സിറോപീജിയ

അപ്പോസൈനേസീ, സസ്യകുടുംബത്തിലെ ഒരു ജനുസാണ് സിറോപീജിയ (Ceropegia). ആഫ്രിക്ക, തെക്കേഷ്യ, ആസ്ത്രേലിയ എന്നിവിടങ്ങളിലെ തദ്ദേശീയസസ്യമാണ്. 1753 -ൽ പുറത്തിറങ്ങിയ തന്റെ Species plantarum -ത്തിന്റെ ഒന്നാം വോള്യത്തിൽ കാൾ ലിനയേസ്, ആണ് ഈ ജനുസിനെപ്പറ്റി വിവരിച്ചതും ഈ നാമം നൽകിയതും. പൂക്കൾ മെഴുകുകൊണ്ടുള്ള ഒരു ഫൗണ്ടൻ പോലെ തോന്നിയതിനാലാണ് ഈ പേര് അദ്ദേഹം നൽകിയത്. (‘keros’ = മെഴുക് ‘pege’ = ഫൗണ്ടൻ) (Pooley, 1998). റാന്തൽ പുഷ്പം, പാരച്ചൂട്ട് പുഷ്പം, ബുഷ്മാന്റെ പൈപ്, പാരാസോൾ പുഷ്‌പം, സ്നെയ്‌ക് ക്രീപ്പർ, വൈൻഗ്ലാസ് വള്ളി, റോസറി വള്ളി, നെക്‌ലേസ് വള്ളി എന്നെല്ലാം പേരുകളുണ്ട്.

സിറോപീജിയ
Ceropegia elegans
ശാസ്ത്രീയ വർഗ്ഗീകരണം
കിങ്ഡം:	Plantae
(unranked):	Angiosperms
(unranked):	Eudicots
(unranked):	Asterids
Order:	Gentianales
Family:	Apocynaceae
Subfamily:	Asclepiadoideae
Genus:	Ceropegia L.

കാഴ്‌ചയ്ക്ക്

സിറോപീജിയ വൂഡൈ

ചില സ്പീഷിസുകളുടെ വേരുകൾ വണ്ണം വച്ച് കിഴങ്ങുപോലെയാകാറുണ്ട്. ചില സ്പീഷുസുകളിലെ ഇലകൾ വണ്ണം വച്ച് മാംസളമായി കാണാറുണ്ട്. ഒരു കൂടു പോലെയോ, പൈപ്പുപോലെയോ തോന്നിക്കുന്ന ദളപുടമാണ് സിറൊപീജിയയുടേത്. അഞ്ച് ഇതളുകൾ ആവും ഉണ്ടാവുക. ഈച്ചകളാൽ പരാഗണം നടത്താൻ തക്ക രീതിയിലാണു പൂക്കളുടെ വിന്യാസം. പലതരം ഈച്ചവർഗ്ഗങ്ങൾ ഇവയുടെ പരാഗണത്തിനു സഹായിക്കുന്നുണ്ട്. പലസ്ഥലങ്ങളിലും കൂടുപോലെയിരിക്കുന്ന പൂക്കളിൽ താൽക്കാലികമായി കുടുങ്ങിപ്പോകുന്ന ഈച്ചകൾ രക്ഷപ്പെടുമ്പോഴേക്കും പരാഗണം നടക്കുന്നു.

വർഗ്ഗീകരണം

അറിയപ്പെടുന്ന 180 ഓളം സ്പീഷിസുകൾ ഉണ്ട്, പല പുതിയ സ്പീഷിസുകളും കണ്ടുപിടിച്ചുകൊണ്ടിരിക്കുന്നു. ആഫ്രിക്കയിലെങ്ങും മഡഗാസ്കറിലും ഏഷ്യയിലും ആസ്ത്രേലിയയിലുമെല്ലാം കണ്ടുവരുന്നു.

തെരഞ്ഞെടുത്തസ്പീഷിസുകൾ

3

ചിത്രശാലGallery

• 
  Ceropegia stapeliiformis
• 
  Ceropegia linearis
• 
  Ceropegia rhynchantha
• 
  Ceropegia fusca
• 
  Ceropegia candelabrum

പുറത്തേക്കുള്ള കണ്ണികൾ

• Ceropegia. ഫ്ലിക്കറിൽ