഐക്മുള്ളർ സേവനമനുഷ്ഠിച്ചു. 2009-ൽ അവർ പാർട്ടിയുടെ ഗോസ്റ്റൻഹോഫ് ബ്രാഞ്ചിന്റെ വക്താവായിരുന്നു. ജർമ്മൻ പാർലമെന്റിൽ സേവനമനുഷ്ഠിക്കുന്ന ആദ്യത്തെ ട്രാൻസ്‌ജെൻഡർ ആയ ടെസ്സ ഗാൻസെററെ അവർ വിവാഹം കഴിച്ചു.
Ines Eichmüller | |
|---|---|
 Eichmüller in 2005. | |
| Green Youth National Spokesperson | |
| ഓഫീസിൽ 2003–2005 | |
| വ്യക്തിഗത വിവരങ്ങൾ | |
| ജനനം | 1 മേയ് 1980 Nürnberger Land Bavaria, Germany |
| രാഷ്ട്രീയ കക്ഷി | Alliance 90/The Greens |
| പങ്കാളി | Tessa Ganserer |
| കുട്ടികൾ | 2 |
| അൽമ മേറ്റർ | University of Erlangen–Nuremberg |
ആദ്യകാല ജീവിതവും വിദ്യാഭ്യാസവും
തിരുത്തുക1980 മേയ് 1-ന് ബവേറിയയിലെ ന്യൂൺബെർഗർ ലാൻഡിലാണ് ഐക്മുള്ളർ ജനിച്ചത്.[1]1996-ൽ ന്യൂറംബർഗ് നഗരത്തിൽ നിന്ന് അവരുടെ സ്‌കൂളിന്റെ കെട്ടിടത്തിന്റെ മേൽക്കൂരയിൽ ഫോട്ടോവോൾട്ടെയ്‌ക്ക് സിസ്റ്റം സ്ഥാപിക്കുന്ന പദ്ധതിക്ക് പാരിസ്ഥിതിക പുരസ്‌കാരം ലഭിച്ചു.[1] അവർ 2000-ൽ ന്യൂറംബർഗിലെ ഹൈസ്കൂളിൽ നിന്ന് ബിരുദം നേടി. എർലാംഗൻ-ന്യൂറംബർഗ് സർവകലാശാലയിൽ പൊളിറ്റിക്കൽ സയൻസും സോഷ്യോളജിയും പഠിക്കാൻ ഐക്മുള്ളർ പോയി. അവിടെ ന്യൂറംബർഗ് വനിതകൾക്കുള്ള സോണ്ട ക്ലബ്ബ് "യംഗ് വിമൻ ഇൻ പബ്ലിക് അഫയേഴ്സ് അവാർഡ്" അവർക്ക് ലഭിച്ചു. അവർ സർവകലാശാലയിലെ വിദ്യാർത്ഥി സർക്കാരിലെ അംഗമായിരുന്നു.[1]
രാഷ്ട്രീയ ജീവിതം
തിരുത്തുകയൂറോപ്യൻ യംഗ് ഡിസിഷൻ മേക്കേഴ്‌സ് ഇനിഷ്യേറ്റീവ് ഓഫ് ദി ഇന്റർ യൂറോപ്യൻ ഫോറം ഓൺ പോപുലേഷൻ ആന്റ് ഡെവെലോപ്മെന്റ് ഓൺ സെക്ഷ്വൽ ആന്റ് റിപ്രൊഡക്ടീവ് റൈറ്റ്സ് ആന്റ് ഹെൽത്ത്ന്റെ സജീവ അംഗമാണ് ഐക്മുള്ളർ. ബവേറിയയിലെ ലാൻഡ്‌ടാഗിലെ അലയൻസ് 90/ദി ഗ്രീൻസ് എന്ന സംഘടനയുടെ ലിംഗസമത്വ വക്താവായിരുന്ന കാലത്ത് അവർ ക്ലോഡിയ സ്റ്റാമിന്റെ സ്റ്റാഫിൽ ജോലി ചെയ്തിരുന്നു.[2] അലയൻസ് 90/ദി ഗ്രീൻസിന്റെ ഔദ്യോഗിക യുവജന സംഘടനയായ ഗ്രീൻ യൂത്ത് ബവേറിയയുടെ സ്ഥാപക അംഗമായിരുന്നു അവർ. 1998 മുതൽ 2000 വരെ സംഘടനയുടെ സംസ്ഥാന തലത്തിൽ ബവേറിയൻ റീജിയണൽ അസോസിയേഷന്റെ വക്താവായി സേവനമനുഷ്ഠിച്ചു. Eichmüller സമത്വത്തിനായുള്ള അസോസിയേഷന്റെ സ്പെഷ്യലിസ്റ്റ് ഫോറത്തെ ഏകോപിപ്പിച്ചു. മാർച്ച് 2003 മുതൽ മെയ് 2005 വരെ അവർ ഗ്രീൻ യൂത്തിന്റെ ദേശീയ വക്താവായി പ്രവർത്തിച്ചു.