ആര്യാടൻ മുഹമ്മദ്

കേരളത്തിലെ രാഷ്ട്രീയ പ്രവർത്തകൻ
(Aryadan Muhammed എന്ന താളിൽ നിന്നും തിരിച്ചുവിട്ടതു പ്രകാരം)

കേരളത്തിലെ പ്രമുഖ കോൺഗ്രസ്സ് (ഐ) നേതാക്കളിലൊരാളും കേരള നിയമസഭയിലെ മുൻ വൈദ്യുതി, ഗതാഗത മന്ത്രിയുമാണ് ആര്യാടൻ മുഹമ്മദ് (ജനനം : 1935 മേയ് 15 നിലമ്പൂർ). വിവിധ ട്രേഡ് യൂണിയനുകളുടെ നേതൃസ്ഥാനം വഹിച്ചിട്ടുണ്ട്. തിരക്കഥാകൃത്തും രാഷ്ട്രീയ പ്രവർത്തകനുമായ ആര്യാടൻ ഷൗക്കത്ത് ഇദ്ദേഹത്തിന്റെ മകനാണ്.

Aryadan Muhammed
ആര്യാടൻ മുഹമ്മദ്‌
Aryadan muhamed DSC 0271.jpg
കേരള നിയമസഭയിലെ വൈദ്യുതി മന്ത്രി
ഔദ്യോഗിക കാലം
മെയ്‌ 23, 2011 – മെയ് 20 2016
മുൻഗാമിഎ.കെ. ബാലൻ
പിൻഗാമിഎം.എം. മണി
മണ്ഡലംനിലമ്പൂർ, മലപ്പുറം ജില്ല
കേരള നിയമസഭയിലെ ഗതാഗത വകുപ്പ് മന്ത്രി
ഔദ്യോഗിക കാലം
ഏപ്രിൽ 12, 2012 – ജനുവരി 1, 2014
മുൻഗാമിവി.എസ്. ശിവകുമാർ
പിൻഗാമിതിരുവഞ്ചൂർ രാധാകൃഷ്ണൻ
വ്യക്തിഗത വിവരണം
ജനനം (1935-05-15) 15 മേയ് 1935  (85 വയസ്സ്)
നിലമ്പൂർ , മലപ്പുറം ജില്ല
രാഷ്ട്രീയ പാർട്ടിIndian National Congress
പങ്കാളിSmt. Mariyumma
മക്കൾTwo sons and two daughters
വസതിNilambur, Kerala
As of Nov 8, 2012
ഉറവിടം: kerala.gov.in

രാഷ്ട്രീയജീവിതംതിരുത്തുക

കോൺഗ്രസ് അംഗമായി 1952-ലാണ്‌ അദ്ദേഹം രാഷ്ട്രീയപ്രവേശനം നടത്തിയത്. 1958 മുതൽ കെ.പി.സി.സി. അംഗമാണ്‌. മലപ്പുറം ജില്ല കോൺഗ്രസ് കമ്മിറ്റിയുടെയും വിവിധ ട്രേഡ് യൂണിയനുകളുടെയും പ്രസിഡൻറായി പ്രവർത്തിച്ചിട്ടുണ്ട്.

1977, 1980, 1987, 1991, 1996, 2001, 2006, 2011 എന്നീ വർഷങ്ങളിൽ നിലമ്പൂർ നിയമസഭാമണ്ഡലത്തിൽ നിന്ന് കേരള നിയമസഭയിലേക്ക് തിരഞ്ഞെടുക്കപ്പെട്ടു. 1980-82 കാലത്ത് ഇ.കെ. നായനാർ മന്ത്രിസഭയിലെ തൊഴിൽ, വനം മന്ത്രിയായിരുന്നു. ഒമ്പതാം നിയമസഭയിലെ എ.കെ. ആന്റണി മന്ത്രിസഭയിൽ തൊഴിൽ, ടൂറിസം മന്ത്രിയായും ഉമ്മൻ ചാണ്ടി മന്ത്രിസഭയിൽ (2004-06) വൈദ്യുതിമന്ത്രിയായും പ്രവർത്തിച്ചിട്ടുണ്ട്.

മുസ്ലിം ലീഗ് നേതാക്കളെയും ലീഗ് നിലപാടുകളെയും എതിർക്കുക വഴി പലപ്പോഴും മാധ്യമങ്ങളിൽ നിറഞ്ഞു നിന്ന വ്യക്തിയാണ് ആര്യാടൻ മുഹമ്മദ്‌.

സഖാവ് കുഞ്ഞാലി വധക്കേസ്തിരുത്തുക

മുൻ നിലമ്പൂർ എം എൽ എ ആയിരുന്ന കെ. കുഞ്ഞാലിയെ[1] വധിച്ചതിൽ ആര്യാടന് സുപ്രധാന പങ്കുണ്ടായിരുന്നതായി ആരോപണമുണ്ട്.[2] ഈ കൊലക്കേസിൽ നിന്നും ആര്യാടനെ രക്ഷിക്കാൻ ഇന്ദിരാഗാന്ധി ഉൾപ്പെടെ ശ്രമിച്ചതായി പറയപ്പെടുന്നു[അവലംബം ആവശ്യമാണ്].

അവലംബംതിരുത്തുക

  1. http://www.doolnews.com/on-comrade-kunjali-679.html
  2. The hindu sep:23-2005


"https://ml.wikipedia.org/w/index.php?title=ആര്യാടൻ_മുഹമ്മദ്&oldid=3462214" എന്ന താളിൽനിന്ന് ശേഖരിച്ചത്