ആഭിചാരം

ശത്രുവിനെ നശിപ്പിക്കാൻ സാധിക്കും എന്ന വിശ്വാസത്തോടെ നടത്തുന്ന ദുർമന്ത്രവാദമാണ് ആഭിചാരം. മാരണം ഒരുതരം ആഭിചാരകർമമാണ്. തലയോട്ടി അസ്ഥിക്കഷണങ്ങൾ കോഴി, ഓന്ത്, പൂച്ച, തവള, പല്ലി എന്നിവയുടേയും മറ്റും അറുത്ത തല മുതലായവ ആഭിചാരത്തിന് ഉപയോഗിക്കാറുണ്ട്. ലോഹക്കഷണത്തിൽ അടയാളങ്ങളും ചിത്രങ്ങളും മറ്റും വരച്ച് പൂജചെയ്ത് ശത്രു വരുന്ന വഴിയിൽ വച്ച് അറിയാതെ മറികടക്കാൻ ഇടയാക്കുക ഒരു രീതിയാണ്.

Wiktionary

ആഭിചാരം എന്ന വാക്കിനർത്ഥം മലയാളം വിക്കി നിഘണ്ടുവിൽ കാണുക

ഉച്ചേലി തെയ്യത്തോട് അനുബന്ധിച്ചു നടത്തുന്ന ആൾരൂപം കൊണ്ടുള്ള ആഭിചാരം

സമൂഹത്തിൽ ഏറിയ പങ്കും ഇതിനെ അന്ധവിശ്വാസമായി കണക്കാക്കുന്നു. ഇതിനു പരിഹാരമായി പലതരം പൂജകൾ ചെയ്യാമെന്നും വിശാസമുണ്ട്.

കർണാടക മുഖ്യമന്ത്രിയായിരുന്ന യെഡിയൂരപ്പ തനിക്കെതിരേ ശത്രുക്കൾ ആഭിചാരകർമ്മം നടത്തുന്നുവെന്ന് പരസ്യമായി ആരോപിച്ചിട്ടുണ്ട്. ആഭിചാരക്രിയകൾ ചെയ്തുവെന്ന കുറ്റമാരോപിച്ച് വിദേശരാജ്യങ്ങളിൽ ഇന്ത്യക്കാരെ അറസ്റ്റ് ചെയ്തിട്ടുണ്ട്.