അഞ്ചാം സുസ്ഥിര വികസന ലക്ഷ്യം
2015-ൽ ഐക്യരാഷ്ട്രസഭ അംഗീകരിച്ച 17 സുസ്ഥിര വികസന ലക്ഷ്യങ്ങളിൽ അഞ്ചാമത്തേതാണ് അഞ്ചാം സുസ്ഥിര വികസന ലക്ഷ്യം (എസ്.ഡി.ജി. 5 അല്ലെങ്കിൽ 5-ാം ഗ്ലോബൽ ഗോൾ). 2030-ഓടെ ലിംഗസമത്വം എന്ന ലക്ഷ്യത്തിലേക്ക് എത്തിച്ചേരുക എന്നതാണ് ഉദ്ദേശിക്കുന്നത്. ആകെയുള്ള പതിനേഴ് സുസ്ഥിര വികസന ലക്ഷ്യങ്ങൾ വഴി വിവിധ മേഖലകളിൽ കൈവരിക്കുന്ന വികസനത്തിലൂടെ ആഗോളതലത്തിൽ സമസ്ത മേഖലകളിലും സന്തുലിതമായ ഒരു ക്രമം രൂപപ്പെടുത്താനാണ് ഐക്യരാഷ്ട്രസഭ ലക്ഷ്യമിടുന്നത്[1].
| അഞ്ചാം സുസ്ഥിര വികസന ലക്ഷ്യം | |
|---|---|
 | |
| ദൗത്യ പ്രസ്താവന | "Achieve gender equality and empower all women and girls" |
| വാണിജ്യപരം? | No |
| പദ്ധതിയുടെ തരം | Sustainable Development Goal |
| ഭൂസ്ഥാനം | Global |
| സ്ഥാപകൻ | United Nations |
| സ്ഥാപിച്ച തീയതി | 2015 |
| വെബ്‌സൈറ്റ് | sdgs |
അഞ്ചാം സുസ്ഥിര വികസന ലക്ഷ്യത്തിൽ ഒമ്പത് ലക്ഷ്യങ്ങളും 14 സൂചകങ്ങളുമുണ്ട്. ഒമ്പത് ലക്ഷ്യങ്ങളിൽ ആറെണ്ണം ലക്ഷ്യഫലങ്ങളാണ്.
- സ്ത്രീകൾക്കും പെൺകുട്ടികൾക്കുമെതിരായ എല്ലാത്തരം വിവേചനങ്ങളും അവസാനിപ്പിക്കുക;
- സ്ത്രീകൾക്കും പെൺകുട്ടികൾക്കുമെതിരെയുള്ള അക്രമവും ചൂഷണവും അവസാനിപ്പിക്കുക;
- നേരത്തെയുള്ളതും നിർബന്ധിതവുമായ ശൈശവ വിവാഹം, സ്ത്രീ ജനനേന്ദ്രിയ ഛേദിക്കൽ തുടങ്ങിയ ഹാനികരമായ ആചാരങ്ങൾ ഇല്ലാതാക്കുക;
- ശമ്പളമില്ലാത്ത ഗാർഹിക പരിചരണത്തിന്റെ മൂല്യം വർധിപ്പിക്കുകയും ഗാർഹിക ഉത്തരവാദിത്തങ്ങൾ പങ്കിടുന്നത് പ്രോത്സാഹിപ്പിക്കുകയും ചെയ്യുക,
- നേതൃത്വത്തിലും തീരുമാനങ്ങൾ എടുക്കുന്നതിലും സ്ത്രീകളുടെ പൂർണപങ്കാളിത്തം ഉറപ്പാക്കൽ;
- കൂടാതെ സാർവത്രിക പ്രത്യുൽപാദന അവകാശങ്ങളും ആരോഗ്യഅവകാശങ്ങളും ഉറപ്പാക്കുക.