[1] 2000 മുതൽ 2002 വരെ ന്യൂറംബർഗിലെ അലയൻസ് 90/ദി ഗ്രീൻസിന്റെ ജില്ലാ ചെയർവുമണായി അവർ മുമ്പ് സേവനമനുഷ്ഠിച്ചിട്ടുണ്ട്.[1] 2003-ൽ അവർ ന്യൂറംബർഗ് സിറ്റി കൗൺസിൽ തിരഞ്ഞെടുപ്പിൽ സ്ഥാനാർത്ഥിയായിരുന്നു.[1] 2004-ൽ ഫെഡറൽ വിമൻസ് കൗൺസിൽ ഓഫ് അലയൻസ് 90/ദി ഗ്രീൻസിന്റെ പ്രെസിഡിയം അംഗമായി അവർ നിയമിതയായി, 2010 വരെ ആ പദവിയിൽ സേവനമനുഷ്ഠിച്ചു. 2009-ൽ അലയൻസ് 90/ദി ഗ്രീൻസിന്റെ ഗോസ്റ്റൻഹോഫ് ബ്രാഞ്ചിന്റെ വക്താവായിരുന്നു.
അവരുടെ രാഷ്ട്രീയ പ്രവർത്തനം ലിംഗസമത്വം, എൽജിബിടിക്യു അവകാശങ്ങൾ, പരിസ്ഥിതി നയം, മനുഷ്യാവകാശങ്ങൾ, അക്രമരഹിതവും സമാധാനപരവുമായ നയതന്ത്ര ചർച്ചകൾ എന്നിവയിൽ ശ്രദ്ധ കേന്ദ്രീകരിച്ചു. [3][4]2013 മുതൽ സ്ത്രീകൾക്കും പെൺകുട്ടികൾക്കുമെതിരായ അതിക്രമങ്ങൾ അവസാനിപ്പിക്കുന്നതിനുള്ള പ്രവർത്തനങ്ങൾക്കായി ധനസമാഹരണത്തിൽ സജീവമാണ്.
സ്വകാര്യ ജീവിതം
തിരുത്തുകഐക്മുള്ളർ രാഷ്ട്രീയക്കാരിയായ ടെസ്സ ഗാൻസെററെ വിവാഹം കഴിച്ചു. എന്നാൽ ദമ്പതികൾ വേർപിരിഞ്ഞതായി റിപ്പോർട്ടുണ്ട്.[5]അവർക്ക് രണ്ട് ആൺമക്കളുണ്ട്.[5]
അവലംബം
തിരുത്തുക- ↑ 1.0 1.1 1.2 1.3 1.4 1.5 "archive.ph". Archived from the original on 23 November 2007. Retrieved 2021-12-18.
- ↑ "Die Grünen im Bayerischen Landtag – Kontakt". Archived from the original on 19 August 2010. Retrieved 2021-12-18.
- ↑ "Grüne Jugend Bundesverband - Interview mit Ines Eichmüller". Archived from the original on 8 October 2005. Retrieved 2021-12-18.
- ↑ ""Fotomontage mit meinem Kopf auf fast nacktem Frauenkörper" (GRÜNE JUGEND)". Archived from the original on 30 October 2007. Retrieved 2021-12-18.
- ↑ 5.0 5.1 "Ehe-Aus mit Ines Eichmüller (41): Hat Tessa Ganserer (44) einen Neuen? | Regional". BILD.de. Retrieved 2021-12-18.