ഈ ലക്ഷ്യങ്ങൾ കൈവരിക്കാനുള്ള മൂന്ന് മാർഗ്ഗങ്ങൾ[2] ഇവയാണ്:
- സ്ത്രീകൾക്ക് സ്വത്തവകാശം, സാമ്പത്തിക സേവനങ്ങൾ, സാമ്പത്തിക സ്രോതസ്സുകൾ, എന്നിവയിൽ തുല്യ അവകാശങ്ങൾ വളർത്തുക;
- സാങ്കേതികവിദ്യയിലൂടെ സ്ത്രീ ശാക്തീകരണം പ്രോത്സാഹിപ്പിക്കുക;
- ലിംഗസമത്വത്തിനായുള്ള നയങ്ങൾ സ്വീകരിക്കുകയും ശക്തിപ്പെടുത്തുകയും നിയമനിർമ്മാണം നടപ്പിലാക്കുകയും ചെയ്യുക.[3]
"ആരെയും പിന്നിലാക്കരുത്" എന്ന പ്രതിജ്ഞയിലൂടെ, ഏറ്റവും പിന്നിലുള്ളവർക്കായി അതിവേഗം പുരോഗതി കൈവരിക്കാൻ ലക്ഷ്യങ്ങൾ അംഗീകരിച്ച രാജ്യങ്ങൾ പ്രതിജ്ഞാബദ്ധമാണ്.[4]:54 സ്ത്രീകൾക്കും പെൺകുട്ടികൾക്കും തുല്യ അവകാശങ്ങളും ജോലിസ്ഥലം ഉൾപ്പെടെയുള്ള ഇടങ്ങളിൽ വിവേചനമില്ലാതെ സ്വതന്ത്രമായി ജീവിക്കാനുള്ള അവസരങ്ങളും നൽകാനാണ് അഞ്ചാം സുസ്ഥിര വികസന ലക്ഷ്യം ലക്ഷ്യമിടുന്നത്. ഇത് ലിംഗസമത്വം കൈവരിക്കുന്നതിനും എല്ലാ സ്ത്രീകളെയും പെൺകുട്ടികളെയും ശാക്തീകരിക്കുന്നതിനും വേണ്ടി വിഭാവനം ചെയ്തതാണ്.
കോവിഡ് -19 മഹാമാരി ദുർബലവിഭാഗമെന്ന നിലയിൽ സ്ത്രീകളെ സാരമായി ബാധിക്കുകയും ചികിത്സാ ലഭ്യതക്കുറവുണ്ടാക്കുകയും ചെയ്തു.[5] മഹാമാരിയുടെ സമയത്ത് സ്ത്രീകൾക്കെതിരായ അതിക്രമങ്ങൾ വർദ്ധിച്ചതായി തെളിവുകൾ കാണിക്കുന്നു.[6]
References തിരുത്തുക
- ↑ "A Systems Approach to Global Sustainability" (in അമേരിക്കൻ ഇംഗ്ലീഷ്). Future Earth. Archived from the original on 28 November 2020. Retrieved 2020-09-30.
- ↑ Bartram, Jamie; Brocklehurst, Clarissa; Bradley, David; Muller, Mike; Evans, Barbara (December 2018). "Policy review of the means of implementation targets and indicators for the sustainable development goal for water and sanitation". npj Clean Water. 1 (1): 3. doi:10.1038/s41545-018-0003-0. S2CID 169226066.
Text was copied from this source, which is available under a Creative Commons Attribution 4.0 International License
- ↑ "Goal 5: Gender Equality - SDG Tracker". Our World in Data (in ഇംഗ്ലീഷ്). Archived from the original on 26 November 2020. Retrieved 2020-08-20.
- ↑ Sustainable development goals report 2016. New York: United Nations. 2016. ISBN 978-92-1-101340-5. OCLC 959869696. Archived from the original on 28 November 2020. Retrieved 27 August 2020.
- ↑ Leal Filho, Walter; Brandli, Luciana Londero; Lange Salvia, Amanda; Rayman-Bacchus, Lez; Platje, Johannes (2020-07-01). "COVID-19 and the UN Sustainable Development Goals: Threat to Solidarity or an Opportunity?". Sustainability (in ഇംഗ്ലീഷ്). 12 (13): 5343. doi:10.3390/su12135343. ISSN 2071-1050. Text was copied from this source, which is available under a Creative Commons Attribution 4.0 International License
- ↑ Onyango, Monica Adhiambo. "Sexual and gender-based violence during COVID-19: lessons from Ebola". The Conversation (in ഇംഗ്ലീഷ്). Archived from the original on 25 November 2020. Retrieved 2020-09-30.
